စစ်တွေမြို့နယ်အတွင်း ငွေကျပ်သိန်းပေါင်း တစ်သောင်းရှစ်ထောင်ကျော် တန်ဖိုးရှိ မူးယစ်ဆေးဝါးများ သယ်ဆောင်လာသူအား ဖမ်းဆီးရမိ

-

နေပြည်တော်  နိုဝင်ဘာ ၁၉

-

ရခိုင်ပြည်နယ် စစ်တွေမြို့နယ် ရေချမ်းပြင်ဆိပ်ကမ်းမှ အငူမော်ဆိပ်ကမ်းသို့ ထွက်ခွာမည့် ဇက်ရေယာဉ်အား ယနေ့နံနက် ၇ နာရီခွဲခန့်တွင် လုံခြုံရေး တပ်ဖွဲ့ဝင်များက သတင်းအရ စစ်ဆေးရှာဖွေရာ ၎င်းဇက်ရေယာဉ်ပေါ်တွင် တင်ဆောင်ထားသည့် ကားခုနစ်စီးအနက် ကျော်နိုင်(ဘ) ဦးမောင်ကျော်လှ  မောင်းနှင်လာသည့် KLUGER အမျိုးအစား မော်တော်ယာဉ် အမှတ်၊ YGN-2H/-----၏ နောက်ခန်းအတွင်းမှ R  တံဆိပ်ပါ   လိမ္မော်ရောင်စိတ်ကြွ ရူးသွပ်ဆေးပြား ၆၂ဝဝဝဝ ပြား   (ခန့်မှန်းတန်ဖိုးငွေ ကျပ်သိန်းပေါင်း တစ်သောင်းရှစ်ထောင်ကျော်)နှင့်အတူ ဖမ်းဆီးရမိခဲ့သည်။

-

-

အဆိုပါမော်တော်ယာဉ်၊ မူးယစ်ဆေးဝါးများနှင့် အတူ ဖမ်းဆီးရမိသူအား စစ်တွေမြို့မ ရဲစခန်း၌ တရားဥပဒေအရ အမှုဖွင့် အရေးယူ ဆောင်ရွက်လျက် ရှိကြောင်း  သတင်း ရရှိသည်။

-

(၁ဝဝ)

-

#မြ၀တီနေ့စဉ်သတင်းစာ