သားငယ် ၊ သမီးငယ်တို့ နားမယောင်မိကြ စေဖို့
ခိုင် (ပညာရေး)
သတင်းစာများ၊ ဂျာနယ်များတွင် အမြဲမပြတ် ဖတ်မိသည့် သတင်းများမှာ လူကုန်ကူးမှုနှင့် ပတ်သက်သည့် အကြောင်းအရာ များ ဖြစ်သည်။ လူကုန်ကူးခံရပြီး ရောင်းစားခံ ရခြင်းများ၊ အနှိပ်စက်ခံ ရခြင်းများ၊ အိမ်ထဲမှ အိမ်ပြင် အထွက်မခံဘဲ နှိပ်စက်ခြင်းများ၊ လူကုန်ကူးရန် အတွက် သမီးရည်းစား အဖြစ် ဟန်ဆောင် ချစ်ဟန်ပြုပြီး ခေါ်ဆောင် သွားခြင်းများ အစုံပင်ဖြစ်သည်။ စာရေးသူ ရေးသားခဲ့သည့် ''ပွင့်သောပန်းတိုင်း အစဉ်အမြဲ လန်းဆန်းစေချင် ပါသည်'' ဆောင်းပါး ထဲကကဲ့သို့ ဖုန်းတစ်လုံး ကိုင်ထားပြီး အကျိုးရှိစွာ အသုံးမချဘဲ တွေ့မြင်ဖူးခြင်း မရှိသည့် သူများနှင့် ဆက်သွယ်မိရာမှ မလိုလားအပ် သည့် ပြဿနာများ ဖြစ်ပေါ် လာရခြင်း များလည်း ပါဝင်သည်။ ထို ပြဿနာများတွင် ငယ်ရွယ်သော နဝမတန်း၊ တက္ကသိုလ် ဝင်တန်း အရွယ် ကျောင်းသူလေးများ သားကောင် ဖြစ်နေကြရသည် ကိုလည်း စိတ်မကောင်းစွာ ကြားသိ နေရသည်။ ယုံလွယ်တတ်သည့် ငယ်ရွယ်သူ လေးများကို လက်ကိုင်ဖုန်း လွတ်လပ်စွာ ပေးကိုင်ထားခြင်း၊ တစ်ဦးတည်း အဖော် မပါဘဲ ကျောင်းသို့ သွားလာစေခြင်း များမှာ လူကုန်ကူး သူများ၏ ပစ်မှတ်များ ဖြစ်လာနိုင်သည်။
ယခုနှစ် စက်တင်ဘာ ၃ ရက်က လူကုန်ကူးမှုနှင့် ပတ်သက်၍ အသိပညာပေး အဖြစ် စာရေးသူတို့ ကျောက်တံတား အခြေခံပညာ အထက်တန်း ကျောင်းတွင် ကျောင်းအုပ် ဆရာကြီး၏ တာဝန်ပေးချက် အရ ကျောင်းသူ၊ ကျောင်းသားလေး များကို စာရေးသူ ဟောပြော ခဲ့ရသည်။ ထို ဟောပြောချက် များနှင့် ပတ်သက်၍ အခြား ကျောင်းသူ၊ ကျောင်းသား၊ သားငယ်၊ သမီးငယ်လေး များပါ သိရှိစေရန် အတွက် ဆောင်းပါးအဖြစ် ပြန်လည်ရေးသား မျှဝေရခြင်း ဖြစ်သည်။
လူကုန်ကူးမှု ဆိုသည်မှာ ခြိမ်းခြောက်ခြင်း၊ အင်အားသုံးခြင်း၊ အာဏာ အသုံးပြု၍ အဓမ္မ ခေါ်ဆောင်ခြင်း၊ ရပ်တည်ရန် ခက်ခဲသော အခြေအနေ ကို အလွဲသုံးစား ပြု၍ လူစုဆောင်းခြင်း ၊ ပို့ဆောင်ခြင်း ၊ လွှဲပြောင်း ခြင်းများ ပြုလုပ်၍ အဓမ္မစေခိုင်းခံ ရခြင်း၊ လိင်ဖျော်ဖြေရေး လုပ်ငန်းများတွင် အသုံးချခံ ရခြင်းများကို ဆိုလိုသည်။ လူကုန်ကူးမှု ၏ အဓိပ္ပာယ်မှာ ''မိမိအကျိုးစီးပွား တစ်ခုတည်း အတွက် လူသားများ၏ ကိုယ်ကာယ လုပ်အားများကို လူသား အချင်းချင်း ခေါင်းပုံဖြတ် အမြတ်ထုတ် အကျိုးအမြတ် ရယူခြင်း'' ကို ခေါ်ဆိုသည်။ လူကုန်ကူးမှုများ ပေါ်ပေါက် လာရခြင်း၏ တွန်းအားပေး ချက်များမှာ ဆင်းရဲခြင်း၊ ပညာတတ် မြောက်မှုနည်းပါးခြင်း၊ အလုပ်အကိုင် မရှိခြင်း၊ လိင်ပိုင်း ဆိုင်ရာခွဲခြား ဆက်ဆံမှုရှိခြင်း၊ မိသားစုအတွင်း အကြမ်းဖက်မှု နှင့် မတရားပြုမူ ခံရခြင်းတို့ကြောင့် ထွက်ပေါက် ရှာကြခြင်း စသည်တို့ ဖြစ်သည်။
လူကုန်ကူးမှု ခံရသူအများစုမှာ ဖြတ်လမ်းနည်းဖြင့် ကြီးပွား ချမ်းသာချင် သူများ၊ ယုံကြည် လွယ်သူများ၊ အားနာတတ် သူများ၊ ပညာ ဗဟုသုတ နည်းပါးသူများ၊ အကာအကွယ် မဲ့သော ကလေးများ၊ နိုင်ငံရပ်ခြား အထင်ကြီး သူများ၊ စီးပွားရေး အဆင်မပြေ သူများ ဖြစ်ကြသည်။
မည်သူမဆို လူကုန်ကူးခံ ရနိုင်သကဲ့သို့ အထူးသဖြင့် အမျိုးသမီးများ နှင့် ကလေးသူငယ် များမှာ လူကုန်ကူးသူ များအတွက် အမြတ်အစွန်း ပိုမိုရရှိနိုင် ခြင်းကြောင့် လူကုန်ကူးမှု အများဆုံး ခံရနိုင်သည်။ မြန်မာနိုင်ငံတွင် အများဆုံး ဖြစ်ပွားသော လူကုန်ကူးမှု အမျိုးအစား များမှာ တရုတ်နိုင်ငံမှ တရုတ် အမျိုးသားများနှင့် အဓမ္မ လက်ထပ်ရန် အတွက် မြန်မာ အမျိုးသမီးများကို ရောင်းစားခြင်းပင် ဖြစ်သည်။ စည်းရုံးနည်းမှာ ချမ်းသာသော အမျိုးသားများနှင့် လက်ထပ်ရမည် ဟု ပြောဆို၍ အမျိုးသမီးငယ် များကို ခေါ်ဆောင်ခြင်း ဖြစ်သည်။ ထို့အတူ ထိုင်းနိုင်ငံ တွင် အဓမ္မစေခိုင်းရန် ရောင်းစားခြင်း၊ ပြည့်တန်ဆာ ပြုခြင်း၊ အိမ်ဖော်အဖြစ် စေခိုင်းခြင်းများ အတွက်လည်း မြှူဆွယ် စည်းရုံးခြင်းများ ပြုလုပ်ကြသည်။ စာရေးသူတို့ နိုင်ငံ အတွင်းတွင်လည်း ချစ်သူရည်းစား အဖြစ် ဟန်ဆောင်ခြင်း၊ ဟန်ဆောင် လက်ထပ်ခြင်း၊ ကလေးသူငယ် များကို ကြမ်းတမ်းပြီး အန္တရာယ်ရှိသော အလုပ်များခိုင်းစေ၍ နှိပ်စက်ခြင်း များကိုလည်း တွေ့မြင် နေကြရသည်။
ထို့ကြောင့် မိဘများ အပါအဝင် သားငယ်၊ သမီးငယ်များ အနေဖြင့် မည်သူ့ကိုမျှ အလွယ်တကူ မယုံကြည် ပါနှင့်။ မိမိတို့ဒေသသို့ ရောက်လာသည့် မမြင်ဘူးသော သူစိမ်းများဆိုလျှင် သတိထား စောင့်ကြည့်ပါ။ အလုပ်အကိုင် ကောင်းကောင်း ရမည်ဟု ပြောဆို စည်းရုံးပါ ကလည်း မိမိတို့ကို ရောင်းစားမည့် လူပွဲစားများသာ ဖြစ်သည်ကို သိရှိကြရန် လိုသည်။ အထူးသဖြင့် သမီးငယ်များ အနေဖြင့် ဖုန်းမှ တစ်ဆင့် သိကျွမ်းသူများကို အလွယ်တကူ မယုံကြည်ပါနှင့်။ မိမိကို ချစ်ဟန် ကြိုက်ဟန် ဆောင်၍ မိမိဘဝကို ဖျက်ဆီးပြီး မိမိကို တစ်ဆင့်ရောင်း စားမည့်သူများ ဖြစ်နိုင်သည်။
စာရေးသူ နေထိုင်ခဲ့သည့် မြဝတီမြို့သည် နယ်စပ်မြို့ ဖြစ်သည်နှင့် အညီ လူကုန်ကူးသူများ (ဒေသအခေါ်) လူကယ်ရီ သမားများ အလွန် ပေါများသည်။ စာရေးသူ သိမြင်ခဲ့ရ သလောက် တစ်ဖက် ထိုင်းနိုင်ငံသို့ ငယ်ရွယ်သော လူငယ်လူရွယ် အများစု သွားရောက် အလုပ်လုပ်ကိုင် ကြသည်ကို တွေ့ရသကဲ့သို့ ဒုက္ခပေါင်းစုံဖြင့် ပြန်လည် ရောက်ရှိ လာကြသည် ကိုလည်း တွေ့မြင်ခဲ့ ရသည်။ ခင်ပွန်းသည်က မြဝတီခရိုင် ရဲတပ်ဖွဲ့တွင် တာဝန် ထမ်းဆောင် ခဲ့ဖူးသဖြင့် သွားရောက် အလုပ်လုပ်ကိုင် ကြသူများ၏ မကောင်းသော အဖြစ်အပျက် မျိုးစုံကိုလည်း သိမြင်ခဲ့ရသည်။ သွားရောက် အလုပ်လုပ်ကိုင် ကြသူများ၏ စိတ်ပိုင်းဆိုင်ရာ ဒုက္ခများနှင့် ရုပ်ပိုင်းဆိုင်ရာ ဒုက္ခများကိုလည်း ကိုယ်တိုင် တွေ့မြင်ခဲ့ ရသည်။
ထို့ကြောင့် သားငယ်၊ သမီးငယ်များ အနေဖြင့် နိုင်ငံရပ်ခြားကို အထင် မကြီးသင့် သကဲ့သို့ မိမိနိုင်ငံ အတွင်းတွင်လည်း သားသမီးချင်း ကိုယ်ချင်း မစာသော လူယုတ်မာများ ရှိနေသည်ကို သတိပြုကြရန် လိုသည်။ တိုးတက် လာသော နည်းပညာများ အရ ကျူးလွန်ရန် လွယ်ကူခြင်း၊ အရင်းအနှီး နည်းနည်းဖြင့် အမြတ်အစွန်း များကြီးမားစွာ ရရှိခြင်းတို့ကြောင့် ပိုမိုကြီးမား လာသော လူကုန်ကူးမှု ပြဿနာကို ၁၉၉၆ ခုနှစ်မှစတင်၍ တိုက်ဖျက်ရန် ကြိုးပမ်း ဆောင်ရွက်ခဲ့သည်။ မြန်မာလူမျိုး တို့ တန်ဖိုးထားသော အမျိုးအနွယ် စောင့်ထိန်းမှုကို ထိခိုက်ပျက်ပြား စေသည့်အတွက် ဤပြဿနာ တိုက်ဖျက်ရေးကို အမျိုးသားရေး တာဝန်တစ်ရပ် အဖြစ် မူဝါဒချမှတ် ဆောင်ရွက် ခဲ့သည်။ လူကုန်ကူးမှု ကျူးလွန်သူများ အတွက်လည်း ထိရောက်သော ပြစ်ဒဏ်များကို ချမှတ်ခဲ့သည်။
အထက်ပါ အကြောင်းအရာ များကြောင့် သားငယ်၊ သမီးငယ်များ အနေဖြင့် မိမိတို့ကိုယ်တိုင် နှင့်အခြားသူများ လူကုန်ကူးမှု မခံရစေရန် သတိပြုဆင်ခြင် နေထိုင်ရမည် ဖြစ်သည်။ ထို့ပြင် လူကုန်ကူး ခံခဲ့ရဖူး သူများကိုလည်း စိတ်ပိုင်းဆိုင်ရာ နှင့် ရုပ်ပိုင်းဆိုင်ရာ တည်ငြိမ်မှု ရှိစေရန်အတွက် အားပေး ကူညီခြင်း၊ ပတ်ဝန်းကျင် အသိုင်းအဝိုင်းမှ ကောင်းမွန်စွာ ဆက်ဆံခြင်း၊ လူကုန်ကူးမှုကို ဝိုင်းဝန် ဖော်ထုတ်၍ ဥပဒေအရ တုံ့ပြန်နိုင်ရန် ကာကွယ်ပေးခြင်း၊ ဘဝသစ် ထူထောင်ရေး အတွက် ဝိုင်းဝန်းကူညီ ကြခြင်းများ ပြုလုပ်ကြရန် နှင့် မိမိတို့ ကိုယ်တိုင်လည်း ထိုအဖြစ်မျိုးများမှ ကင်းဝေးစေရန် အတွက် မည်သူ့ စကားကိုမျှ နားမယောင်မိ ကြစေရန် တိုက်တွန်း ရေးသား လိုက်ရပါသည်။
ရတနာပုံနေ့စဉ် ၊ စာ(၂၃)
