ရန်ကုန် ၊ ၂၀-၇-၂၀၁၆
ရန်ကုန် စာတိုက်ကြီး နှင့် ချိတ်ဆက်ကာ ပစ္စည်းပို့သည့် ဝန်ဆောင်မှုကို ဆောင်ရွက်နေသော အွန်လိုင်း ရှောပင်း အရေအတွက် ၃ဝ ခန့်ရှိပြီး ထပ်မံတိုးချဲ့ နိုင်ရန် ကြိုးပမ်းလျက် ရှိကြောင်း ပို့ဆောင်ရေး နှင့် ဆက်သွယ်ရေး ဝန်ကြီးဌာန မှ တာဝန်ရှိသူ တစ်ဦးက ပြောသည်။
ထိုသို့ အွန်လိုင်းရှောပင်း များမှ ဝန်ဆောင်မှု ပေးရာတွင် အမှာပစ္စည်း များကို ဝယ်ယူသူများထံ ရန်ကုန် စာတိုက်ကြီးမှ တစ်ဆင့် ပို့ဆောင်ပေးခြင်း ဖြစ်ပြီး ယခု လုပ်ကိုင်လျက် ရှိသည့် အရေအတွက်ထက် တိုးချဲ့နိုင်ရန် တခြားသော အွန်လိုင်းရှောပင်း များနှင့် ချိတ်ဆက် လုပ်ဆောင်လျက် ရှိကြောင်း၊ စာတိုက်ကြီးမှ ပေးပို့သော ဝန်ဆောင်မှုသည် ကောင်းမွန်သော်လည်း အများပြည်သူ သိရှိမှု နည်းပါးနေသဖြင့် ယခုထက်ပိုမို သိရှိလာစေရန် ထုတ်ပြန်မှုများ ပြုလုပ်သင့်ကြောင်း၊ သို့မှသာ အွန်လိုင်းမှ ဝယ်ယူသူများ ပိုမိုသိရှိလာပြီး ဝန်ဆောင်မှု တွင်ကျယ် လာနိုင်မည်ဟု သုံးသပ်မှုများ ရှိကြောင်း သိရသည်။
ရန်ကုန်စာတိုက်ကြီး အနေဖြင့် အွန်လိုင်း ရှောပင်းများနှင့် ပူးပေါင်း လုပ်ကိုင်မှု တိုးချဲ့ရေးအတွက် ဝန်ထမ်းများမှ တစ်ဆင့် ဆက်သွယ်ကာ ပစ္စည်းပို့သည့် လုပ်ငန်းများ အကြောင်းကို ရှင်းလင်း ပြောကြားခြင်း ပြုလုပ်လျက် ရှိသည်။ ထိုသို့ ဝန်ထမ်းများအား အွန်လိုင်းရှောပင်းများ ပိုမိုချိတ်ဆက် လုပ်ကိုင်နိုင်ရန် စီစဉ်ပေးခြင်းဖြင့် နိုင်ငံတော်၏ အခွန်ငွေကို ပိုမိုရှာဖွေပေး နိုင်မည်ဖြစ်ကြောင်း၊ ပင်မလုပ်ငန်းများ၏ ဝန်ဆောင်မှု များကိုလည်း လျင်မြန်စွာ လုပ်ဆောင် နိုင်ရန် ခေတ်နှင့် လျော်ညီသော ပုံစံများ ပြောင်းလဲ လုပ်ဆောင်လျက် ရှိကြောင်း သိရသည်။
အွန်လိုင်းရှောပင်း များနှင့် ချိတ်ဆက် လုပ်ကိုင်ရာတွင် မူလက မြန်မာစာတိုက် လုပ်ငန်းကို နားလည်မှု လွဲမှားခြင်းများ ရှိခဲ့သော်လည်း ယခုအခါ ပူးပေါင်း လုပ်ကိုင်မှု ပိုမိုများပြား လာကြောင်း၊ ရန်ကုန်မြို့ အတွင်း စာတိုက် လုပ်ငန်းများ ဆောင်ရွက် ရာတွင် ယာဉ်ကြော ပိတ်ဆို့မှု များကြောင့် နှောင့်နှေးမှုများ မဖြစ်ပေါ်စေရန် အစီအစဉ်များ ရေးဆွဲ လုပ်ကိုင် လာကြသဖြင့် အဆင်ပြေမှု ရှိလာကြောင်း သိရသည်။ (စိုးမိုး)
မြ၀တီနေ့စဉ် ၊ စာ(၃)
No comments:
Post a Comment