မန္တလေး ၁၇-၉-၂၀၁၈
မန္တလေးမြို့ မဟာမုနိ ရုပ်ရှင်တော်မြတ်ရှိ အရှေ့ ၄၅ တာယာဉ်ရပ်နား စခန်းကို ကိုယ်တိုင်လက်မှတ် ဖြတ်၍ယာဉ်နှင့် ယာဉ်မောင်းကို Scan ဖတ်၍ မှတ်တမ်းတင်သည့် စနစ်ဖြင့် လာမည့်နိုဝင်ဘာလတွင် စတင်
ဆောင်ရွက်သွားမည် ဖြစ်ကြောင်း မဟာမုနိဘုရားကြီး ဂေါပကအဖွဲ့မှ သိရသည်။
ဘုရားကြီးရှိ အရှေ့ ၄၅ တာယာဉ်ရပ်နား စခန်းကို ယာဉ်ရပ်နား ရန်နေရာများ၊ လမ်းများကို အဆင့်မြှင့်တင်ပြီး ဖြစ်သည့်အတွက် ယာဉ်ရပ်နား စခန်းရပ်နားခကို ကိုယ်တိုင်ယူကတ်စနစ်ဖြင့် စတင်ဆောင်ရွက်မည်ဖြစ်ပြီး တိုင်းတာတပ်ဆင် ရေးလုပ်ငန်းများ စတင်ဆောင်ရွက် နေပြီဖြစ်ကြောင်း အဆိုပါ ဂေါပကအဖွဲ့အတွင်းရေးမှူး ဦးကျော်ကျော်ဦးက ပြောပြသည်။
"တပ်ဆင်မယ့်အဖွဲ့နဲ့ စာချုပ်ချုပ်ပြီးသွားပြီ။ အဝင်၊အထွက်သုံးနေရာ တပ်ဆင်မယ်။ ယာဉ်နားချင်ရင် အဝင်မှာ ကတ်ထုတ်ပေးမယ်။ လူနဲ့ကားနဲ့ကို အတူတွဲပြီး Scan ဖတ်မှတ်တမ်းယူမယ်။ ပြန်ထွက်ချင်ရင် ကတ်နဲ့ပဲ
ရပ်နားခရှင်းမယ်။ မှတ်တမ်းတင် ထားတဲ့လူနဲ့ မဟုတ်ရင် ပြန်ထွက်လို့မရဘူး။ အားလုံးကို စက်နဲ့ပဲလုပ် သွားမှာပါ။ ဒါကိုလဲ ဂေါပကရုံးခန်းကနေ Control လုပ်လို့ရပါတယ်"ဟု ၎င်းက ပြောပြသည်။
ယာဉ်ရပ်နားစခန်း မှတ်တမ်းတင် ငွေကောက်ခံစနစ်ကို ၄၅ တာကွင်းအရှေ့ဘက်တွင် နှစ်ပေါက်၊အနောက်ဘက် နာရီစင်ဘက်တွင် တစ်ပေါက် စုစုပေါင်း သုံးနေရာတွင် တပ်ဆင်မည်ဖြစ်ပြီး စုစုပေါင်း တပ်ဆင်ခငွေကျပ်သိန်း တစ်ထောင်ခန့် ကုန်ကျမည်ဖြစ်ကြောင်း အဆိုပါ ဘုရားဂေါပကအဖွဲ့မှ သိရသည်။
လက်ရှိဘုရားကြီးတွင် အနောက်ဘက် ၄၅တာကွင်း၌ အဆင့်မြင့် ယာဉ်ရပ်နားစခန်းတစ်ကို ထပ်မံတည်ဆောက်လျက်ရှိပြီး မဟာမုနိဘုရားကြီး မဟာရံတံတိုင်းသုံးထပ် အတွင်းနယ်မြေကို ရှေးဟောင်းယဉ်ကျေးမှု သာသနာ့နယ်မြေ ဖြစ်ရန်အတွက် လက်ရှိဂေါပက လက်ထက်အတွင်း အကောင်အထည် ဖော်ဆောင်ရွက်နေကာ ဘက်စုံပြုပြင်သည့် လုပ်ငန်းပေါင်း ၂၅ခုထိ ဆောင်ရွက်လျက်ရှိကြောင်း သိရသည်။
# မြဝတီနေ့စဉ်သတင်းစာ
No comments:
Post a Comment