Social Icons

Pages

Featured Posts

http://myawady-myawady.blogspot.com/ . . . http://facebook.com/themyawadydaily . . . https://twitter.com/themaywadydaily

Tuesday, October 17, 2017

ပြင်ဦးလွင်မြို့ အမျိုးသားကန်တော်ကြီး ဥယျာဉ်အတွင်းရှိ သဘာဝငှက်ဥယျာဉ် အောက်တိုဘာလကုန်တွင် ပြန်လည်ဖွင့်လှစ်မည်



ပြင်ဦးလွင် ၁၇-၁၀-၂၀၁၇

ပြင်ဦးလွင်မြို့ အမျိုးသားကန်တော်ကြီး ဥယျာဉ်အတွင်း၌ ဖွင့်လှစ်ထားသော သဘာဝငှက်ဥယျာဉ်ကို ပြုပြင်ထိန်းသိမ်းရန် ဇူလိုင်လဆန်းပိုင်းတွင် ခေတ္တပိတ်ထားခဲ့ပြီး ယခုအခါ ပြုပြင်မှုလုပ်ငန်းများ ပြီးစီးသွားပြီဖြစ်၍
အောက်တိုဘာလ ကုန်ပိုင်းတွင် ပြန်လည် ဖွင့်လှစ်မည်ဖြစ်ကြောင်း အဆိုပါဥယျာဉ် အထွေထွေမန်နေဂျာ ဦးဝေမျိုးအောင်ထံမှ သိရသည်။

သဘာဝငှက် ဥယျာဉ်ပြုပြင်ရာ၌ ခြံအတွင်း ကာရံထားသောပိုက်များကို အသစ်လဲလှယ်ခြင်း၊ ဆေးသုတ်ခြင်း၊ အပင်များ အသစ်ထပ်မံစိုက်ပျိုးခြင်း စသောလုပ်ငန်းစဉ်များကို ဆောင်ရွက်ခြင်း ဖြစ်သည်။

ထို့ပြင် ငှက်များကို လာရောက်လေ့လာ ကြည့်ရှုသူများအနေဖြင့် မကျွေးသင့်သော အစာများမကျွေးရန် တားမြစ်ထားသော ပညာပေးပြခန်းများကိုလည်း ထည့်သွင်းပြသ ထားကြောင်း သိရသည်။

သဘာဝငှက်ဥယျာဉ်ကို ပြန်လည်ဖွင့်လှစ် သည့်အခါ လာရောက်လေ့လာ ကြည့်ရှုသူများ ယခင်ကထက် ပိုမိုအဆင့်အတန်းမြင့်စွာ လေ့လာကြည့်ရှုနိုင်မည် ဖြစ်သည်။

''သဘာဝငှက်ဥယျာဉ်ကို အကောင်းဆုံး ပုံစံတွေနဲ့ ပြုပြင်ထိန်းသိမ်း ထားတာကြောင့် ပြည်သူတွေ လာရောက်လေ့လာတဲ့ အခါမှာအရင်ကထက် စိတ်ကျေနပ်မှု ပိုမိုရရှိ ကြလိမ့်မယ်လို့ မျှော်လင့်ပါတယ်။ နောက်ပိုင်းမှာလည်း လိုအပ်ရင်လိုအပ်သလို သဘာဝငှက်ဥယျာဉ်ကို ဆက်လက်ပြုပြင်သွားမှာပါ'' ဟု ဦးဝေမျိုးအောင်က ပြောသည်။

#Themyawadydaily

ယခုလတွင် ဧရာဝတီလင်းပိုင် ထိန်းသိမ်းရေးနှင့် ရပ်ရွာလူထုအခြေပြု ခရီးသွားလုပ်ငန်းအတွက် ကျေးရွာတစ်ရွာ ထပ်မံတိုးချဲ့



စစ်ကိုင်း ၁၇-၁၀-၂၀၁၇

ဟိုတယ်နှင့် ခရီးသွားလာရေး ဝန်ကြီးဌာန သားငှက်ထိန်းသိမ်းရေးအဖွဲ့ (မြန်မာအစီအစဉ်) နှင့် သစ်တောဦးစီး ဌာနတို့ပူးပေါင်း၍ ဧရာဝတီလင်းပိုင် ထိန်းသိမ်းရေးနှင့် ရပ်ရွာလူထုအခြေပြု ခရီးသွားလုပ်ငန်းများ ဆောင်ရွက် လျက်ရှိရာ စစ်ကိုင်းတိုင်းဒေသကြီး အင်တောင်းကျေးရွာကို ယခုလအတွင်း ထပ်မံတိုးချဲ့ခဲ့ကြောင်း သားငှက်ထိန်းသိမ်းရေးအဖွဲ့ Ecotourism Manager ဦးသန့်ဇင်ထံမှ သိရသည်။

ဧရာဝတီလင်းပိုင်များကို ကျေးရွာလူထုနှင့် ပူးပေါင်း၍ မန္တလေးတိုင်း ဒေသကြီးရှိ ဆင်ကျွန်း၊ အေးကျွန်း၊ စိန်ပန်းကုံး၊ စည်းသည်၊ မြေစွန်းနှင့် မြစ်ကမ်းကြီး စသည့်ကျေးရွာတို့၌ ရပ်ရွာလူထုအခြေပြု ခရီးသွားလုပ်ငန်းဖြင့် ဧရာဝတီလင်းပိုင် ထိန်းသိမ်းစောင့်ရှောက် လျက်ရှိရာမှ ကျေးရွာတစ်ရွာ ထပ်မံတိုးခြင်းဖြစ်ပြီး လာမည့်နှစ်တွင် စစ်ကိုင်းတိုင်းဒေသကြီးမှ ရွာသစ်ကိုလည်း ထပ်မံတိုးချဲ့မည်ဖြစ်သည်။

''ဧရာဝတီလင်းပိုင်ကို ကျေးရွာလူထုနဲ့ ပူးပေါင်းထိန်းသိမ်းနိုင်အောင် ကော်မတီဖွဲ့ထားတာ။ အဓိကကတော့ ကျေးရွာမှာ အလုပ်အကိုင်အခွင့်အလမ်း လည်းရမယ်။ ဝင်ငွေလည်းရမယ်။ ဧရာဝတီလင်းပိုင်တွေ အပေါ်မှာလည်း ပိုပြီးတော့ထိန်းသိမ်းနိုင်အောင်၊ နောက်ပြီး လင်းပိုင်တွေအပေါ် ကျရောက်နေတဲ့ ခြိမ်းခြောက်မှုအန္တရာယ်တွေ လျော့ကျသွားအောင်လို့ ရွာသူရွာသားတွေကို အလုပ်အကိုင်အခွင့်အလမ်းတွေ ပေးလိုက်ရင် ဧရာဝတီလင်းပိုင် တွေအပေါ် ကျရောက်နေတဲ့ အန္တရာယ်တွေလည်း လျော့နည်းသွားမှာပါ'' ဟု ဦးသန့်ဇင်က ပြောသည်။

ဧရာဝတီလင်းပိုင်များကို ပိုမိုထိန်းသိမ်း စောင့်ရှောက်နိုင်ရန် ရပ်ရွာလူထုအခြေပြု ခရီးသွားလုပ်ငန်းကို ဖော်ဆောင်၍ ဆောင်ရွက်လျက်ရှိရာ ကျေးရွာခုနစ်ရွာ၌ လင်းပိုင်ထိန်းသိမ်းမှု လိုက်ပြရေးအဖွဲ့၊ ထမင်းချက်အဖွဲ့၊ ကျေးရွာဧည့်လမ်းညွှန်အဖွဲ့နှင့် နွားလှည်းပို့ဆောင်ရေး စသည်ဖြင့် အဖွဲ့များခွဲ၍ ဆောင်ရွက်လျက်ရှိသည်။

ယခုနှစ် ဖေဖော်ဝါရီလ လင်းပိုင်စစ်တမ်း ကောက်ယူမှုစာရင်းအရ မန္တလေးမှ ဗန်းမော်အထိ လင်းပိုင်အကောင်ရေ ၆၉ ကောင်ရှိကြောင်းနှင့် လက်ရှိတွင် ဧရာဝတီလင်းပိုင် ထိန်းသိမ်းမှုဧရိယာသည် မင်းကွန်းမှ ကျောက်မြောင်း အထိဖြစ်ပြီး ၇၄ ကီလိုမီတာရှိကြောင်း သိရသည်။

#Themyawadydaily

Monday, October 16, 2017

မောင်တောမြို့နယ်၊ တောင်ပြိုဝဲမြို့၊ မဲဒီကျေးရွာနှင့် လက်ဖွဲ့ကျကျေးရွာအနီး မီးရှို့ရန်လာရောက်သည့် ARSA အစွန်းရောက် ဘင်္ဂါလီအကြမ်းဖက်သမားများ ဖမ်းဆီးရမိ


သိမ်းဆည်းရမိ ဘင်္ဂလားဒေ့ရ်ှနိုင်ငံမှ ထုတ်ပေးထားသည့် Myanmar National's Card ကိုတွေ့ရစဉ်။

ဖမ်းဆီးရမိ ARSA အစွန်းရောက်ဘင်္ဂါလီ အကြမ်းဖက်သမားနှစ်ဦးကို တွေ့ရစဉ်။

နေပြည်တော် ၁၇-၁၀-၂၀၁၇

ရခိုင်ပြည်နယ်၊ မောင်တောမြို့နယ်၊ တောင်ပြိုဝဲမြို့၊ မဲဒီကျေးရွာရှိ နေအိမ်များအား ARSA အစွန်းရောက် ဘင်္ဂါလီအကြမ်းဖက်သမားများက မီးရှို့ဖျက်ဆီးမည်ဟု သတင်းအရ အဆိုပါကျေးရွာအနီး လုံခြုံရေးဆောင်ရွက်စဉ် အောက်တိုဘာ ၁၅ ရက် နံနက် ၄ နာရီခွဲခန့်တွင် ကျေးရွာ၏အနောက်ဘက် မီတာ ၁၀၀ ခန့်အကွာ၌ ဓားကိုယ်စီ ကိုင်ဆောင်ထားသည့် ARSA အစွန်းရောက် ဘင်္ဂါလီအကြမ်းဖက်သမား ၁၀ ဦးခန့်ကိုတွေ့ရှိ၍ လုံခြုံရေးတပ်ဖွဲ့ ၀င်တစ်ဦးက စစ်ဆေးမေးမြန်းရာ ပြန်လည်ပြောကြားခြင်းမရှိဘဲ ရှေ့ဆုံးမှ အစွန်းရောက်ဘင်္ဂါလီ အကြမ်းဖက်သမားတစ်ဦးက အသင့်ကိုင်ဆောင်ထားသောဓားဖြင့် ပြေးခုတ်သဖြင့် လုံခြုံရေးတပ်ဖွဲ့ဝင် ၁ ဦးက လက်နက်ငယ်ဖြင့် ခုခံကာကွယ် ပစ်ခတ်ခဲ့သည်။

ထိုသို့ ပြန်လည်ခုခံ ပစ်ခတ်မှုကြောင့် အစွန်းရောက်ဘင်္ဂါလီ အကြမ်းဖက်သမားများသည် ကျေးရွာ၏အနောက်ဘက် နတ်မြစ်ဘက်သို့ ပြန်လည်ဆုတ်ခွာ ထွက်ပြေးသဖြင့် လိုက်လံရှင်းလင်းခဲ့ရာ မဲဒီကျေးရွာ၏အနောက်ဘက် မီတာ ၁၀၀ခန့်အကွာ၌ လည်ပင်းတွင် လက်နက်ငယ်ကျည်ဖောက်ဝင် ဒဏ်ရာဖြင့် သေဆုံးနေသည့် ဘင်္ဂါလီအကြမ်းဖက်သမား တစ်ဦးအား အရိုးအသွား ၂ ပေ၊ ဗြက် ၂ လက်မခန့်ရှိ ဓား ၁ ချောင်း၊ ရေနံဆီထည့်၍ အ၀တ်ဖြင့် ပိတ်ဆို့ထားသည့် ပုလင်း ၁ လုံး၊ ၎င်း၏ကိုယ်ပေါ်မှ တာကာငွေ ၈၀၊ ဘင်္ဂလားဒေ့ရ်ှနိုင်ငံမှ ထုတ်ပေးထားသော Myanmar National's Card တစ်ခုတို့နှင့်အတူ တွေ့ရှိသိမ်းဆည်းရမိခဲ့သည်။

ယင်းကတ်တွင် ကတ်အမှတ်၊ 10420171013144309 ၊ အမည်၊ ဟာဆန် (Hasan) ၊အသက် ၂၀ နှစ်(ဘ)ရိုဟင် (Rohim)၊ လိပ်စာ Vill, Boli Bazar,Ps; Maungdaw, Dist; Akyab, Myanmar၊ ထုတ်ပေးရက်စွဲ ၂၀၁၇၊ အောက်တိုဘာ ၁၃ ရက်ဟု ဖော်ပြပါရှိသည်။

အလားတူ အောက်တိုဘာ ၁၅ ရက် မွန်းလွဲ ၁ နာရီခန့်တွင် မဲဒီကျေးရွာ၏ တောင်ဘက် လက်ဖွဲ့ကျ ကျေးရွာအနီး၌ မသင်္ကာဖွယ် ဘင်္ဂါလီ ၃ ဦးအားတွေ့ရှိသဖြင့် စစ်ဆေးမေးမြန်းရန် ခေါ်ယူစဉ် ၁ ဦးမှာ ထွက်ပြေးသွားခဲ့သည်။ ဖမ်းဆီးရမိသူ ၂ ဦး၏ ပြောကြားချက်အရ ၎င်းတို့မှာလက်ဖွဲ့ကျကျေးရွာမှ ဟာဆောင်း (ဘ)ဆွေနုယာမောက်နှင့် မူဟာမတ်ဒူဟိုင်း (ဘ) မိုဟာမတ်ကော်ရိန် တို့ဖြစ်ပြီး ထွက်ပြေးသွားသူမှာ မဲဒီကျေးရွာမှ နိုရာလောင် ဖြစ်ကြောင်း၊ သြဂုတ် ၂၅ ရက် အကြမ်းဖက်တိုက်ခိုက် မှုဖြစ်စဉ်များ ဖြစ်ပွားပြီးနောက် ဘင်္ဂလားဒေ့ရ်ှနိုင်ငံသို့ သွားရောက်နေထိုင်ခဲ့ကြောင်း၊ အောက်တို ဘာ ၁၅ ရက် နံနက် ၆ နာရီ ခန့်တွင် နယ်စပ်ခြံစည်းရိုးအနီးရှိ ရေထွက်ပေါက်မှတစ်ဆင့် ပြန်လည်ဝင်ရောက်လာခဲ့ပြီး ၎င်းတို့နေထိုင်ခဲ့ရာ လက်ဖွဲ့ကျ ကျေးရွာရှိ နေအိမ်များ၌ အသုံးအဆောင်ပစ္စည်းများကို ရှာဖွေပြီးနောက် ကျေးရွာအားမီးရှို့ဖျက်ဆီးရန် လာ ရောက်ခြင်းဖြစ်ကြောင်း သိရှိရသည်။

အဆိုပါ ဖမ်းဆီးရမိသူများအား တရားဥပဒေအရ အမှုဖွင့်အရေးယူဆောင် ရွက်နိုင်ရန် တောင်ပြိုယာရဲစခန်းသို့ စနစ်တကျလွှဲပြောင်းအပ်နှံခဲ့ကြောင်း သတင်းရရှိသည်။

#Themyawadydaily

ရခိုင်ပြည်နယ်အတွင်း လူသားချင်းစာနာမှု အကူအညီ အထောက်အပံ့ပေးရေး၊ ပြန်လည်နေရာချထားရေး၊ ဖွံ့ဖြိုးရေးများပါဝင်သော ပြည်ထောင်စုစီမံကိန်းကို အကောင်အထည်ဖော်ရေး ရှေ့ပြေးစီမံချက် စတင်ဆောင်ရွက်


ပြည်ထောင်စုဝန်ကြီး ဒေါက်တာဝင်းမြတ်အေး ဒေသခံတိုင်းရင်းသားများအတွက် ထောက်ပံ့ပစ္စည်းများ ပေးအပ်စဉ်။

စစ်တွေ ၁၇-၁၀-၂၀၁၇

ရခိုင်ပြည်နယ်အတွင်း လူသားချင်းစာနာမှု အကူအညီအထောက်အပံ့ပေးရေး၊ ပြန်လည်နေရာချထားရေး၊ ဖွံ့ဖြိုးရေးများပါဝင်သော ပြည်ထောင်စုစီမံကိန်း (Union Enterprise for Humanitarian Assistance, Resettlement and Development in Rakhine - UEHRD) ကို အကောင်အထည်ဖော်ရေး ရှေ့ပြေးစီမံချက် အကောင်အထည်ဖော်ရန် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေးသည် ရခိုင်ပြည်နယ်ဝန်ကြီးချုပ် ဦးညီပု၊နယ်စပ်ရေးရာဝန်ကြီးဌာန ဒုတိယဝန်ကြီး ဗိုလ်ချုပ်သန်းထွဋ်တို့နှင့်အတူ မောင်တောမြို့နယ် လောင်းဒုံ၊ ဘဒကား၊ ပန်းတောပြင်ကျေးရွာ တို့သို့သွားရောက်၍ လူသားချင်းစာနာမှုဆိုင်ရာ အကူအညီအထောက်အပံ့ များဖြစ်သည့် စားနပ်ရိက္ခာပစ္စည်းများ ပေးအပ်ခြင်း၊ ပြန်လည်နေရာချထားရေးအတွက် အိမ်ရာများ စတင်ဆောက်လုပ်ခြင်း လုပ်ငန်းများကို ဆောင်ရွက်ခဲ့သည်။

ပြည်ထောင်စုဝန်ကြီးနှင့်အဖွဲ့သည် ယနေ့မွန်းလွဲပိုင်းတွင် စစ်တွေလေဆိပ်မှ ရဟတ်ယာဉ်ဖြင့်ထွက်ခွာရာ မွန်းလွဲ ၁ နာရီခွဲတွင် မောင်တောမြို့မြောက်ပိုင်း မြိုတိုင်းရင်းသားများ နေထိုင်ရာ လောင်းဒုံ (နတလ)ကျေးရွာသို့ရောက်ရှိပြီး ဒေသခံမြိုတိုင်းရင်းသားများနှင့် တွေ့ဆုံကာ အားပေးစကား ပြောကြားသည်။

ပြည်ထောင်စုဝန်ကြီးက မိမိတို့ပြည်ထောင်စုအစိုးရနှင့် ပြည်နယ်အစိုးရအဖွဲ့တို့သည် တိုင်းရင်းသားများအတွက် စားနပ်ရိက္ခာများ လာရောက်ထောက်ပံ့ခြင်း ဖြစ်ကြောင်း၊ လိုအပ်သည့်နေရာများတွင် နေအိမ်များတည်ဆောက်၍ ပြန်လည်နေရာ ချထားပေးရန်ဖြစ်ကြောင်း၊ လူနည်းစုတိုင်းရင်းသား များ၏ကျန်းမာရေးနှင့် ပညာရေးကဏ္ဍများအပါအဝင် လူမှုဘဝဖွံ့ဖြိုးတိုးတက်အောင် ဆောင်ရွက်ပေးမည် ဖြစ်ကြောင်း၊ အစိုးရအနေဖြင့် ပြည်ထောင်စုစီမံကိန်းတွင် လုပ်ငန်းသုံးခု ချမှတ်ဆောင်ရွက် ရန်ရှိကြောင်း၊ အဆိုပါကဏ္ဍသုံးရပ်တွင် စားနပ်ရိက္ခာထောက်ပံ့ရေး၊ ပြန်လည်နေရာချထားရေးနှင့် ဖွံ့ဖြိုးတိုးတက်ရေးကဏ္ဍများ ပါဝင်ကြောင်း၊ ယင်းစီမံကိန်းလုပ်ငန်းများ ဆောင်ရွက်ရာတွင် ဒေသနေပြည်သူများက ဝိုင်းဝန်းပါဝင်ဆောင်ရွက် ပေးစေလိုကြောင်း ပြောကြားသည်။

ထို့နောက် ပြည်ထောင်စုဝန်ကြီးနှင့် အဖွဲ့သည် ဒေသခံမြိုတိုင်းရင်းသားများအတွက် ဆန်အိတ် ၂၉ဝ၊ ဆီ ၉၇ ပုံး၊ ပဲ ၁၈ အိတ်၊ဆား ခုနစ်အိတ်၊ ကြက်သွန်နီ ၄၈ အိတ်၊အာလူး ၄၈ အိတ်၊ ငရုတ်သီးခြောက်ငါးအိတ်၊ နို့မှုန့်ထုပ်များကို ထောက်ပံ့ပေးအပ်သည်။

ယင်းနောက် ပြည်ထောင်စုဝန်ကြီးနှင့် အဖွဲ့သည် မြိုတိုင်းရင်းသားများနေထိုင်ရာ ခုံတိုင်ကျေးရွာနေ မြိုတိုင်းရင်းသားများအတွက် နတလရွာသစ်တည်ဆောက်ပေးရန် အိမ်ရာပန္နက်ရိုက်ပွဲသို့ တက်ရောက်၍ အိမ်ရာသစ်ပန္နက်တိုင်ကို စိုက်ထူပေးသည်။

ဆက်လက်၍ ပြည်ထောင်စုဝန်ကြီးနှင့် အဖွဲ့သည် မောင်တောမြို့နယ် အစ္စလာမ်ဘာသာဝင်များ နေထိုင်ရာ ပန်းတောပြင်ကျေးရွာသို့ ရောက်ရှိကြပြီး ကျေးရွာသူ၊ ကျေးရွာသားများနှင့်တွေ့ဆုံကာ ဆန်၊ ဆီ၊ ပဲ၊ ဆား၊ကြက်သွန်နီ၊ အာလူး၊ ငရုတ်သီးခြောက်နှင့် နို့မှုန့်ထုပ်တို့ကို ထောက်ပံ့ပေးအပ်သည်။

ယင်းနောက် ပြည်ထောင်စု ဝန်ကြီးနှင့်အဖွဲ့သည် ပန်းတောပြင်ကျေးရွာ၌ ကျန်းမာရေး စောင့်ရှောက်မှုပေးနေသည့် ပြည်သူ့ကျန်းမာရေး ဦးစီးဌာနမှ ရွှေု့လျားဆေးကုသအဖွဲ့နှင့်တွေ့ဆုံပြီး လိုအပ်သည်များ ညှိနှိုင်းဖြည့်ဆည်းဆောင်ရွက် ပေးသည်။

#Themyawadydaily

ပါတီစုံဒီမိုကရေစီလမ်းကြောင်းကို လက်ခံလိုက်ပါမှုနှင့် ဒို့တာဝန်အရေးသုံးပါးကို စောင့်ထိန်းမှုများ အပေါ်တွင် အခြေခံပြီး ငြိမ်းချမ်းရေးနှင့်ပတ်သက်၍ဖြစ်နိုင်သည်များကို လက်တွေ့အကောင်အထည်ဖော် ဆောင်ရွက်သွား မည်


တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်နှင့် ကရင်အမျိုးသားအစည်းအရုံး (KNU) ဥက္ကဋ္ဌ စောမူတူးစေးဖိုးတို့ ရင်းရင်းနှီးနှီးနှုတ်ဆက်စဉ်။

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင် ကရင်အမျိုးသားအစည်းအရုံး (KNU) ဥက္ကဋ္ဌ စောမူတူးစေးဖိုးခေါင်းဆောင်သော NCA လက်မှတ်ရေးထိုးထားသည့် တိုင်းရင်းသားလက်နက်ကိုင် အဖွဲ့အစည်း များ၏ ငြိမ်းချမ်းရေးလုပ်ငန်းစဉ် ဦးဆောင်အဖွဲ့ (Peace Process Steering Team-PPST) မှ အဖွဲ့ဝင်များအား လက်ခံတွေ့ဆုံစဉ်။

နေပြည်တော် ၁၇-၁၀-၂၀၁၇

တပ်မတော်၏အရိုးရှင်းဆုံးဆန္ဒမှာ ပါတီစုံဒီမိုကရေစီလမ်းကြောင်းကို လက်ခံလိုက်ပါမှုနှင့် ဒို့တာဝန်အရေး သုံးပါးကို စောင့်ထိန်းမှုများအပေါ်တွင်အခြေခံပြီး ငြိမ်းချမ်း ရေးနှင့်ပတ်သက်၍ဖြစ်နိုင်သည်များကို လက်တွေ့ အကောင်အထည်ဖော်ဆောင်ရွက် သွားရန်ဖြစ်ကြောင်း၊ PPST အနေဖြင့်လည်း တစ်ဖွဲ့ချင်းအနေဖြင့် မတူညီသောဆန္ဒများရှိနိုင်သော်လည်း တစ်နိုင်ငံလုံးနှင့်ပတ်သက်၍ ခြုံငုံပြီးကျယ်ကျယ်ပြန့်ပြန့် စဉ်းစား လုပ်ဆောင်စေလိုကြောင်းဖြင့် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က ကရင် အမျိုးသားအစည်းအရုံး(KNU) ဥက္ကဋ္ဌ စောမူတူးစေးဖိုး ခေါင်းဆောင်သည့် NCA လက်မှတ်ရေးထိုးထားသည့် တိုင်းရင်းသား လက်နက်ကိုင်အဖွဲ့အစည်းများ၏ ငြိမ်းချမ်းရေးလုပ်ငန်းစဉ်ဦးဆောင်အဖွဲ့ (Peace Process Steering Team-PPST) မှ အဖွဲ့ဝင်များအား ယနေ့မွန်းလွဲပိုင်းတွင် နေပြည်တော်ရှိ ဘုရင့်နောင်ရိပ်သာ ဧည့်ခန်းမဆောင်၌ လက်ခံတွေ့ဆုံစဉ်ထည့်သွင်းပြောကြားသည်။


တွေ့ဆုံပွဲသို့ တပ်မတော်ကာကွယ်ရေးဦးစီးချုပ်နှင့်အတူ ညှိနှိုင်းကွပ်ကဲရေးမှူး (ကြည်း၊ရေ၊လေ) ဗိုလ်ချုပ်ကြီး မြထွန်းဦးနှင့်ကာကွယ်ရေးဦးစီးချုပ်ရုံး(ကြည်း)မှ တပ်မတော်အရာရှိကြီးများ တက်ရောက်ကြပြီး တိုင်းရင်းသား လက်နက်ကိုင်အဖွဲ့အစည်းများ၏ ငြိမ်းချမ်းရေးလုပ်ငန်းစဉ်ဦးဆောင်အဖွဲ့ (Peace Process Steering Team-PPST) ဥက္ကဋ္ဌ၊ ကရင်အမျိုးသားအစည်းအရုံး(KNU) ဥက္ကဋ္ဌ စောမူတူးစေးဖိုးနှင့် အဖွဲ့ဝင်များဖြစ်ကြသည့် ရှမ်းပြည်ပြန်လည်ထူထောင်ရေးကောင်စီ/ရှမ်းပြည်တပ်မတော် (RCSS/ SSA) ဥက္ကဋ္ဌ ဦးရွက်ဆစ်၊ ပအိုဝ်း အမျိုးသားလွတ်မြောက်ရေးအဖွဲ့ချုပ် (PNLO) နာယက ခွန်ဥက္ကာ၊ ချင်းအမျိုးသားတပ်ဦး(CNF) မှ လျှံမှုန်းဆာခေါင်၊ ကရင်အမျိုးသား လွတ်မြောက်ရေးတပ်မတော်(ငြိမ်းချမ်းရေးကောင်စီ) (KNU/KNLA (PC)) ဗဟိုကော်မတီဝင် နော်ကပေါ်ထူး၊ ရခိုင်ပြည်လွတ်မြောက်ရေးပါတီ (ALP) ဒုတိယဥက္ကဋ္ဌ ခိုင်စိုးနိုင်အောင်၊ မြန်မာနိုင်ငံလုံးဆိုင်ရာ ကျောင်းသားဒီမိုကရက်တစ်တပ်ဦး (ABSDF) ဥက္ကဋ္ဌ ဦးသံခဲနှင့် ဒီမိုကရေစီ အကျိုးပြု ကရင်တပ်မတော်(KKO) ဥက္ကဋ္ဌ စောမူရှေးတို့တက် ရောက်ကြသည်။

ထိုသို့တွေ့ဆုံရာတွင် တပ်မတော်ကာကွယ်ရေးဦးစီးချုပ်က NCA ၂ နှစ်ပြည့် အခမ်းအနားတွင် ငြိမ်းချမ်းရေး ကိုလိုလားသူ၊ ဆက်လက်လုပ်ဆောင်လိုသူများ စုံညီစွာ တက်ရောက်ခဲ့မှုအတွက် ၀မ်းမြောက်ကြောင်း၊ တပ်မတော်အနေဖြင့်လည်း ငြိမ်းချမ်းရေး အမှန်တကယ်ရယူလိုကြောင်းကို ၂၀၁၁ ခုနှစ် ငြိမ်းချမ်းရေး စတင်ကမ်းလှမ်းစဉ်ကပင် ပြောကြားခဲ့ကြောင်း၊ တပ်မတော်အနေဖြင့် လက်ရှိလျှောက်လှမ်းနေသည့် ပါတီစုံ ဒီမိုကရေစီလမ်းကြောင်းကို လက်ခံလိုက်ပါမှုနှင့် ဒို့တာဝန်အရေးသုံးပါးကို စောင့်ထိန်းရေး စသည့်အချက် နှစ်ချက်ကိုအခြေခံပြီး ဆွေးနွေးညှိနှိုင်းခဲ့ပြီး ယခု NCA လက်မှတ်ရေးထိုးနိုင်သည့် အဆင့်အထိ ရောက်ရှိ ခဲ့ကြောင်း၊ လူတစ်ဦးနှင့်တစ်ဦး ကြိုက်နှစ်သက်မှု၊ လိုအပ်မှုများမတူညီနိုင်ကြောင်း၊ တိုင်းရင်းသားရေးအရ၊ နိုင်ငံရေးအရ၊ ယဉ်ကျေးမှုအရ၊ ဘာသာရေးအရ တူညီမှုမရှိနိုင်သော်လည်း အားလုံးကလက်ခံနိုင်သည့် ဖြစ်သင့် ဖြစ်ထိုက်သည့် အနေအထားနှင့် သမိုင်းကြောင်းအရ ဖြစ်တည်ခဲ့မှုအခြေအနေများအပေါ်မူတည်၍ စိတ်ရှည်စွာ ညှိနှိုင်းလုပ်ဆောင်ကြရမည်ဖြစ်ကြောင်း၊ ဖွဲ့စည်းပုံအခြေခံဥပဒေနှင့်ပတ်သက်၍လည်း ပြုပြင်သင့်သည့် အချိန်တွင် ပြုပြင်ထိုက်သည်များကို ပြုပြင်ကြမည်ကို မိမိပြောကြားခဲ့ပြီး ဖြစ်ကြောင်း၊ NCA တွင်အဓိကအားဖြင့် ပေးထားသည့် ကတိက၀တ် များတည်ရန်လိုကြောင်း၊ ဖွဲ့စည်းပုံအခြေခံဥပဒေအရ ပေးထားသည့် အာမခံချက်များ၊ NCA တွင်ပါရှိသည့် တိုင်းရင်းသား လက်နက်ကိုင်အဖွဲ့အစည်းများနှင့် ညှိနှိုင်းထားသော အာမခံချက်များကို မိမိတို့ဘက်မှ မည်သည့်အခါမှ ချိုးဖောက်မည်မဟုတ်ကြောင်း ဆွေးနွေးပြောကြားသည်။


ယင်းနောက် PPST အဖွဲ့ ဥက္ကဋ္ဌ စောမူတူးစေးဖိုးနှင့်အဖွဲ့ဝင်များက မိမိတို့အနေ ဖြင့်ငြိမ်းချမ်းရေး ဆောင်ရွက် ရာတွင် NCA မှလွဲ၍ အခြားလမ်းကြောင်းမရှိကြောင်း၊ NCA အားအကောင်အထည်ဖော်မှုအပေါ် ပြန်လည်သုံးသပ်ပြီး NCA ပါအချက်များကို မြန်မြန်ဆန်ဆန် အကောင်အထည်ဖော်ဆောင်ရွက်ရန်လိုကြောင်း၊ PPST နေဖြင့် တစ်ဦး အပေါ်တစ်ဦး အသာစီးရယူလိုိစိတ်မရှိဘဲ ရိုးရိုးသားသားဖြင့် တိုင်းပြည်တွင်ဖြစ်နေသည့် ပဋိပက္ခများကိုဖြေရှင်းလိုသည့် သဘောထားတစ်ခုသာရှိကြောင်း၊ ငြိမ်းချမ်းရေးတွင် တစ်နိုင်ငံလုံး အတိုင်း အတာဖြင့် အားလုံးပါဝင်လာရန်လိုလားပါကြောင်း၊ တပ်မတော် ကာကွယ်ရေးဦးစီးချုပ် NCA ၂နှစ်ပြည့် အခမ်းအနား တွင်ပြောကြားခဲ့သည့် မိမိတို့ရည်မှန်းချက်ဖြစ်သော ဒီမိုကရေစီနှင့် ဖက်ဒရယ်စနစ်ကို အခြေခံသည့် ပြည်ထောင်စုကို နိုင်ငံရေးဆွေးနွေးမှုလမ်းစဉ်ဖြင့် အကောင်အထည်ဖော်တည် ဆောက်ရန် ကိုလည်း အပြည့်အ၀ထောက်ခံပါကြောင်းပြောကြား၍ တစ်ဖွဲ့ချင်းနှင့်ပတ်သက်သည့် ငြိမ်းချမ်းရေး ဖော်ဆောင်မှုဆိုင်ရာ ကိစ္စရပ်များအား ဆွေးနွေးကြသည်။

အဆိုပါဆွေးနွေးမှုများအပေါ် တပ်မတော်ကာကွယ်ရေးဦးစီးချုပ်က တစ်နိုင်ငံလုံး အတိုင်းအတာဖြင့် အားလုံး ပါဝင်လာရေးနှင့်ပတ်သက်၍ ငြိမ်းချမ်းရေးကို အမှန်တကယ် လိုလားမှုရှိရန်လိုကြောင်း၊ လက်မှတ်ရေးထိုးခြင်း မပြုသည့်အဖွဲ့များအား ငြိမ်းချမ်းရေးအတွက်ပထမဆုံးခြေလှမ်းကို စတင်ခြေလှမ်းပြီး NCA ကိုလက်မှတ်ရေး ထိုးကြရန်လိုသည်ဟု NCA ၂ နှစ်ပြည့် အခမ်းအနားတွင်တိုက်တွန်းပြောကြားခဲ့ခြင်းဖြစ်ကြောင်း၊ NCA လမ်းကြောင်းသည် ငြိမ်းချမ်းရေးအတွက်အဓိကလုပ်ဆောင်ခြင်းဖြစ်ပြီး နိုင်ငံရေးကိုဦးတည် လုပ်ဆောင်ခြင်း မဟုတ်ကြောင်း၊ ပြည်သူလူထုအားလုံး၏ဆန္ဒမှာ အေးချမ်းစွာနေထိုင်လိုပြီး မိမိတို့ဘ၀တိုးတက် အောင်လုပ် ဆောင်လိုကြကြောင်း၊ ကိုယ်စိတ်ချမ်းသာမှု၊ ကျန်းမာမှုရယူ လိုကြကြောင်း၊ တချို့နေရာများတွင် နိုင်ငံရေး သမားများ၏ မဲဆွယ်မှု၊ အခွင့်အရေးပေး၍ စည်းရုံးမှု၊ အကြောက်တရားဖြင့်ခြိမ်းခြောက်မှုများကြောင့် ပါဝင် လာရသည်များလည်း ရှိကြောင်း၊ သို့ဖြစ်၍ ငြိမ်းချမ်းရေးတွင် မသက်ဆိုင်သည်များကိုပုံကြီးမချဲ့ဘဲ အတတ်နိုင် ဆုံးဘောင်ကျဉ်းကျဉ်းဖြင့် ထိရောက်အောင်မြင်စေရန်လုပ်ဆောင်စေလိုကြောင်း၊ နယ်မြေချဲ့ထွင်လုပ်ဆောင်မှု ကြောင့် ပြည်သူလူထုမှာကြားညှပ်ရကြောင်း၊ NCA ပါ အကြောင်းအရာများကို အမြန်အကောင်အထည်ဖော် ဆောင်ရွက်ရေးအတွက် တပ်မတော်အနေဖြင့် အထူးလိုလားကြောင်း၊ အသင့်လည်းရှိပါကြောင်း၊ တပ်မတော်ပိုင်း ဆိုင်ရာလုပ်ဆောင်နိုင်သည်များကိုအချိန်မဆိုင်းဘဲ လုပ်ဆောင်သွားမည်ဖြစ်ကြောင်း၊ ရခိုင် ပြည်နယ်အရေးကိစ္စနှင့်ပတ်သက်၍လည်း ဘင်္ဂါလီသည် မိမိတို့တိုင်းရင်းသား မဟုတ်ကြောင်း၊ မြန်မာနိုင်ငံရှိ တိုင်းရင်းသားများထဲတွင်လည်းရိုဟင်ဂျာမရှိကြောင်း၊ ဘင်္ဂါလီများသည်ရည်ရွယ်ချက်ရှိစွာဖြင့် ရိုဟင်ဂျာ အမည်နှင့် တိုင်းရင်းသားအဖြစ် အခွင့်အရေးတောင်းဆိုနေခြင်းဖြစ်ကြောင်း၊ တပ်မတော်အနေဖြင့် တိုင်းရင်း သားများ၏ လုံခြုံရေးနှင့် အကျိုးစီးပွားကို ဦးစားပေးကာကွယ်စောင့်ရှောက်ရမည်ဖြစ်ကြောင်း၊ ထို့အတူ မြန်မာနိုင်ငံတွင်မှီတင်းနေထိုင်ကြသည့် နိုင်ငံသားများကိုလည်း ကာကွယ်စောင့်ရှောက် သွားမည်ဖြစ်ကြောင်း ပြောကြား၍ အဖွဲ့တစ်ဖွဲ့ချင်း၏ ဆွေးနွေးမှုများအပေါ် ပြန်လည် ရှင်းလင်းဆွေးနွေးခဲ့သည်။

တွေ့ဆုံပွဲအပြီးတွင် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က တိုင်းရင်းသား လက်နက်ကိုင်အဖွဲ့အစည်းများ၏ ငြိမ်းချမ်းရေး လုပ်ငန်းစဉ်ဦးဆောင်အဖွဲ့ (Peace Process Steering Team-PPST) ဥက္ကဋ္ဌ ကရင် အမျိုးသားအစည်းအရုံး(KNU) ဥက္ကဋ္ဌ စောမူတူးစေးဖိုးနှင့် အဖွဲ့ဝင်များအား အမှတ်တရ လက်ဆောင်ပစ္စည်းများပေးအပ်ခဲ့ကြောင်းသတင်းရရှိသည်။

#Themyawadydaily

ရခိုင်ပြည်နယ်ဖြစ်စဉ်နှင့် ပတ်သက်၍ သမိုင်းအချက်အလက် ပြည့်စုံစွာသိရှိမှသာ ဖြေရှင်းဆောင်ရွက်နိုင်မည်


တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင် ကုလသမဂ္ဂနိုင်ငံရေးရာဌာန အကြီးအကဲ Under Secretary-General Mr. Jeffrey Feltman အား လက်ခံတွေ့ဆုံစဉ်။

နေပြည်တော် ၁၇-၁၀-၂၀၁၇

မြန်မာနိုင်ငံသည် ကမ္ဘာ့ကုလသမဂ္ဂ အဖွဲ့ဝင်နိုင်ငံဖြစ်ပြီး UN နှင့် ပူးပေါင်းဆောင်ရွက်မှု များစွာရှိသကဲ့သို့ လေးစားမှုလည်းရှိကြောင်း၊ သို့သော်လည်း ရခိုင်ပြည်နယ်အရေးနှင့် ပတ်သက်၍ နှစ်ပေါင်းများစွာ ခံစားချက်ရှိခဲ့သည့် သမိုင်းကြောင်းကို ပြန်မကြည့်ဘဲ လတ်တလောဖြစ်ပွားမှု အခြေအနေပေါ်တွင် မူတည်၍ ကုလသမဂ္ဂက မှတ်ချက်ပြုရာတွင် လက်ရှိအခြေအနေနှင့် ပြောင်းပြန်ဖြစ်နေသောကြောင့် ဒေသခံတိုင်းရင်းသား ပြည်သူများအနေဖြင့် မကျေနပ်ကြကြောင်း၊ ရခိုင်ပြည်နယ်ဖြစ်စဉ်နှင့် ပတ်သက်၍ သမိုင်းအချက်အလက် ပြည့်စုံစွာသိရှိမှသာ ဖြေရှင်းဆောင်ရွက်နိုင်မည် ဖြစ်ကြောင်းဖြင့် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က ကုလသမဂ္ဂနိုင်ငံရေးရာဌာန အကြီးအကဲ Under Secretary- General Mr.Jeffrey Feltman အား ယနေ့မွန်းလွဲပိုင်းတွင် ဘုရင့်နောင်ရိပ်သာဧည့်ခန်းမဆောင်၌ လက်ခံတွေ့ဆုံစဉ် ထည့်သွင်းပြောကြားသည်။

တွေ့ဆုံပွဲသို့ တပ်မတော်ကာကွယ်ရေးဦးစီးချုပ်နှင့်အတူ ညှိနှိုင်းကွပ်ကဲရေးမှူး (ကြည်း၊ရေ၊လေ) ဗိုလ်ချုပ်ကြီး မြထွန်းဦးနှင့် ကာကွယ်ရေးဦးစီးချုပ်ရုံး (ကြည်း)မှ တပ်မတော်အရာရှိကြီးများ တက်ရောက်ကြပြီး ကုလသမဂ္ဂနိုင်ငံရေးရာဌာန အကြီးအကဲနှင့်အတူ ကုလသမဂ္ဂဌာနေကိုယ်စားလှယ်နှင့် လူသားချင်းစာနာထောက်ထားမှုဆိုင်ရာ ညှိနှိုင်းရေးမှူး Ms. Renata Dessallian နှင့်တာဝန်ရှိသူများတက်ရောက်ကြသည်။

ထိုသို့တွေ့ဆုံရာတွင် ဦးစွာ Mr.Jeffrey Feltman က ယနေ့ရခိုင်ပြည်နယ်အရေးကို တစ်ကမ္ဘာလုံးကစိတ်ဝင်စားပါကြောင်း၊ ယင်းအပေါ်နိုင်ငံတကာ၏အမြင်နှင့် မြန်မာနိုင်ငံအနေဖြင့် လက်တွေ့လုပ်ဆောင်နေမှုများမှာ ၁၈၀ ဒီဂရီကွာဟနေကြောင်း၊ မိမိခရီးစဉ်၏ရည်ရွယ်ချက်မှာ ၎င်းကိုငြင်းခုံရန်မဟုတ်ဘဲ မြန်မာနိုင်ငံအစိုးရက လုပ်ဆောင် နေသည့်လုပ်ငန်းရပ်များကို ကုလသမဂ္ဂအနေဖြင့် အရှိန်အဟုန်မြှင့်တင်ပေးရန်ဖြစ် ကြောင်း၊ ကုလသမဂ္ဂ၏လုပ်ဆောင်ချက်များကို ဒေသခံပြည်သူများက လက်မခံသည်ကိုလည်း သိရှိပါကြောင်း၊ ကုလသမဂ္ဂအနေဖြင့် နိုင်ငံတော်၏လုပ်ဆောင်ချက်အပေါ် ရေတို ရေရှည်အားဖြင့် ကူညီပံ့ပိုးပေးသွားမည်ဖြစ်ကြောင်း၊ ကုလသမဂ္ဂအနေဖြင့် ရခိုင်ပြည်နယ်တွင် အင်အားသုံးအကြမ်းဖက်မှုများကိုရပ်တန့်ပေးရေး၊ လူသားချင်းစာနာထောက်ထားမှု အကူအညီများရရှိရေး၊ တစ်ဖက်နိုင်ငံသို့ရောက်ရှိနေသူများကို ပြန်လည်နေရာချထားရေးတို့အား တောင်းဆိုထားကြောင်း၊ ထိုသို့လုပ်ဆောင်ရာတွင် လုံခြုံမှုမရှိဘဲလုပ်ဆောင်၍မရနိုင်သဖြင့် ဒေသခံပြည်သူများလုံခြုံရေးနှင့်ပတ်သက်၍လည်း သိရှိလိုပါကြောင်း ဆွေးနွေးပြောကြားသည်။

အဆိုပါဆွေးနွေးမှုအပေါ် တပ်မတော်ကာကွယ်ရေးဦးစီးချုပ်က ဘင်္ဂါလီများအပေါ် ဒေသခံရခိုင်တိုင်းရင်းသားများ၏ ခံပြင်းနာကျည်းမှုနှင့်ပတ်သက်၍ ပြောကြားရာတွင် ယင်းတို့သည် ဘင်္ဂလားနယ်မှ လာရောက်သူများဖြစ်၍ ဘင်္ဂါလီဟုခေါ်ဆိုပြီး မြန်မာတိုင်းရင်းသားများ မဟုတ်သည်ကို ဦးစွာပြောကြားလိုကြောင်း၊ ယင်းဘင်္ဂါလီများက ၁၉၄၂ ခုနှစ် အလယ်သံကျော်အရေးအခင်းတွင် ဒေသခံရခိုင်တိုင်းရင်းသား ၂၀၀၀၀ ကျော်ကိုရက်စက်စွာသတ်ဖြတ်ခဲ့သည်မှာလည်း ဖုံးကွယ်ထား၍မရသည့်သမိုင်းမှန်ဖြစ် ကြောင်း၊ ၎င်းအပြင်ဘူးသီးတောင်၊ မောင်တောဒေသတွင် လက်ရှိဘင်္ဂါလီများနေထိုင် နေကြသည့် ရခိုင်နာမည်ဖြင့်ကျေးရွာများစွာရှိကြောင်း၊ ထိုသို့၎င်းတို့ပိုင်ဆိုင်သည့် မြေများကို မတရားသိမ်းယူခဲ့မှုအတွက်လည်း နာကျည်းမှုများရှိကြောင်းဦးစွာပြောကြားသည်။

ထို့နောက် လတ်တလောဖြစ်ပွားခဲ့သည့် သြဂုတ်လ ၂၅ ရက်နေ့ဖြစ်စဉ်တွင် လည်းရဲစခန်း ၃၀ နှင့် တပ်ဌာနချုပ် ၁ ခုကို ARSA အစွန်းရောက်ဘင်္ဂါလီ အင်အား ၄၀၀၀ ခန့်ကအင်အားသုံး၍ အကြမ်းဖက်တိုက်ခိုက်ခဲ့ခြင်းဖြစ်ကြောင်း၊ အင်အား ၁၀ ဦး ၁၅ ဦးခန့်သာရှိသော ရဲစခန်းငယ်များကို အကြမ်းဖက်အင်အား ၂၀၀/၃၀၀ ဖြင့် တုတ်၊ ဓား၊ လှံနှင့်လက်နက်ငယ်များ၊ လက်လုပ်ဗုံးများဖြင့် တိုက်ခိုက်လာပါက မည်ကဲ့သို့ ခုခံရမည်ကိုစဉ်းစားကြည့်ရန်လိုကြောင်း၊ သို့ဖြစ်၍ အကြမ်းဖက်မှုဖြစ်စဉ်တွင် လုံခြုံရေးတပ်ဖွဲ့ဝင်များသေဆုံးရသကဲ့သို့ အကြမ်းဖက်ဘင်္ဂါလီများလည်း သေဆုံးခြင်းဖြစ်ကြောင်း၊ သို့သော်လည်းဖြစ်စဉ်စတင်ဖြစ်ပွားချိန်မှ ယနေ့အထိ တပ်မတော်အနေဖြင့် Rule Of Engagement- ROE နှင့်ပတ်သက်၍စနစ်တကျ ညွှန်ကြားကြပ်မတ်ခဲ့ခြင်းကြောင့် စည်းမျဉ်းဥပဒေများကို ကျော်လွန်လုပ်ဆောင်မှုများမရှိကြောင်း၊ စည်းကမ်းဥပဒေ ဖောက်ဖျက်ကျူးလွန်မှုများရှိပါကလည်း ဥပဒေနှင့်အညီအရေးယူမည်ဖြစ်ကြောင်း၊ အကြမ်းဖက်မှုအား တပ်မတော်မှ အင်အားများစွာအသုံးပြုသည်ဟု စွပ်စွဲမှုအပေါ် ဒေသခံ ပြည်သူများက လက်မခံကြောင်း၊ တပ်မတော်မှ အချိန်မီလုံခြုံရေးဆောင်ရွက်ပေးနိုင်၍သာ အပြစ်မဲ့ပြည်သူများ၊ ၀န်ထမ်းများ၊ ရဲတပ်ဖွဲ့ဝင်များ အသက်ဆုံးရှုံးမှုနည်းပါးခဲ့ရကြောင်း၊ ယနေ့အထိလည်း အကြမ်းဖက်တိုက်ခိုက်မှုများ ထပ်မံပြုလုပ်မည်ဟုခြိမ်းခြောက်မှုများ ရှိနေသဖြင့် ဒေသခံပြည်သူများက ၎င်းတို့လုံခြုံရေးအတွက် စိုးရိမ်ပူပန်မှုများရှိကြောင်း၊ သို့ဖြစ်၍ဒေသခံပြည်သူများ၏လုံခြုံရေးကို တပ်မတော်အနေဖြင့်ကာကွယ်ပေးရမည် ဖြစ်ကြောင်းထည့်သွင်းပြောကြားသည်။

ဆက်လက်ပြီး လူသားချင်းစာနာထောက်ထားမှု အကူအညီများနှင့် ပတ်သက်၍ ဒေသခံတိုင်းရင်းသားများ၏စိတ်ခံစားချက်မှာ ဘူသီးတောင်၊ မောင်တောဒေသတွင် ဘင်္ဂါလီများက ဒေသလူဦးရေ၏ ၉၅ ရခိုင်နှုန်းဖြစ်၍ ဒေသခံ တိုင်းရင်းသားများက လူဦးရေ၏ ၅ ရာခိုင်နှုန်းသာရှိပြီး လူများစုဘင်္ဂါလီများက လူနည်းစု တိုင်းရင်းသားများကို သတ်ဖြတ်နေရာတွင် UN အပါအ၀င် ပြည်ပအဖွဲ့အစည်းများ အကူအညီဖြင့် အနိုင်ကျင့်လုပ်ဆောင်သည်ဟုခံယူထားကြောင်း၊ ၎င်းအပြင်ဘင်္ဂါလီ အကြမ်ဖက်စခန်းများ၌ ဖမ်းဆီးရမိသည့်ပစ္စည်းများတွင် ပြည်ပမှ ကယ်ဆယ်ရေး၊ ထောက်ပံ့ရေးပစ္စည်းများကို တွေ့ရှိရမှုအပေါ်တွင်လည်း တိုင်းရင်းသားများကသံသယဖြစ်ကြ ကြောင်း၊ ထို့ကြောင့် UN အဖွဲ့အစည်းများ INGO အဖွဲ့အစည်းများ၏ ကူညီထောက်ပံ့မှုများနှင့်ပတ်သက်၍ မလိုလားခြင်း၊ ငြင်းဆန်ခြင်းဖြစ်ကြောင်း၊ သို့ဖြစ်၍ UN အနေဖြင့်ကူညီထောက်ပံ့မှုများ ဆောင်ရွက်ရာတွင် မျှတမှုရှိရန်လိုအပ်ပြီး နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ဦးဆောင်သည့် ရခိုင်ပြည်နယ် တည်ငြိမ်အေးချမ်းမှုနှင့် ဖွံ့ဖြိုးမှုတိုးတက်ရေး အကောင်အထည်ဖော်ရေးဗဟိုကော်မတီ၊ သက်ဆိုင်ရာအဖွဲ့အစည်းများနှင့် ဆက်သွယ်ဆောင်ရွက်နိုင်ပါကြောင်း ဆွေးနွေး ပြောကြားသည်။

သို့ဖြစ်၍ ဒေသခံတိုင်းရင်းသားများ၏ ယုံကြည်မှုကိုရရှိရန် ၎င်းတို့အနေဖြင့် ရိုဟင်ဂျာမဟုတ်ဘဲ ဘင်္ဂါလီသာဖြစ်သည်ကို လက်ခံရန်နှင့် တည်ဆဲဥပဒေများနှင့်အညီ နိုင်ငံသားစိစစ်မှုကိုလက်ခံရန်လိုကြောင်း၊ ၎င်းတို့အနေဖြင့် ဘင်္ဂလားကလာရောက်နေထိုင် ခြင်းဖြစ်သော်လည်း ၁၉၈၂ ခုနှစ်နိုင်ငံသားဖြစ်မှု ဥပဒေနှင့် စိစစ်မှုခံယူပြီး ဥပဒေနှင့်ကိုက်ညီပါက နိုင်ငံသားဖြစ်ခွင့်နှင့် နိုင်ငံသားအခွင့်အရေးများကိုရရှိမည်ဖြစ်ကြောင်း၊ နိုင်ငံသားစိစစ်မှုခံယူရန်ကိုလည်း တိုက်တွန်းပေးစေလိုကြောင်း၊ ဥပဒေနှင့်အညီစိစစ်မှုကို လက်ခံခြင်းဖြင့် အဖွဲ့အစည်းနှစ်ခု အကြားတင်းမာမှုများလည်းလျော့ကျသွားနိုင်ကြောင်း၊ INGO အဖွဲ့အစည်းများ၏ ခေတ်အဆက်ဆက် ကူညီထောက်ပံ့မှုများသည် ဒေသခံတိုင်းရင်းသားများအတွက်မဟုတ်ဘဲ ဘင်္ဂါလီများကိုသာပေးအပ်နေသည်ဟု ထင်မြင်ယူဆချက်များကိုလည်းမျှတသော ကူညီထောက်ပံ့မှုများပေးအပ်ခြင်းဖြင့် ချေဖြတ်ရမည်ဖြစ်ကြောင်း၊ ဘင်္ဂလားဒေ့ရ်ှနိုင်ငံသို့ရောက်ရှိနေသူများကိုလည်း ၁၉၉၃ ခုနှစ်က နှစ်နိုင်ငံညှိနှိုင်းသဘောတူညီချက်များအတိုင်း စိစစ်လက်ခံသွားရန် အစိုရချင်း ညှိနှိုင်းထားရှိကြောင်း၊ မကြာမီဘင်္ဂလားဒေ့ရ်ှနိုင်ငံမှ တာဝန်ရှိသူများမြန်မာနိုင်ငံသို့ လာရောက်ဆွေးနွေးရန်ရှိပြီး ယင်းဆွေးနွေးမှုရလဒ်အပေါ်မူတည်ကြောင်း၊ ထိုသို့ လုပ်ဆောင်မှုများကိုတပ်မတော်အနေဖြင့် ကူညီလုပ်ဆောင်သွားမည်ဖြစ်ကြောင်းပြော ကြား၍ ကုလသမဂ္ဂ၏အကြံပြုချက်များအပေါ် လုပ်ဆောင်နိုင်သည်များကို ဆောင်ရွက် သွားမည်ဖြစ်ကြောင်းပြန်လည်ဆွေးနွေးပြောကြားခဲ့သည်။

တွေ့ဆုံပွဲအပြီးတွင် တပ်မတော်ကာကွယ်ရေးဦးစီးချုပ်နှင့် ကုလသမဂ္ဂနိုင်ငံရေးရာ ဌာနအကြီးအကဲတို့သည် တက်ရောက်လာကြသူများနှင့်အတူ အမှတ်တရစုပေါင်းဓာတ်ပုံ ရိုက်ခဲ့ကြကြောင်းသတင်းရရှိသည်။

#Themyawadydaily

Tatmadaw will practically realize possibilities in connection with peace based on embrace of multi-party democracy and observance of Our Three Main National Causes


Senior General Min Aung Hlaing meets members of the Peace Process Steering Team-PPST of the NCA signatories led by Chairman of PPST Chairman of Karen National Union-KNU Saw Mutu Sae Poe.

Nay Pyi Taw October 17

Practical realization of the possibilities in connection with peace based on the embrace of multi-party democracy and the observance of Our Three Main National Causes is the simplest wish of the Tatmadaw. Despite the individual difference in connection with the PPST there should be a broader view covering the whole country, said Commander-in-Chief of Defence Services Senior General Min Aung Hlaing at his meeting with members of the Peace Process Steering Team-PPST of the NCA signatories led by Chairman of PPST Chairman of Karen National Union-KNU Saw Mutu Sae Poe at Parlour of Bayintnaung Villa here this afternoon.

Also present at the meeting together with the Senior General were Chief of the General Staff (Army, Navy and Air) General Mya Tun Oo and senior military officers of the Office of the Commander-in-Chief (Army). Saw Mutu Sae Poe was accompanied by PPST members Chairman U Yawd Serk of Restoration Council of Shan State/Shan State Army-RCSS/SSA, Patron Khun Okkar of Pa-O National Liberation Organization-PNLO, Lian Hmong Sakhong of Chin National Front, Central Committee member Naw Kapaw Htoo of Karen National Union/Karen National Liberation Army (Peace Council)-KNU/KNLA (PC), Vice Chairman Khaing Soe Naing Aung of Arakan Liberation Party-ALP, Chairman U Than Khe of All Burma Students’ Democratic Front-ABSDF and Chairman Saw Moo Shay of KKO of Democratic Karen Benevolent Army.

At the meeting, the Senior General expressed pleasure for meeting with all the persons who love peace and wish to continue the peace process. Since offering an olive branch in 2011, Tatmadaw said it had a genuine desire for peace. The Tatmadaw participated in the pace-making processes based on two points—being on the multi-party democracy path and safeguarding Our Three Main National Causes. Now, it had reached a stage of signing the NCA. Likenesses and necessities of the people would differ.

All participants needed to make negotiations patiently based on the situations acceptable to all sides and the existence throughout the history despite having unlikenesses in ethnic, political, cultural and religious affairs. He had already said that some provisions of the Constitution would be amended at a suitable time. All groups needed to adhere to the major pledges enshrined in the NCA. The Tatmadaw on its part would never break the pledges enshrined in the Constitution and the pledges made with ethnic armed groups in the NCA.

Afterwards, chairman of the PPST Saw Mutu Sae Poe and party said apart from the NCA, there was no other path in the peace-making process. It needed to review the implementation of the NCA and implement the points described in the NCA quickly. The PPST had no desire to get an upper hand on each other and its only desire was to honestly solve the ongoing conflicts in the country. The nationwide participation in the peace-making process was needed. They showed the full support for the Commander-in-Chief ’s speech given at the 2nd anniversary of the signing of the NCA: “the establishment of the a democratic, federal Union through political dialogues”. They discussed group-wise participation in peace- making processes.

With regard to the discussions, the Senior General said it needs to wish the peace actually for participation of the entire people. So, he said he urged the non-signatories to sign the NCA at the ceremony to mark the second anniversary of the NCA. The NCA process emphasizes the peace, not for politics. All the entire people wish to live peacefully and develop their lives. They wish to have physical and mental wellbeing. In some areas, some people joined the peace processes due to persuasion, motivation with chances and threatening posed by politicians. As such, the Senior General pointed out that it needs to achieve success in making peace processes in the framework as smallest as possible, without exaggeration over unnecessary factors. Expanding the area may put the people into the tight corner. The Tatmadaw especially wishes to soonest implement factors of the NCA and is ready to implement it. The Tatmadaw will carry out its part without delaying. With regard to the issue of Rakhine State, Bengalis are not ethnic of Myanmar. Rohingya is not included on the list of Myanmar’s ethnics. Bengalis intentionally demand to have the rights of ethnics as the name of Rohingya. The Tatmadaw on its part will give priority to safeguarding the security and interest of the ethnics while protecting the citizens residing in Myanmar. Then, the Senior General responded to the discussions of each group.

After the meeting, the Senior General presented commemorative gifts to Chairman of Peace Process Steering Team-PPST Chairman of Karen National Union Saw Mutu Sae Poe and party.

#Themyawadydaily

Crisis in Rakhine State can be solved only through comprehensive knowledge of the historical facts


Senior General Min Aung Hlaing holds talks with Under Secretary-General for Political Affairs of the UN Mr. Jeffrey Feltman.

Nay Pyi Taw October 17

Myanmar, a UN member state, has much cooperation with the global body and respect for it. Native ethnics are unhappy with the UN comments on the Rakhine State that are totally contrary to the situation on the ground as the global organization just uses the recent crisis as the base without taking into account the long and emotional history. The crisis in Rakhine State can be solved only through the comprehensive knowledge of the historical facts, said Commander-in-Chief of Defence Services Senior General Min Aung Hlaing at his meeting with Under Secretary-General for Political Affairs of the UN Mr. Jeffrey Feltman at the Parlour of Bayintnaung Villa here this afternoon.

Also present at the meeting together with the Senior General were Chief of the General Staff (Army, Navy and Air) General Mya Tun Oo and senior military officers of the Office of the Commander-in-Chief (Army). The UN under secretary-general was accompanied by UN Resident Representative and Humanitarian Coordinator for Myanmar Ms. Renata Dessallian and officials.

At the meeting Mr. Jeffrey Feltman said the Rakhine State issue has become the centre stage of the world. There is a 180-degree difference between the international view of the situation and what Myanmar is actually doing. He said he is not here for argument, but for accelerating the Myanmar government’s actions through the UN. He said he knew that the local people do not accept the UN undertakings. He said UN will render long and short-term assistance for the government’s endeavours. The UN has already demanded the termination of the use of violent means and force in Rakhine State, the arrival of humanitarian aid and the resettlement of the persons who are in the other country. In so doing, he asked about security measures for local people as efforts cannot be made without security.

In response to the discussions, the Senior General disclosed bitterness of local Rakhine ethnics over Bengalis, saying that they came from Bengal, so they were called Bengalis. The Senior General said he would like to note at first that those Bengalis are not Myanmar ethnics. A true history cannot be covered that those Bengalis brutally killed more than 20,000 local Rakhine ethnics in Alethankyaw unrest in 1942. Moreover, he continued to say that there are many villages with the names of Rakhine in Maungtaw region where Bengalis reside currently.

So, Rakhine ethnics have bitterness for their land plots illegally possessed by Bengalis. With regard to the incident of 25 August, the Senior General said that about 4,000 ARSA extremist Bengalis terrorists committed terror attacks at 30 police posts and the headquarters of one military unit with waves of strength. It needs to consider how to defend about 200-300 terrorists each who attacked 10-15 members from small police posts with the use of sticks, swords, spears and small arms in addition to home-made grenades. As such, members of security force were killed in the terrorist incidents while Bengali terrorists were also dead. However, anyone of the Tatmadaw did not beyond the rules and laws as the Tatmadaw systematically commanded and controlled them under the Rule of Engagement-ROE from the time of starting terror attacks to date.

Action will be taken against those under the law for their acts breaking the disciplines and laws. Local people did not accept the accusation that the Tatmadaw solved the problem of terror attacks with larger strength.

Thanks to security measures taken by the Tatmadaw in time, number of loss of lives of innocent people, service personnel and police could be reduced. Up to now, as some threats are made to commit more terror attacks, local people are worrying about their security and safety. Therefore, the Tatmadaw needs to take security measures for local people.

With the respect to the feelings of indigenous people about humanitarian aid, Bengalis made up of 95 percent of the total population in Buthidaung and Maungtaw regions while indigenous people accounted for five percent. It was regarded as acts of bullying with the help of foreign organizations including the UN at a time when the majority Bengalis killed the minority ethnics. In addition, ethnics were suspicious of the seizures of foreign relief aid and assistance at Bengali terrorist camps. So, they refused to accept aid provided by the UN and INGOs. The UN needed to carry out the delivery of assistance fairly and equally. Any organizations may contact the Central Committee for the implementation of Rakhine State Peace, Stability and Development led by State Counsellor Daw Aung San Suu Kyi and respective organizations.

Thus, Bengalis themselves needed to accept the fact that they were Bengalis, not Rohingya and were to participate in the citizenship scrutiny process in accord with the existing laws in order that they could win the trust of indigenous people. They would get citizenship status and could enjoy citizens’ rights after the citizenship scrutiny process under the 1982 Citizenship Law though they came from Bengal. The Senior General urged the latter to ensure that Bengalis participated in the citizenship scrutiny process.

The participation of citizenship scrutiny process in accord with the law could reduce tensions between the two communities. It needed to change the view that assistance provided by INGOs was intended only for Bengalis, not for ethnics through the fair distribution of aid. Both governments negotiated a plan to scrutinize and re-accept those who were in Bangladesh in accordance with the 1993 Agreement. Soon, officials from Bangladesh would visit Myanmar to discuss it. The process depended on the results of the meeting. The Tatmadaw would provide necessary assistance to it. The Senior General said the Tatmadaw would implement the UN’s suggestions as much as it can.

After the call, the Senior General and the UN Under Secretary-General for Political Affairs posed for documentary photo together with attendees.

#Themyawadydaily

ရတနာပုံနေ့စဉ်သတင်းစာ (၁၇-၁၀-၂၀၁၇)



ရတနာပုံနေ့စဉ်သတင်းစာ (၁၇-၁၀-၂၀၁၇)

Download Links

မြ၀တီနေ့စဉ်သတင်းစာ (၁၇-၁၀-၂၀၁၇)



မြ၀တီနေ့စဉ်သတင်းစာ (၁၇-၁၀-၂၀၁၇)

Download Links
Related Posts Plugin for WordPress, Blogger...