Social Icons

Pages

Featured Posts

http://myawady-myawady.blogspot.com/ . . . http://facebook.com/themyawadydaily . . . https://twitter.com/themaywadydaily

Wednesday, July 26, 2017

အာရှတစ်ဝန်း လူဦးရေ ၁၃၇ သန်း ထက်မနည်း ရေဘေးနှင့် ကြုံတွေ့နေ



ဘာသာပြန်ဆောင်းပါး

ရာသီဥတုပြောင်းလဲမှုရဲ့ ခါးသီးလှတဲ့ ဆိုးကျိုးကို ကမ္ဘာ့နိုင်ငံအသီးသီးက အမျိုးမျိုးခံစား နေရပါတယ်။ မိုးလေဝသ ဖောက်ပြန် ပြောင်းလဲမှုကြောင့် မုန်တိုင်းတွေဆိုတာ တစ်ခါမှမကြုံဖူးတဲ့ ပုံစံနဲ့ဖြစ်ပေါ် တိုက်ခတ်နေတဲ့ အတွက် အခုဆိုရင် အာရှမှာ လူဦးရေ ၁၃၇သန်းထက်မနည်းဟာ ရေဘေးနဲ့ကြုံတွေ့နေရပါတယ်။

ဒီပုံစံအတိုင်းဆိုရင် လာမယ့်နှစ် ၃ဝ အတွင်းအာရှမှာ မိုးရေချိန်ဟာ ဒီထက်မြင့်တက် လာပါလိမ့်မယ်။ ခန့်မှန်းခြေ အားဖြင့် ၂ဝရာခိုင်နှုန်းထက် မနည်းမြင့် တက်လာမယ့် မိုးရေချိန်ကြောင့် အာရှတစ်ဝန်း ရေကြီးရေလျှံမှုကလဲ အခုထက် ပိုဆိုးလာဖို့ပဲ ရှိတယ်လို့ နားလည်တတ်ကျွမ်းသူများက ခန့်မှန်းချက်ထုတ်ပြန် ထားပါတယ်။

တောင်အာရှဟာ တစ်နှစ်ကို မိုးရေချိန် မီလီမီတာ ၁ဝဝဝ ထက်မနည်းရှိတဲ့အတွက် အာရှတိုက်ကြီး တစ်ခုလုံးမှာ မိုးရေချိန်အများဆုံး ဖြစ်နေသလို ကမ္ဘာတစ်ဝန်းမှာလဲ အစိုစွတ်ဆုံးဒေသကြီး တွေထဲမှာ ပါဝင်နေပါတယ်။ ဒီတော့အာရှသာမက ပစိဖိတ်ဒေသပါ ပေါင်းလိုက်ရင် တောင်အာရှမှာ မိုးရွာသွန်းမှု အများဆုံးနဲ့ ရေကြီးရေလျှံမှုအမြင့်ဆုံး ဖြစ်နေပြီး အိန္ဒိယ၊ဘင်္ဂလားဒေ့ရ်ှနဲ့ တရုတ်နိုင်ငံ သုံးနိုင်ငံပေါင်း ရေဘေးဒုက္ခသည် ဦးရေ ၁၃၇ သန်း ထက်မနည်း ရှိနေရခြင်း ဖြစ်ပါတယ်။

တစ်နှစ်ထက်တစ်နှစ်ပိုပြီး မိုးရေချိန် မြင့်မားလာတာနဲ့အတူ မကြုံစဖူး ပြင်းထန်လှတဲ့ မုန်တိုင်းတွေလဲ အရေအတွက်တိုးလာ တာတွေကြောင့် တောင်အာရှနိုင်ငံတွေရဲ့ ရေနုတ်စနစ်က မနိုင်တော့ပါဘူး။ ဒါ့ပြင် မြို့ပြ တည်ဆောက်ခဲ့ စဉ်ကစနစ်ကျ ကောင်းခဲ့နိုင်ပေမယ့် မြို့ပြကိုချဲ့ ထွင်ခဲ့တဲ့ အချိန်မှာတော့ အားနည်းခဲ့တဲ့အတွက် အရင်ကရေနုတ်စနစ်နဲ့ မြို့အခြေအနေနဲ့ ကိုက်ညီခဲ့ကောင်း ကိုက်ညီနိုင်ခဲ့ပေမယ့် အခုချိန်မှာတော့ ဝန်နဲ့အားနဲ့မမျှတော့တဲ့အတွက် လမ်းကနေရပ်ကွက်၊ ရပ်ကွက်ကနေ မြို့၊မြို့ကနေ တစ်ပြည်နယ်လုံး၊ တစ်နိုင်ငံလုံးဆိုသလိုမျိုး ရေကြီးရေလျှံတဲ့ အခြေအနေလဲ မြင့်တက်လာခဲ့ခြင်း ဖြစ်ပါတယ်။

သဘာဝကြီးကလဲ ဖောက်ပြန်ပြီး မိုးရေတွေ သွန်ချနေတဲ့ အချိန်မှာ မြို့ကြီးကိုပြောင်းမှ ဘဝတင့်တယ် မယ်ဆိုတဲ့ ယုံကြည်ချက်နဲ့ ရောက်လာတဲ့ လူပေါင်းသန်းနဲ့ ချီတို့အတွက် အိမ်ခြံမြေရာတွေကို အဆောတလျင် တည်ဆောက် ပေးခဲ့ကြရာမှာ တစ်ချိန်က ရေနုတ်ရာ၊ ရေလှောင်ရာ၊ ရေတားရာ ချိုင့်ဝှမ်းတွေ၊ တောင်တွေ၊ ကွင်းပြင်ကြီးတွေဟာ တိုက်တာ အဆောက်အအုံ တွေနဲ့ ပြည့်နှက် သွားလေတော့ မိုးကောင်းကင် ပြိုဆင်းသလိုရွာ လာတဲ့မိုးရေကို ထိန်းထိန်းသိမ်းသိမ်းနဲ့ စီးဆင်းစေခြင်းငှာ မတတ်စွမ်းကြတော့တာ မဆန်းပါဘူး။

ထူးထူးခြားခြား ၁၉၅ဝ ပြည့်နှစ်ကတည်း ကနေ ဒီနေ့ဒီအချိန်ထိ ကမ္ဘာပေါ်မှာ ရေကြီးရေလျှံမှုကြောင့် လူအသေအပျောက်အများ ဆုံးနိုင်ငံတွေဟာ တောင်အာရှနိုင်ငံ တွေဖြစ်တဲ့ တရုတ်၊ အိန္ဒိယနဲ့ ဘင်္ဂလားဒေ့ရ်ှတို့ပဲဖြစ်နေ တာကိုတွေ့ရ ပါတယ်။ ၁၉၅ဝ ပြည့်နှစ်ကနေ ဒီနေ့အချိန်ထိမှာ ဒီသုံးနိုင်ငံပေါင်း ရေကြီးရေလျှံမှုကြောင့် သေဆုံးသူ ဦးရေဟာလဲ ၂ ဒသမ ၂ သန်းကျော်ပြီ လို့သိရပါတယ်။ ၁၉၅၉ ခုနှစ်တုန်းက တရုတ်နိုင်ငံမှာ ရေကြီးလို့ သူ့တစ်နိုင်ငံထဲ လူ နှစ်သန်းကျော် သေဆုံးခဲ့တာဆိုတော့ ကျန်တဲ့နှစ်နိုင်ငံက သုညဒသမ၂သန်း လောက်ပဲသေဆုံး တယ်လို့ ယူဆနိုင်တာမို့ တရုတ်နိုင်ငံဟာ ရေဘေးဒုက္ခကြောင့် လူသေဆုံးမှု အမြင့်ဆုံးလို့ ပြောလို့ရနေပါတယ်။

ရေကြီးလို့ လူသေဆုံးမှု မြင့်မားတာအပြင် ဆုံးရှုံးမှုတန်ဖိုးကလဲ မနည်းလှပါဘူး။ အာရှတိုက်တစ်ခုထဲမှာ မိုးလေဝသ ဖောက်ပြန်မှုကြောင့် စီးပွားရေးပျက်စီး ဆုံးရှုံးရတဲ့တန်ဖိုးက ကမ္ဘာတစ်ဝန်းလုံးမှာ သဘာဝဘေး အန္တရာယ်တွေ ကြောင့်ဖြစ်ပွားတဲ့ စီးပွားရေးဆုံးရှုံးမှုရဲ့ လေးပုံတစ်ပုံနဲ့ ညီမျှနေပါတယ်။ လွန်ခဲ့တဲ့ ၁ဝနှစ်အတော အတွင်းမှာလဲ တရုတ်၊အိန္ဒိယနဲ့ ဘင်္ဂလားဒေ့ရှ် သုံးနိုင်ငံပေါင်း ရေဘေးကြောင့် သေဆုံးမှုက လူဦးရေ ၁ဝဝဝနဲ့အထက်မှာ နှစ်စဉ် ရှိခဲ့ပါတယ်။ ဆုံးရှုံးပျက်စီးမှု တန်ဖိုးကလဲ အမေရိကန်ဒေါ်လာ သန်းပေါင်းများစွာ ရှိနေမှာပါ။

ဘာကြောင့် ဒီသုံးနိုင်ငံပဲ ရေဘေးဒဏ်ခံ နေရတာလဲ။ တောင်အာရှနဲ့ အရှေ့အာရှတွေကို ဖြတ်သန်းစီးဆင်းတဲ့ မြစ်ကြီးသုံးခု ကြောင့်ပါ။ ဂင်္ဂါမြစ်၊ ဗြဟ္မပုတ္တရမြစ်နဲ့ ယန်ဇီမြစ်တို့ ဖြစ်ပါတယ်။ မိုးများရင် ဒီမြစ်သုံးစင်း ရေတက်ပါတယ်။ အဲဒီရေတက်ရင် ဖြတ်သန်းရာ လမ်းတစ်လျှောက်က လွင်ပြင်နဲ့ချိုင့်ဝှမ်းတွေထဲ ရေဝင်ပါတယ်။ အဲဒီချိုင့်ဝှမ်းတွေ၊ လွင်ပြင်တွေမှာ နေထိုင်နေသူတွေက အိန္ဒိယနဲ့ ဘင်္ဂလားဒေ့ရှ် နှစ်နိုင်ငံလုံးရဲ့ လူဦးရေရဲ့ ၅ဝ ရာခိုင်နှုန်းဖြစ်ပြီး လူဦးရေသန်း ၃ဝဝနဲ့ညီမျှပါတယ်။ တရုတ်နိုင်ငံရဲ့ လူဦးရေရဲ့ ၂၅ ရာခိုင်နှုန်းကလဲ အဲဒီရေလျှံဇုန်ထဲရောက်နေပြီး အရေအတွက်အားဖြင့် သန်း ၂ဝဝ ထက်မနည်းပါဘူး။ ဒီတော့သုံးနိုင်ငံပေါင်း ရေလျှံဇုန်ထဲရောက်နေတဲ့ လူဦးရေဟာ သန်း ၅ဝဝ ထက်မနည်းရှိနေပြီး အဲဒီသန်း ၅ဝဝ ဆိုတာ ကမ္ဘာ့လူဦးရေရဲ့၁၄ ရာခိုင်နှုန်းနဲ့ ညီမျှနေပါတယ်။

ရာသီဥတုပြောင်းလဲမှု၊ မိုးလေဝသ ဖောက်ပြန်မှု၊ မြို့ပြဧရိယာချဲ့ထွင်ရာမှာ ရေနုတ်စနစ် ဆောင်ရွက်မှုကို ညံ့ဖျင်းမှု၊ ပထဝီအနေအထားရဲ့ အားနည်းချက် အစရှိတာတွေကြောင့် နှစ်စဉ်လူသန်းပေါင်းရာနဲ့ချီ ရေဘေးဒုက္ခနဲ့ ပုံမှန်လိုကြုံတွေ့နေရပေမယ့် ထိရောက်တဲ့ ပြုပြင်ပြောင်းလဲမှုတွေ မလုပ်နိုင်ကြသေးတဲ့ အကြောင်း လေ့လာရေးသား တင်ပြလိုက်ရပါတယ်။

ရတနာပုံနေ့စဉ်သတင်းစာ စာ (၃၁)

#yadanarpondaily

ကောလင်းမြို့နယ်တွင် ဒေါင်းမြူးချောင်း တောင်ကျရေ အန္တရာယ်ကာကွယ်ရန် ကြိုတင်အသိပေးခြင်း လုပ်ငန်းများ ဆောင်ရွက်နေ



ကောလင်း ၂၆-၇-၂၀၁၇

စစ်ကိုင်းတိုင်းဒေသကြီး ကောလင်းမြို့နယ်တွင် မိုးသည်းထန်စွာ ရွာသွန်းပါက ဒေါင်းမြူးချောင်း တောင်ကျရေ အန္တရာယ်မှ ကင်းဝေးစေရန် မီးသတ်တပ်ဖွဲ့ဝင်များ ကားဖြင့်လှည့်လည်၍ ကြိုတင်အသိပေး ခြင်းလုပ်ငန်းများကိုယနေ့တွင် ဆောင်ရွက်နေကြောင်း ကောလင်းမြို့နယ် မီးသတ်ဦးစီးဌာနမှ သိရသည်။

''လက်ရှိမှာတော့ ဒေါင်းမြူးချောင်းက စိုးရိမ်စရာမရှိသေးပါဘူး။ ဝန်းသိုမြို့ဘက်က ရေကျလာတဲ့ သတင်းကြောင့် ဒီနေ့နံနက်က မီးသတ်တပ်ဖွဲ့ဝင်တွေ မြို့ထဲလှည့် အသိပေးတယ်။ ချောင်းရေဆိုတာ တောင်ပေါ်မှာ မိုးများလာရင် ကျလာတတ်တာမို့ အားလုံးသတိရှိဖို့ပါ။ မြို့နယ်ချင်းလဲ ချိတ်ဆက် အသိပေးထားပါတယ်''ဟု ကောလင်း မြို့နယ်မီးသတ်ဦးစီးဌာနမှ ဒုတိယတပ်ကြပ် ဖြိုးကျောက် ပြောပြသည်။

ကောလင်းမြို့နှင့် ဝန်းသိုမြို့ တို့တွင် ဇူလိုင် ၂၃ ရက် နံနက်ပိုင်းက ရွာသွန်းခဲ့သောမိုးကြောင့် ဒေါင်းမြူးချောင်း တောင်ကျရေ မြင့်တက်ပြီး ရေတာပေါင်ကျော် လာခဲ့သဖြင့် သဲအိတ်များကာရံ၍ ကာကွယ်ခဲ့ရကြောင်း သိရသည်။

''ကောလင်းမြို့မြောက်ဘက် ဝန်းသိုမြို့နယ်ထဲ မှာရှိတဲ့ မိုင်းသုန်းတောင်တန်း ကြီးမှာ မိုးရွာရင်မိုးရေက စီးလာတယ်။ ဒီနှစ်တော့ မြို့ထဲမှာ ရေနုတ်မြောင်းတွေ အများကြီး ဖောက်ထားပါတယ်။ရေနုတ်မြောင်း တွေကြောင့် ရေဝင်လာရင် ကာကွယ်သွားနိုင် ပါမယ်'' ဟု ကောလင်းမြို့ခံတစ်ဦးက ပြောပြသည်။

ဒေါင်းမြူးချောင်း တောင်ကျ ရေကြောင့် ဇူလိုင် ၂ဝ ရက်နှင့် ၂၂ ရက်မှစတင်၍ ကောလင်း မြို့နယ်၏ ဈေး၊ ရတနာဇေယျုံ ကျောင်းကြား၊ ပြင်ဦးလွင်ရပ်ကွက် အရှေ့ဖျား၊ ရှမ်းကုန်းစာသင်ကျောင်းအနီး စသည့်အနိမ့်ပိုင်းများတွင် ရေအမြင့် သုံးပေခွဲထိ ဝင်ရောက်ခဲ့ကြောင်း သိရသည်။

#yadanarpondaily

ပတ္တမြားစက်မှုဇုန် ဓာတ်အားခွဲရုံများကို အဆင့်မြှင့်တင်မှု များပြုလုပ်ပြီး ရပ်ကွက် (၄) ခုသို့ ဓာတ်အားလုံလောက်စွာ ဖြန့်ဝေပေးလျက်ရှိ



မုံရွာ ၂၆-၇-၂၀၁၇

စစ်ကိုင်းမြို့ ပတ္တမြားစက်မှုဇုန် ဓာတ်အားခွဲရုံတွင် လက်ရှိ တည်ဆောက်ထားသော ၃၃/၁၁ကေဗွီ၊ ၅အမ်ဗွီအေ ထရန်စဖော်မာသည် စက်မှုဇုန်ရှိစက်ရုံများ၊ ရပ်ကွက်နေ ပြည်သူများ သုံးစွဲမှုများပြား လာသဖြင့် ဓာတ်အား နိုင်နင်းစွာ ဖြန့်ဝေပေးနိုင်မှု မရှိသဖြင့် လက်ရှိထရန်စဖော်မာ နေရာတွင် ၃၃/၁၁ ကေဗွီ၊ ၁ဝ အမ်ဗွီအေထရန် စဖော်မာကို အစားထိုးပြောင်းလဲ တည်ဆောက်ကာ အဆင့်မြှင့်တင်မှုများ ပြုလုပ်ပြီး ရပ်ကွက် (၄) ခုကို ဓာတ်အားလုံလောက် စွာဖြန့်ဝေပေး လျက်ရှိကြောင်း တိုင်းဒေသကြီး လျှပ်စစ်အင်ဂျင်နီယာရုံးမှ သိရသည်။

စစ်ကိုင်းမြို့ ပတ္တမြားစက်မှုဇုန် ဓာတ်အားခွဲရုံတွင် ၃၃/၁၁ကေဗွီ၊ ၁ဝအမ်ဗွီအေ ထရန်စဖော်မာ အဆင့်မြှင့်တင် ပြောင်းလဲ တည်ဆောက်ခြင်း လုပ်ငန်းကို ၂ဝ၁၆-၂ဝ၁၇ဘဏ္ဍာနှစ် ပြည်ထောင်စု ရန်ပုံငွေမှ ငွေကျပ် ၅၅၇သန်းဖြင့်အကုန်အကျခံ တည်ဆောက်ပေးခဲ့ ခြင်းဖြစ်ပြီး ဇူလိုင် ၂၃ရက်က ဓာတ်အားစတင် ဖြန့်ဝေပေးလျက် ရှိကြောင်း သိရသည်။

အဆိုပါ ပြောင်းလဲတည်ဆောက် ပေးခဲ့သည့် ထရန်စဖော်မာဖြင့် စစ်ကိုင်းမြို့ရှိ ပတ္တမြားရပ်ကွက် စစ်ကိုင်းပညာရေးတက္ကသိုလ် ရွှေမင်းဝံရပ်ကွက်၊ နီလာရပ်ကွက်နှင့် မြရတနာ ရပ်ကွက်တို့တွင် လျှပ်စစ်ဓာတ်အား လုံလောက်စွာ အသုံးပြု နိုင်ပြီဖြစ်ကြောင်း တိုင်းဒေသကြီး လျှပ်စစ်အင်ဂျင်နီယာရုံးမှ သိရသည်။

#yadanarpondaily

တန်ဖိုးသင့်အိမ်ရာ စီမံကိန်းမှ အိမ်ခန်းပေါင်း ၁ဝဝ ကျော်ကို သုံးရက်ကြာ ပြသရောင်းချမည်



ရန်ကုန် ၂၆-၇-၂၀၁၇

ရန်ကုန်မြို့ လှည်းတန်းစင်တာတွင် အိမ်ခြံမြေကုမ္ပဏီပေါင်း၂ဝ ကျော်၏ တန်ဖိုးသင့်အိမ်ရာ စီမံကိန်းမှ အိမ်ခန်းပေါင်း၁ဝဝကျော်ကို ဇူလိုင် ၂၈ရက်မှ၃ဝရက်ထိ ပြသရောင်းချသွားမည် ဖြစ်ကြောင်း သိရသည်။

အဆိုပါပွဲမျိုးကို အိမ်ခြံမြေ အရောင်းအဝယ် ဝက်ဘ်ဆိုက်နှင့် အိမ်ခြံမြေ ပြပွဲကျင်းပရေး ကုမ္ပဏီဖြစ်သည့် Shwe Property က မေလအတွင်းက ပထမအကြိမ် ကျင်းပခဲ့ရာမှ တန်ဖိုးသင့်အိမ်ရာ ဝယ်လိုအား မြင့်တက်နေခြင်းကြောင့် ဒုတိယအကြိမ် ထပ်မံကျင်းပရန် စီစဉ်ခြင်းဖြစ်ကြောင်း သိရသည်။

''မြန်မာပြည်သူတွေ အတွက်အကောင်းဆုံး ငွေပေးချေမှုပုံစံတွေနဲ့ အိမ်ပိုင်ဆိုင် စေချင်တယ်။ ကျွန်တော်တို့ရဲ့ အကျိုးတူ လုပ်ဖော်ကိုင်ဖက်တွေဟာ သူတို့ရဲ့အိမ်ရာ တွေကို အကောင်းဆုံးငွေပေးချေမှု ပုံစံတွေနဲ့ အထိရောက် ဆုံးပရိုမိုးရှင်း အစီအစဉ်တွေကို Shwe Property ရဲ့ တန်ဖိုးသင့်အိမ်ရာ အရောင်းပြပွဲမှာ ပါဝင်ရောင်းချသွားမှာပါ။ ဒီအိမ်ရာတွေကို ဝယ်ယူလိုမှု အရတောင်းဆိုမှု တွေကြောင့် လစဉ်၊လတိုင်း ကျင်းပသွားဖို့ရှိပါတယ်''ဟုShwe Property ၏ မန်နေးဂျင်းဒါရိုက်တာ Mr.Kevin Goos ကပြောပြသည်။

အိမ်ပိုင်ဆိုင်ခွင့်အတွက် လစဉ်ပုံမှန်ဝင်ငွေရှိရုံဖြင့် သတ်မှတ်ထားသည့် ဘဏ်နှင့်ချိတ်ဆက်၍ အရစ်ကျစနစ်ဖြင့် တန်ဖိုးသင့် ကွန်ဒိုတိုက်ခန်းများကို တစ်နေရာတည်းတွင် ရွေးချယ်ဝယ်ယူနိုင်ရန် စီစဉ်ပေးခြင်းဖြစ်ကြောင်း သိရသည်။

လက်ရှိတွင် တန်ဖိုးသင့် အိမ်ရာဈေးကွက် ဆက်လက်ဖြစ်ထွန်းနေ သကဲ့သို့ အိမ်ခြံမြေလုပ်ငန်းရှင်များ အနေဖြင့်လည်း တန်ဖိုးသင့် ဈေးနှုန်းအတိုင်း ဆောက်လုပ်ရောင်းချ ပေးနေပြီး Shwe Property အနေ ဖြင့်လည်း တန်ဖိုးသင့် အိမ်ရာ အရောင်းပြပွဲများကို လစဉ်ကျင်းပ သွားရန်ရှိကြောင်း သိရသည်။

#yadanarpondaily

စစ်ကိုင်း၊မင်းဝံ၊ မင်းကွန်းတောင်ရိုးရှိ သီလရှင်အပါး ၇ဝဝဝ အားအောင်ဇမ္ဗူ ဆရာတော်ကြီးနှင့် အောင်ဇမ္ဗူသာသနာ ပြုအဖွဲ့တို့က သီလရှင်ဝတ်စုံများလှူဒါန်း



စစ်ကိုင်း ၂၆-၇-၂၀၁၇

စစ်ကိုင်း၊မင်းဝံ၊ မင်းကွန်းတောင်ရိုးရှိ သီလရှင်အပါး ၇ဝဝဝ အား အောင်ဇမ္ဗူ ဆရာတော်ကြီးနှင့် အောင်ဇမ္ဗူသာသနာ ပြုအဖွဲ့တို့က သီလရှင်ဝတ်စုံများ လှူဒါန်းပွဲကို ယနေ့ မွန်းလွဲ ၁ နာရီက စစ်ကိုင်းမြို့ နန်းဦးမြို့သစ်ရပ် သကျဓိတာသီလရှင် စာသင်တိုက်၌ ကျင်းပပြုလုပ်ခဲ့ကြောင်း အောင်ဇမ္ဗူ သာသနာပြုအဖွဲ့မှ ဒုတိယဥက္ကဋ္ဌ ဦးဌေးအောင်မိုးက ပြောပြသည်။

သီလရှင်အပါး ၇ဝဝဝ အားသီလရှင်ဝတ်စုံများ လှူဒါန်းသည့် အပြင် စစ်ကိုင်း၊ မင်းဝံ၊ မင်းကွန်းတောင်ရိုးတွင်ရှိသည့် သီလရှင်ကျောင်းပေါင်း ၄ဝဝကျော်ကို HIJET ကားတစ်စီး မဲဖောက်ပြီး လှူဒါန်းပေးသွားမည် ဖြစ်ကြောင်း၊အောင်ဇမ္ဗူ ဆရာတော်ဘုရားကြီး၏ မွေးနေ့အလှူတော်မင်္ဂလာ အခမ်းအနားတွင်လည်း ကားမဲဖောက်၍ လှူဒါန်းလေ့ရှိကြောင်း ၎င်းက ပြောပြသည်။

အောင်ဇမ္ဗူ သာသနာပြု အဖွဲ့ကို ၂ဝ၁၃ခုနှစ်က စတင်ဖွဲ့စည်း ခဲ့ပြီး အောင်ဇမ္ဗူ ဆရာတော်ဘုရားကြီး၏ ပါရမီ ဖြည့်ဆည်းသည့် အနေဖြင့် ဆရာတော်ဘုရားကြီးက ဦးဆောင်၍ ဆရာတော် ဘုရားကြီး၏ မွေးရပ်ဇာတိမြေ ရေဦးမြို့တွင် သံဃာဆေးရုံနှင့် ရေဦးမြို့ ပကုန်းကျေးရွာတွင် စာသင်ကျောင်း ဆောင်တို့ကို ဆောက်လုပ်လှူဒါန်း ခဲ့ကြောင်း သိရသည်။

#yadanarpondaily

ဘီပီအိုင် ဆေးဝါးစက်ရုံမှ New BPI Project အစီအစဉ်ဖြင့် ယခုဘဏ္ဍာနှစ်တွင် ငွေကျပ် ၄ဝ ဘီလီယံဖိုးထိ တိုးမြှင့် ထုတ်လုပ်သွားမည်



ရန်ကုန် ၂၆-၇-၂၀၁၇

ဘီပီအိုင် ဆေးဝါးစက်ရုံမှ New BPI Project အစီအစဉ်ဖြင့် ဆောင်ရွက်ခဲ့ရာ ယခုဘဏ္ဍာနှစ်တွင် ငွေကျပ် ၄ဝ ဘီလီယံဖိုးထိ တိုးမြှင့် ထုတ်လုပ်သွားမည် ဖြစ်ကြောင်း စက်မှုဝန်ကြီး ဌာနသတင်းများအရ သိရသည်။

ဘီပီအိုင်ဆေးဝါး စက်ရုံအနေဖြင့် စွမ်းရည် အာနိသင်ပြည့်ဝသည့် ဆေးဝါးများကို ဈေးနှုန်းချိုသာစွာဝယ်ယူ အသုံးပြုနိုင်ရေး အတွက်ဆေးဝါးများ တိုးမြှင့်ထုတ်လုပ်နိုင်ရေး ဆောင်ရွက်လျက်ရှိသည်။ ထိုသို့ဆောင်ရွက်ရာတွင် ဘီပီအိုင် ဆေးဝါးစက်ရုံမှ စက်ပစ္စည်းများနှင့် အဆောက်အအုံများမှာ လက်ရှိနိုင်ငံတကာ တွင်ကျင့်သုံးနေသည့် ဆေးဝါးထုတ်လုပ်မှု ကျင့်စဉ် (GMP) နှင့် ကိုက်ညီမှုမရှိသဖြင့် အဆောက်အအုံ အသစ်များ၊ စက်ကိရိယာအသစ်များ လဲလှယ်တပ်ဆင်ကာ ၂ဝ၁၅-၂ဝ၁၆ ဘဏ္ဍာနှစ်မှ စတင်ကာ ခေတ်မီဆေးဝါး တိုးမြှင့်ထုတ်လုပ်မှု စီမံကိန်း (New BPI Project) ကို စတင် အကောင်အထည် ဖော်ဆောင်ရွက် ခဲ့သည်။

လက်ရှိတွင် ဘီပီအိုင်ဆေးဝါး စက်ရုံမှ ထုတ်လုပ်ရောင်းချ ပေးနေသည့် ဆေးဝါးများကို ကျန်းမာရေးနှင့် အားကစားဝန်ကြီးဌာန၊ ကာကွယ်ရေး ဝန်ကြီးဌာနနှင့် အလုပ်သမား ဆေးရုံကြီးများအတွက် အမှာစာများ ရရှိထားပြီး ဖြစ်သည်။

ထို့ကြောင့် ယခုဘဏ္ဍာနှစ်တွင် ငွေကျပ် ၄ဝ ဘီလီယံဖိုးအထိ တိုးမြှင့်ထုတ်လုပ်ရန် လျာထား ဆောင်ရွက်မှုများမှ အမှာစာများအတွက် ငွေကျပ် ၂၈ဘီလီယံဖိုးခန့် ထုတ်လုပ်ကာ အများပြည်သူအား ငွေကျပ် ၁၂ဘီလီယံဖိုး ရောင်းချပေး သွားမည်ဖြစ်ကြောင်း သိရသည်။

#yadnarpondaily

အမျိုးသားပို့ကုန် မဟာဗျူဟာ (NES) ၏ ဦးစားပေးကဏ္ဍတွင် ဟင်းသီးဟင်းရွက် ကဏ္ဍထည့်သွင်းနိုင်ရေး ညှိနှိုင်းစည်းဝေး



နေပြည်တော် ၂၆-၇-၂၀၁၇

အမျိုးသားပို့ကုန် မဟာဗျူဟာ (NES) ၏ ဦးစားပေးကဏ္ဍတွင် သစ်သီးဝလံနှင့် ဟင်းသီးဟင်းရွက်ကဏ္ဍကို ဦးစားပေးကဏ္ဍ၌ ထည့်သွင်းနိုင်ရေးအတွက် ညှိနှိုင်းအစည်းအဝေး ကျင်းပပြုလုပ်ခဲ့ကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာန သတင်းများအရ သိရသည်။

အဆိုပါ ညှိနှိုင်းအစည်းအဝေးကို ဇူလိုင်၂၄ရက်က ရန်ကုန်မြို့ရှိ ကုန်သွယ်မှုဗဟိုဌာန အစည်းအဝေးခန်းမ၌ ကျင်းပပြုလုပ်ခဲ့ခြင်း ဖြစ်သည်။ စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန အနေဖြင့် နိုင်ငံတော်၏ စီးပွားရေးဖွံ့ ဖြိုးတိုးတက်လာစေရန် အမျိုးသားပို့ကုန် မဟာဗျူဟာ (NES) ကို အကောင်အထည်ဖော် ဆောင်ရွက် လျက်ရှိသည်။ အဆိုပါအမျိုးသား ပို့ကုန်မဟာဗျူဟာ (NES) ၏ ဦးစားပေးကဏ္ဍတွင် သစ်သီးဝလံနှင့် ဟင်းသီးဟင်းရွက် ကဏ္ဍကို ဦးစားပေး ကဏ္ဍတွင် ထည့်သွင်းရန် ဆောင်ရွက်သွားမည် ဖြစ်သည်။

ထို့ကြောင့် စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီး ဌာနအနေဖြင့် သီးနှံစိုက်ပျိုးထုတ်လုပ်မှု တိုးတက်ရေးနှင့် အရည်အသွေး ကောင်းသီးနှံများ ထုတ်လုပ်နိုင်ရေး အတွက် မျိုးကောင်းမျိုးသန့် မျိုးစေ့ထုတ်လုပ်နိုင်ရေး ဆောင်ရွက်ရာတွင် နိုင်ငံတော်ပိုင်ခြံ၊ စိုက်ကွင်းများမှ ထုတ်လုပ်ခြင်း၊ နိုင်ငံတော်ပိုင်ခြံ၊ စိုက်ကွင်းများနှင့် ပုဂ္ဂလိကလုပ်ငန်းရှင် များပူးပေါင်း၍ မျိုးစေ့ထုတ်လုပ်ခြင်း၊ တောင်သူအစု အဖွဲ့အလိုက် မျိုးစေ့ထုတ်အသင်းများထူထောင်၍ မျိုးစေ့ထုတ်လုပ်ခြင်း၊ နည်းလမ်းများဖြင့် ဆောင်ရွက်သွား မည်ဖြစ်ကြောင်း သိရသည်။

သစ်သီးဝလံနှင့် ဟင်းသီးဟင်းရွက် ကဏ္ဍသည် နိုင်ငံတော်စီးပွား ဖွံ့ဖြိုးတိုးတက်ရေးအတွက် အားထားရသည့် အနေအထားတွင် ရှိနေသည်။ ထို့ကြောင့် မြန်မာ့သစ်သီးဝလံ နှင့်ဟင်းသီးဟင်းရွက်များကို ပြည်ပသို့ တိုးမြှင့်တင်ပို့ နိုင်ရေးနှင့် စိုက်ပျိုးသူ တောင်သူများ၏ လူမှုစီးပွားဘဝများ ဖွံ့ဖြိုးတိုးတက် လာစေရေးအတွက် ဆောင်ရွက်လျက်ရှိကြောင်း သိရသည်။

#yadnarpondaily

ရေတာရှည်မြို့နယ်တွင် တရားမဝင် ကျွန်းတံခါးရွက်များနှင့် ခွဲသားများဖမ်းဆီးရမိ



ရေတာရှည် ၂၆-၇-၂၀၁၇

ပဲခူးတိုင်းဒေသကြီး ရေတာရှည်မြို့နယ် သာဂရကျေးရွာအုပ်စု ဈေးတန်းရပ်ကွက်တွင် ဇူလိုင် ၂၄ ရက် မွန်းလွဲ ၁ နာရီ မိနစ် ၃ဝ ခန့်က မြို့နယ်သစ်တော ဦးစီးဌာနနှင့် သစ်တောလုံခြုံရေး အဖွဲ့ဝင်များက သတင်းအရ ဝင်ရောက် ရှာဖွေခဲ့ရာ တရားမဝင် ကျွန်းတံခါးရွက်များနှင့် ကျွန်းခွဲသားများ ဖမ်းဆီးရမိခဲ့ကြောင်း သိရသည်။

မြို့နယ်သစ်တော ဦးစီးအရာရှိ ဦးကျော်ဆန်းမိုးနှင့် ဝန်ထမ်းများ၊ သစ်တောလုံခြုံရေးအဖွဲ့မှ ဒုတိယရဲအုပ် လင်းလင်းထွန်း ဦးစီးအဖွဲ့ တို့ပါဝင်သော ပူးပေါင်းအဖွဲ့သည် အသိသက်သေများနှင့်အတူ သာဂရမြို့ ရန်ကုန်- မန္တလေး ရထားလမ်း အရှေ့ဘက်ဈေးတန်း ရပ်ကွက်ရှိ နေလင်း၏နေအိမ်ကို ဝင်ရောက်ရှာဖွေခဲ့ရာ နေအိမ်အနောက်ဘက် စပါးကျီအတွင်း သိမ်းဆည်းထားသည့် ကျွန်းတံခါးချပ် ၂၈ ချပ်၊ ကျွန်းခွဲသားအရွယ်စုံ ၄၂၁ ချပ်၊ရွေပေါ်ထိုး စက်သုံးလုံး၊ ဒိုင်းလွှသုံးချောင်း၊ သစ်သားဆွဲညှပ်သည့် သံကိုက်တစ်ချောင်း၊ ၎င်းနေအိမ် အနောက်ဘက်ကပ်လျက် နွားတင်းကုတ်အတွင်း နွားစာများအောက်၌ ဝှက်ထားသော ကျွန်းတံခါးရွက် အရွယ်စုံ ၉၆ ချပ် စုစုပေါင်း ၁ဒသမ ၅၈ဝ၂တန်ကိုလည်းကောင်း၊ အဆိုပါ နေ့ညနေ ၅ နာရီ မိနစ်၃ဝ ခန့်တွင် တစ်ရပ်ကွက်တည်းနေ ဇော်မိုး၏ နေအိမ်အောက်ထပ် မီးဖိုခန်းနှင့် ကပ်လျက်အခန်း အတွင်းဝှက်ထားသည့် ကျွန်းတံခါးရွက်အရွယ်စုံ၁၃၆ ချပ်၊ ကျွန်းပျဉ်ခွဲသား ၃၉၇ ချောင်း စုစုပေါင်း ၁ ဒသမ ၃၉ဝ၆ တန်တို့ကိုလည်းကောင်း သိမ်းဆည်းရမိခဲ့၍ မြို့နယ်သစ်တောဦးစီးဌာနမှ ဥပဒေနှင့်အညီ အမှုဖွင့်အရေးယူနိုင်ရန် ဆောင်ရွက်လျက် ရှိကြောင်း သတင်းရရှိသည်။

#yadnarpondaily

မန္တလေးတိုင်းဒေသကြီး တံတားဦးမြို့နယ် ရန်ကုန်-မန္တလေး အမြန်လမ်းမကြီးတွင် ငါးများတင်လာသည့် ကုန်တင်ယာဉ်တစ်စီး ကားဘီးပေါက်၍ တိမ်းမှောက်



တံတားဦး ၂၆-၇-၂၀၁၇

ရန်ကုန်-မန္တလေး အမြန်လမ်းမကြီးတွင် ယနေ့နံနက်ပိုင်း၌ ငါးများ တင်ဆောင်လာသည့် ကုန်တင်ယာဉ်တစ်စီး ဘီးပေါက်၍ တိမ်းမှောက်မှု ဖြစ်ပွားခဲ့ကြောင်း စကားအင်း အမြန်လမ်းမကြီးရဲစခန်းမှ သိရသည်။

တံတားဦးမြို့နယ် စကားအင်း အမြန်လမ်းမကြီး ရဲစခန်းအပိုင် ရန်ကုန်-မန္တလေး အမြန်လမ်း မိုင်တိုင်အမှတ် ၃၅၇/၄ နှင့် ၃၅၇/၅ ကြား၌ ယနေ့ နံနက် ၈ နာရီခန့်က နေပြည်တော်မှ မန္တလေးဘက်သို့ မောင်းနှင်လာသည့် ယာဉ်အမှတ် ၈/----အဖြူရောင်ကုန်တင်ယာဉ် (လမ်းအသုံးပြုခွင့် ကတ်အမှတ် ဝ၂၂၆) မှာ ငါးများတင်ဆောင် မောင်းနှင်လာစဉ် ဝဲဘက်နောက် ဘီးပေါက်၍ အရှိန်မထိန်းနိုင်ဘဲ လမ်းမပေါ်၌ တိမ်းမှောက်ခဲ့ကြောင်း သိရသည်။

ယာဉ်တိမ်းမှောက် မှုကြောင့် ယာဉ်ပေါ်ပါရှိသူ ယာဉ်မောင်းပါ အမျိုးသားနှစ်ဦးမှာ ထိခိုက်ဒဏ်ရာ ရရှိမှုမရှိခဲ့ဘဲ ခြောက်ဘီး ကုန်တင်ယာဉ်မှာ ရှေ့လေကာမှန်ကွဲ၊ ဝဲဘက်ဘေး တံခါးမှန်ကွဲ၊ ဝဲဘက်နောက်ကြည့် မှန်ကွဲခန့်မှန်း တန်ဖိုးငွေကျပ် ငါးသိန်းခန့် ပျက်စီးဆုံးရှုံး ခဲ့ကြောင်း သိရသည်။

ယာဉ်တိမ်းမှောက်မှုနှင့် ပတ်သက်၍ ယာဉ်ကို မဆင်မခြင် မောင်းနှင်သူ ယာဉ်မောင်းအောင်ကျော် မင်းကို စကားအင်းအမြန်လမ်းမ ကြီးရဲစခန်းကယာဉ် (ပ)၂၁/၂ဝ၁၇၊ ရာဇသတ်ကြီးပုဒ်မ-၂၇၉အရ အမှုဖွင့်အရေးယူ ထားကြောင်း သတင်း ရရှိသည်။

#yadnarpondaily

ပုဂံရှေးဟောင်း ယဉ်ကျေးမှုနယ်မြေ၌ အရိပ်ရသစ်ပင်ကြီးများ အောက်တွင် မြန်မာ့ရိုးရာ ရုပ်စုံရောင်းချသူများ ယခုနှစ်တွင် ပိုမိုများပြားလာ



ညောင်ဦး ၂၆-၇-၂၀၁၇

တစ်ပိုင်တစ်နိုင် လုပ်ကိုင်ရောင်းချ နေသော ညောင်ဦးမြို့နယ် ပုဂံဒေသပြည်သူများ အနေဖြင့် ပုဂံရှေးဟောင်းယဉ်ကျေးမှု နယ်မြေ၌ အရိပ်ရသစ်ပင် ကြီးများအောက်တွင် မြန်မာမှုလက်ရာ များဖြစ်သော မြန်မာ့ရိုးရာရုပ်စုံ ရောင်းချသူများမှာ ယခုနှစ်တွင် ပိုမိုများပြားလာကြောင်း ပုဂံမြို့သစ် မြန်မာ့ ရိုးရာရုပ်စုံ ရောင်းချသူများထံမှ သိရသည်။

ပုဂံဒေသ ထွက်လက်ရာဖြစ်သော ဇော်ဂျီရုပ်၊ ရုပ်သေးရုပ်၊ မင်းသားရုပ်၊ မင်းသမီးရုပ်၊ ဆင်ရုပ်၊ မြင်းရုပ်၊ ဘီလူးရုပ် စသော မြန်မာ့ရိုးရာရုပ်စုံများကို အိမ်ဆိုင်၊ စတိုးဆိုင်ကြီးများတွင် တင်ပြရောင်းချ လျက်ရှိသော်လည်း ယခုအခါ အဆိုပါဆိုင်များတွင် ရောင်းချသည့်အပြင် ပုဂံဒေသအထင်ကရ စေတီများအနီးတွင် အရိပ်ရသစ်ပင်ကြီး များအောက်၌ ဒေသခံပြည်သူများက ကိုယ်တိုင်လုပ်၍ လည်းကောင်း၊ ဆိုင်ကြီးများမှ ဖောက်သည်ယူ၍လည်းကောင်းအဆိုပါရုပ်စုံများကို သစ်ပင်ကြီးများတွင် ကြိုးရှည်ရှည်ဖြင့် ချိတ်ဆွဲ၍ ပြသရောင်းချ လျက်ရှိကြောင်း သိရသည်။

''ဒီလိုရောင်းချနေတာကို သက်ဆိုင်ရာ ဌာနအဖွဲ့အစည်း တွေကတော့ အထူးပိတ်ပင်မှု မရှိသေးပါဘူး။ ဒီလုပ်ငန်းက တစ်ပိုင်တစ်နိုင် လုပ်ငန်းဖြစ်ပြီး ပြည်တွင်း၊ ပြည်ပခရီးသွားတွေ အတွက်လဲ ဆွဲဆောင်မှုဖြစ်တဲ့ လုပ်ငန်းလဲ ဖြစ်ပါတယ်။ ဒီလိုရောင်းချ တာဟာ ရှေးဟောင်းစေတီ အဆောက်အအုံ ကိုလဲ ကွယ်တာ၊ ဖုံးတာမရှိပါဘူး။ ဒီလိုရောင်းချတဲ့ နေရာတွေဆိုရင် သန့်ရှင်းရေး အထူးလုပ်ရတဲ့အတွက် နယ်မြေသန့်ရှင်းမှုကိုလဲ အထူးဖြစ်စေပါတယ်''ဟု မြန်မာ့ရိုးရာ ရုပ်စုံရောင်းချသူ ဦးတင်လင်းအောင်က ပြောပြသည်။

လက်ရှိပုဂံရှေး ဟောင်းနယ်မြေအတွင်း၌ အရိပ်ရသစ်ပင်ကြီးများ အောက်တွင် ရုပ်စုံရောင်းချသည့် နေရာမှာ ၃ဝ ခန့်ရှိနေပြီး ၂ဝ၁၆ ခုနှစ် နောက်ပိုင်းမှစ၍ ၎င်းစနစ်ဖြင့် ရောင်းချသူများ ပိုမိုများပြားလာကြောင်း၊ ထိုသို့ရောင်းချ ခြင်းဖြင့် ခရီးသွားလုပ်ငန်းတွင် ဆွဲဆောင်မှု တစ်ရပ်ဖြစ်စေကြောင်း၊ ပြည်တွင်း၊ ပြည်ပခရီးသွား ဧည့်သည်များ၏ လုံခြုံရေးကိုလည်း အထောက်အကူ ဖြစ်စေကြောင်း၊ ပုဂံဒေသခံ ပြည်သူများအတွက် အလုပ်အကိုင်အခွင့် အလမ်းများလည်း ရရှိစေကြောင်း ၎င်းက ဆက်လက်ပြောပြ၍ သိရသည်။

#yadnarpondaily
Related Posts Plugin for WordPress, Blogger...