ဒုတိယတပ်မတော်ကာကွယ်ရေး ဦးစီးချုပ် ကာကွယ်ရေး ဦးစီးချုပ် (ကြည်း) ဒုတိယဗိုလ်ချုပ်မှူးကြီး စိုးဝင်းနှင့် တရုတ်ပြည်သူ့လွတ်မြောက်ရေး တပ်မတော်၊ တောင်ပိုင်းစစ်နယ်ဝန်းကွပ်ကဲမှုဌာနချုပ်၏ ဒုတိယဌာနချုပ်မှူးနှင့် ပူးတွဲစစ်ဦးစီးဌာနအကြီးအကဲ Lieutenant General Chen Zhaohai တို့ အဖွဲ့ဝင်များနှင့်အတူ စုပေါင်းဓာတ်ပုံရိုက်စဉ်။
နေပြည်တော် ၁၉-၁၂-၂၀၁၇
ဒုတိယတပ်မတော်ကာကွယ်ရေး ဦးစီးချုပ် ကာကွယ်ရေးဦးစီးချုပ် (ကြည်း) ဒုတိယဗိုလ်ချုပ်မှူးကြီး စိုးဝင်းသည် ယနေ့နံနက်ပိုင်းတွင် တရုတ်ပြည်သူ့လွတ်မြောက်ရေး တပ်မတော်၊ တောင်ပိုင်းစစ်နယ်ဝန်းကွပ်ကဲမှု ဌာနချုပ်၏ ဒုတိယဌာနချုပ်မှူးနှင့် ပူးတွဲစစ်ဦးစီး ဌာနအကြီးအကဲ Lieutenant General Chen Zhaohai ဦးဆောင်သော ကိုယ်စားလှယ် အဖွဲ့အား နေပြည်တော်ရှိ ဘုရင့်နောင်ရိပ်သာ ဧည့်ခန်းမဆောင်၌ လက်ခံတွေ့ဆုံသည်။
တွေ့ဆုံပွဲသို့ ဒုတိယတပ်မတော်ကာကွယ်ရေးဦးစီးချုပ် ကာကွယ်ရေးဦးစီးချုပ် (ကြည်း) ဒုတိယဗိုလ်ချုပ်မှူးကြီး စိုးဝင်းနှင့်အတူ ကာကွယ်ရေးဦးစီးချုပ်ရုံးမှ တပ်မတော်အရာရှိကြီးများ တက်ရောက်ကြပြီး တရုတ်ပြည်သူ့ လွတ်မြောက်ရေးတပ်မတော်၊ တောင်ပိုင်းစစ်နယ်ဝန်း ကွပ်ကဲမှုဌာနချုပ်၏ ဒုတိယဌာနချုပ်မှူးနှင့် ပူးတွဲစစ်ဦးစီးဌာနအကြီးအကဲ Lieutenant General Chen Zhaohai နှင့်အတူ ပူးတွဲစစ်ဦးစီးဌာန ဒုတိယအကြီးအကဲ Major General Feng Xiang နှင့် တာဝန်ရှိသူများ တက်ရောက်ကြသည်။
ထိုသို့တွေ့ဆုံရာတွင် မြန်မာ-တရုတ်နှစ်နိုင်ငံသည် နှစ်ပေါင်းများစွာ ရှည်လျားသည့် ဆက်ဆံရေးရှိခဲ့ပြီး တည်ရှိပြီးသော ဆွေမျိုးပေါက်ဖော်ဆက်ဆံရေးနှင့်အတူ နှစ်နိုင်ငံ ဘက်စုံမဟာဗျူဟာ မိတ်ဖက်ဆက်ဆံရေး အဖြစ် ဆောင်ရွက်လျက်ရှိသည့် အခြေအနေများ၊ နှစ်နိုင်ငံတပ်မတော်အကြီးအကဲများ၏ တွေ့ဆုံဆွေးနွေး ဆုံးဖြတ်ချက်များကို အကောင်အထည်ဖော်ရေးဆိုင်ရာ ကိစ္စရပ်များ၊ နှစ်နိုင်ငံနယ်နိမိတ်ချင်း ရှည်လျားစွာ ထိစပ်နေပြီး နယ်စပ်ပြဿာနာများတွင် အစိုးရချင်း၊ တပ်မတော်ချင်းချစ်ကြည်ရင်းနှီးပွင့်လင်းစွာ ပူးပေါင်း ဖြေရှင်းဆောင်ရွက်သွားမည့်အခြေအနေများ၊ နယ်စပ်ဒေသတည်ငြိမ်အေးချမ်း ရေးအတွက် နှစ်နိုင်ငံအစိုးရနှင့် တပ်မတော်နှစ်ရပ်အကြားတွင် ရင်းနှီးပွင့်လင်းစွာဖြင့် အပြန်အလှန်ယုံကြည်မှု၊ လေးစားမှုနှင့် ရိုးသားမှုများ အပေါ်အခြေခံလျက် ပူးပေါင်းဆောင်ရွက်နိုင်ရေးဆိုင်ရာကိစ္စရပ်များ၊ နှစ်နိုင်ငံတပ်မတော်နှစ်ရပ်အကြား အပြန်အလှန်လေးစားမှု၊ ယုံကြည်မှု၊ ချစ်ကြည်မှုများဖြင့် ဆက်ဆံဆောင်ရွက်နေမှုအခြေအနေများ၊ မြန်မာ့ တပ်မတော်၏ အိမ်နီးချင်းနိုင်ငံတပ်မတော်များနှင့် ချစ်ကြည်ရင်းနှီးမှု ပိုမိုတိုးတက် ကောင်းမွန်စေရေးအတွက် အထူးအလေးထားဆောင်ရွက်နေမှုအခြေအနေများအား ရင်းနှီးပွင့်လင်းစွာ အပြန်အလှန်ဆွေးနွေးကြသည်။
တွေ့ဆုံပွဲအပြီးတွင် ဒုတိယတပ်မတော်ကာကွယ်ရေးဦးစီးချုပ် ကာကွယ်ရေးဦးစီးချုပ်(ကြည်း) ဒုတိယဗိုလ်ချုပ် မှူးကြီး စိုးဝင်းနှင့် ဒုတိယဌာနချုပ်မှူးနှင့်ပူးတွဲစစ်ဦးစီး ဌာနအကြီးအကဲ Lieutenant General Chen Zhaohai တို့သည် အမှတ်တရလက်ဆောင်ပစ္စည်းများ အပြန်အလှန်ပေးအပ်ကြပြီး အဖွဲ့ဝင်များနှင့်အတူ စုပေါင်းဓာတ်ပုံ ရိုက်ခဲ့ကြကြောင်းသတင်းရရှိသည်။
#Themyawadydaily
No comments:
Post a Comment