တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်နှင့်ဇနီး ဒေါ်ကြူကြူလှ ဦးဆောင်သော မြန်မာ့တပ်မတော် ချစ်ကြည်ရေးကိုယ်စားလှယ်အဖွဲ့ Swayambhunath စေတီတော်အတွင်း လှည့်လည်ကြည့်ရှု လေ့လာစဉ်။
တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်နှင့်ဇနီး ဒေါ်ကြူကြူလှ Buddhanath Stupa စေတီတော်ကြီးအတွင်း ဖူးမြော်ကြည်ညိုစဉ်။
တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင် Swayambhunath စေတီတော်အတွင်းရှိ ဗုဒ္ဓရုပ်ပွားတော်မြတ်အား ဖူးမြော်ကြည်ညိုစဉ်။
တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်နှင့်ဇနီး ဒေါ်ကြူကြူလှ ဦးဆောင်သော မြန်မာ့တပ်မတော် ချစ်ကြည်ရေးကိုယ်စားလှယ်အဖွဲ့ Patan Durbar Square ရင်ပြင်၌လှည့်လည် ကြည့်ရှုလေ့လာစဉ်။
နေပြည်တော် ၁၄-၁၂-၂၀၁၇
နီပေါတပ်မတော် ကြည်းတပ်ဦးစီးချုပ် Gen. Ranjendra Chhetri ၏ ဖိတ်ကြားချက်အရ နီပေါဖက်ဒရယ်ဒီမိုကရက်တစ် သမ္မတနိုင်ငံသို့ ချစ်ကြည်ရေးခရီးစဉ် ရောက်ရှိနေသည့် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် ဦးဆောင်သော မြန်မာ့တပ်မတော် ချစ်ကြည်ရေးကိုယ်စားလှယ် အဖွဲ့သည် ယနေ့နံနက်ပိုင်းတွင် ခတ္တမန္ဒူမြို့အတွင်း လှည့်လည်ကြည့်ရှု လေ့လာကြသည်။
ဦးစွာ တပ်မတော်ကာကွယ်ရေး ဦးစီးချုပ်နှင့်ဇနီး ဦးဆောင်သော မြန်မာ့တပ်မတော် ချစ်ကြည်ရေးကိုယ်စားလှယ် အဖွဲ့သည် Swayambhunath စေတီသို့ရောက်ရှိကြရာ တာဝန်ရှိသူများက ကြိုဆိုနှုတ်ဆက် ကြသည်။ ထို့နောက်တပ်မတော် ကာကွယ်ရေးဦးစီးချုပ် သည်စေတီတော်အတွင်းရှိ ဗုဒ္ဓရုပ်ပွားတော်မြတ်အား ဖူးမြော်ကြည်ညို၍ ဆီမီးဆက်ကပ်လှူဒါန်းပြီး စေတီတော်ကြီးအပေါ်တွင် လှည့်လည်ကြည့်ရှု လေ့လာကြရာ တာဝန်ရှိသူများက လိုက်လံရှင်းလင်း ပြသကြသည်။ အဆိုပါစေတီတော်ကြီးအား ကျောက်တုံးတစ်တုံးတည်းကို ထုထွင်းတည်ထားခြင်းဖြစ်ပြီး ဘုံ ၁၃ ဆင့်ပါဝင်၍ အရံစေတီတော်ငါးဆူက စေတီတော်ကြီးအား ၀န်းရံထားကြောင်း သိရှိရသည်။
၎င်းနောက် တပ်မတော်ကာကွယ်ရေး ဦးစီးချုပ်နှင့် အဖွဲ့ဝင်များသည် Patan Durbar Square ရင်ပြင်သို့ရောက်ရှိကြပြီး ရင်ပြင်ရှိ Patan Museum အပါအ၀င်ရှေးဟောင်း အနုပညာလက်ရာ အဆောက်အဦ ပြတိုက်များအား လှည့်လည်ကြည့်ရှု လေ့လာကြရာ တာဝန်ရှိသူတစ်ဦးက လိုက်လံရှင်းလင်း ပြသသည်။ ထို့နောက် တပ်မတော်ကာကွယ်ရေး ဦးစီးချုပ်နှင့်ဇနီး၊ အဖွဲ့ဝင်များသည်ရင်ပြင်တွင် အမှတ်တရစုပေါင်းဓာတ်ပုံ ရိုက်ကြသည်။ အဆိုပါ Patan Museum သည် UNESCO ကမ္ဘာ့သမိုင်းအမွေအနှစ် စာရင်းဝင် နီပေါနိုင်ငံမလ္လာဘုရင်မင်းဆက် (Malla Dynasty) လက်ထက်စေတီဘုရားကျောင်း၊ နန်းတော်အဆောက်အဦများကို ပြန်လည်ပြုပြင် မွန်းမံထိန်းသိမ်း၍ ပြတိုက်အဖြစ်ပြသ ထားခြင်းဖြစ်သည်။ သြစတြီးယားအစိုးရ၏ ငွေကြေးနှင့်နည်းပညာဆိုင်ရာ အကူအညီဖြင့် ပြုပြင်ထိန်းသိမ်းခဲ့၍ နိုင်ငံပိုင်ပြတိုက်အဖြစ် ၁၉၉၇ ခုနှစ်တွင် စတင်ဖွင့်လှစ် ပြသခဲ့ခြင်းဖြစ်သည်။ ပန်းပု၊ ပန်းရံ၊ ပန်းတမော့၊ ကျောက်ဆစ်စသော ရှေးဟောင်းအနုပညာ လက်ရာမွန်များစွာကို လေ့လာကြည့်ရှုနိုင်ကြောင်း သိရှိရသည်။
ဆက်လက်ပြီး တပ်မတော်ကာကွယ်ရေးဦးစီချုပ်နှင့် အဖွဲ့ဝင်များသည် Buddhanath စေတီတော်ကြီးသို့ရောက်ရှိဖူးမြော်ပြီး လှည့်လည်ကြည့်ရှုလေ့လာရာတာဝန်ရှိသူများက လိုက်လံရှင်းလင်းပြသကြသည်။ ယင်းနောက်စေတီတော်ပေါ်တွင် အမှတ်တရစုပေါင်း ဓာတ်ပုံရိုက်ခဲ့ကြကြောင်းသတင်းရရှိသည်။
#Themyawadydaily
No comments:
Post a Comment