ဘားအံအကျဉ်းထောင်မှ ထွက်ပြေးလွတ်မြောက်နေသည့် အကျဉ်းသား ၄၁ ဦးအနက် ဦးဆောင်သူအပါအဝင် ၁၃ဦး ပြန်လည်ဖမ်းဆီးရမိ

ဘားအံ ၁၇-၉-၂၀၁၈

ကရင်ပြည်နယ် ဘားအံ အကျဉ်းထောင်တွင် ယနေ့နံနက်ပိုင်းက အကျဉ်းထောင် ဝန်ထမ်းယာဉ်မောင်းကို ထိုးကြိတ်ပြီး ယာဉ်ကိုလုယူ၍ အကျဉ်းထောင် တံခါးလေးခုကို တိုက်ဖျက်ကာ ထွက်ပြေးလွတ်မြောက် သွားခဲ့သည့် အကျဉ်းသား ၄၁ဦးအနက် ဦးဆောင်သူအပါအဝင် ၁၃ဦးကို ပြန်လည် ဖမ်းဆီးရမိခဲ့ပြီး ယူဆောင်မောင်းနှင် သွားသည့် ယာဉ်ကိုလည်း ပြန်လည်သိမ်းဆည်း ရမိခဲ့ကြောင်း သိရသည်။

ယနေ့နံနက် ၈နာရီ မိနစ် ၄ဝခန့်က ဘားအံအကျဉ်းထောင် ဓမ္မာရုံအနီး စိုက်ခင်းအတွင်း အကျဉ်းသားများဖြင့် ရှင်းလင်း၍ စုပုံထားသော အမှိုက်များကို အကျဉ်းထောင်ဝန်ထမ်း ဒုတိယတပ်ကြပ် ကျော်ဝင်းစိန်က 7N/----Mazda Titan အပြာရောင်ယာဉ်ဖြင့် သွားရောက်စွန့်ပစ်ရန် ထွက်ခွာမည့်အချိန်တွင် ထောင်ဒဏ်လွတ်ရက်မရှိ ပြစ်ဒဏ်ကျခံ နေရသည့် ထောင်ဝင်အမှတ် ဖအ/၁၅/ဝဝ၃၃ဝ/က အကျဉ်းသားကျော်မိန်လ(ခ)အရှောင်(ခ)ကျော်ဖကုလား(ခ)မိန်လှ ၃၃နှစ်က ထောင်ဝန်ထမ်း ယာဉ်မောင်းဖြစ်သူကို ယာဉ်ပေါ်မှ ဆွဲချပြီး ထိုးကြိတ်၍ ယာဉ်ကိုမောင်းနှင်ကာ ထောင်တံခါးလေးဆင့်ကို တိုက်ဖွင့်မောင်းနှင်ပြီး ဘားအံ-လှိုင်းဘွဲလမ်းအတိုင်း မောင်းနှင်ထွက်ပြေး သွားရာအဆိုပါ ယာဉ်ပေါ်တွင် အကျဉ်းသားများ လိုက်ပါသွားသဖြင့် စုစုပေါင်း အကျဉ်းသား ၄၁ဦး ထွက်ပြေးလွတ်မြောက် သွားကြောင်း သိရသည်။

အခင်းဖြစ်နေရာသို့ နယ်မြေခံတပ်မှ တပ်မတော်သားများ၊ ကရင်ပြည်နယ် ရဲတပ်ဖွဲ့မှူး ရဲမှူးကြီး အောင်မြတ်မိုးနှင့် ဒုတိယပြည်နယ် ရဲတပ်ဖွဲ့မှူး ဒုတိယရဲမှူးကြီး ကံဝင်းတို့ ကြီးကြပ်ကွပ်ကဲသည့် ရဲတပ်ဖွဲ့ဝင်များနှင့် အကျဉ်းဦးစီးဌာန (ဘားအံ) ဒုတိယညွှန်ကြားရေးမှူး ဦးခင်မောင်ဝင်းနှင့် အကျဉ်းထောင်တာဝန်ခံ လက်ထောက် ညွှန်ကြားရေးမှူး ဦးအေးသန်းတို့ ကြီးကြပ်ကွပ်ကဲသည့် အကျဉ်းထောင် ဝန်ထမ်းများ ပူးပေါင်းကာ အကျဉ်းထောင်လုံခြုံရေး တာဝန်ကို ဆောင်ရွက်ခဲ့ပြီး ခရိုင်ရဲတပ်ဖွဲ့မှူးနှင့် မြို့နယ်ရဲတပ်ဖွဲ့မှူး၊ မြို့မရဲစခန်းမှူးတို့ ကြီးကြပ်ကွပ်ကဲသည့် ပူးပေါင်း အဖွဲ့များက အကျဉ်းသားများ ထွက်ပြေးရာ လမ်းကြောင်း တစ်လျှောက် လိုက်လံရှာဖွေ ပိတ်ဆို့ခြင်း၊ ကရင်ပြည်နယ် အတွင်းမှ လမ်းတံတားများတွင် လုံခြုံရေးဆောင်ရွက် နေသည့် ရဲတပ်ဖွဲ့ဝင်များ၊ နယ်မြေခံရဲစခန်းများမှ ရဲတပ်ဖွဲ့ဝင်များနှင့် နယ်မြေခံတပ်မတော်သား များပါဝင်သော ပူးပေါင်း အဖွဲ့များဖြင့် ပိတ်ဆို့ကာ ရှာဖွေ စစ်ဆေးခြင်းများ ဆောင်ရွက်ခဲ့ရာ နေ့လယ်ပိုင်းတွင် မောင်းနှင်ထွက်ပြေး သွားသည့်ယာဉ်ကို လှိုင်းဘွဲမြို့နယ် ရွာသာအေးကျေးရွာနှင့် သပုထိုကျေးရွာကြား ဆည်မြောင်း တာပေါင်လမ်းတွင် ဗွက်နစ်လျက် ပြန်လည်တွေ့ရှိသဖြင့် ထွက်ပြေး လွတ်မြောက်နေသည့် အကျဉ်းသား ၄၁ဦးကို ပိတ်ဆို့ဖမ်းဆီးရမိရေး အခြားတိုင်းဒေသကြီးနှင့် ပြည်နယ်များသို့လည်း ချိတ်ဆက်ဆောင်ရွက် ခဲ့သည်။

ထိုသို့ ပိတ်ဆို့ရှာဖွေ စစ်ဆေးခြင်းများကို ကွက်ပြည့်နင်း ဆောင်ရွက်ခဲ့သဖြင့် ယနေ့မွန်းလွဲ ၁၂နာရီ ၄၅မိနစ်တွင် ရဲအုပ်လှဟန် ဦးစီးအဖွဲ့က ဝတုတ် (ခ) စည်သူကျော်၊ စောကျော်ပိ၊ရဲနောင်ဖြိုး (ခ) သဲမောင်တို့သုံးဦးကိုဘားအံမြို့နယ် မိဇံကျေးရွာဇရပ်တွင်လည်းကောင်း၊ ညနေ ၄နာရီတွင် ရဲတပ်ကြပ် အောင်မျိုးသူနှင့်အဖွဲ့က စောထူး(ခ)ဗီလားကို ဘားအံမြို့မဲဘောင်ဈေးရှိ လက်ဖက်ရည်ဆိုင် တစ်ဆိုင်တွင် လည်းကောင်း၊ ညနေ ၄နာရီ မိနစ်၎ဝတွင် ရဲမှူးကြီး တင်ဦး ဦးစီးအဖွဲ့က ထွန်းထွန်းသန်း(ခ)ကိုနေ ကိုလည်းကောင်း၊ ညနေ ၄နာရီ မိနစ် ၅ဝတွင် ဝဏ္ဏ(ခ)ဖြိုးတေဇတို့ နှစ်ဦးကို ဘားအံမြို့နယ် နောင်ပလိန်ကျေးရွာ တွင်လည်းကောင်း၊ ညနေ၅နာရီတွင် ရဲအုပ်သန်းဇော်မြင့် ဦးစီးအဖွဲ့က ဝင်းအောင်(ခ)မိုးဒီကို ဘားအံမြို့နယ် ကော့လှိုက်ကျေးရွာတွင် လည်းကောင်း၊ ညနေ ၅နာရီ ၅မိနစ်တွင် ရဲမှူးကြီးတင်ဦး ဦးစီးအဖွဲ့က ပြည်ဟိန်း ကို ဘားအံမြို့နယ် နောင်ပလိန်ကျေးရွာ တွင်လည်းကောင်း၊ ညနေ ၆နာရီ မိနစ် ၂ဝတွင် ရဲအုပ်ကြည်တိုး ဦးစီးအဖွဲ့က အောင်ဝင်းနှင့်ထွန်းထွန်းဦး တို့နှစ်ဦးကို ဘားအံမြို့နယ် တဝန်ဖန်ရလယ်ကွင်း ထဲမှလည်းကောင်း၊ ညနေ ၆နာရီ မိနစ်၅ဝတွင် နယ်မြေခံ တပ်မတော်သားများနှင့် ရဲတပ်ဖွဲ့ဝင်များ ပါဝင်သော ပူးပေါင်းအဖွဲ့က ပြည့်ဖြိုးအောင်၊ ကျော်မြင့်၊ ကျော်မိန်လ(ခ)အရှောင်(ခ) ကျော်ဖကုလား (ခ) မိန်လှတို့သုံးဦးကို ရေဘုတ်ဆည်တွင် လည်းကောင်း အသီးသီးဖမ်းဆီး ရမိခဲ့သဖြင့် ထွက်ပြေးလွတ်မြောက် နေသည့် အကျဉ်းသား ၄၁ ဦးအနက် ၁၃ဦးကို ပြန်လည်ဖမ်းဆီး ရမိပြီဖြစ်ကြောင်း သိရသည်။

ဘားအံအကျဉ်းထောင်မှ ထွက်ပြေး လွတ်မြောက်သွားသည့် အကျဉ်းသား ၄၁ဦးတွင် အပြစ်ကျတရားခံ ၂၉ဦး၊ အမှုစစ်ဆေးဆဲ အချုပ်တရားခံ ၁၂ ဦးပါဝင်ကြောင်း၊ ဦးဆောင်ထွက်ပြေးသူ ကျော်မိန်လ(ခ)အရှောင်(ခ)ကျော်ဖကုလား(ခ)မိန်လှမှာ မူးယစ်ပုဒ်မ ၁၉(က)/၂၂(ခ)ဖြင့် ထောင်ဒဏ်နှစ် အကန့်အသတ်မရှိ၊ မူး/စိတ်ပုဒ်မ ၁၅ ဖြင့် ထောင်ဒဏ်လေးနှစ်၊ မူး/စိတ်ပုဒ်မ ၁၉(က)/၂၂(ခ)နှင့် ထောင်ဒဏ်နှစ်အကန့်အသတ် မရှိတို့အပြင် ပြစ်မှုဆိုင်ရာ ဥပဒေပုဒ်မ ၃ဝ၂(၁)(ဂ)ဖြင့် ထောင်တစ်သက်တစ်ကျွန်း၊ ပြစ်မှုဆိုင်ရာ ဥပဒေပုဒ်မ ၃၂၆ဖြင့် ထောင်ဒဏ် ဆယ်နှစ်တို့ အသီးသီးပြစ်ဒဏ် ကျခံနေရပြီး လွတ်ရက်မရှိ ပြစ်ဒဏ်ကျခံ နေရသူဖြစ်ကာ ဘားအံမြို့နယ် ကော့စိန်ဘန်အောက် ကျေးရွာအုပ်စု ရွှေပြည်ထောင် ကျေးရွာတွင် နေထိုင်ခဲ့သူဖြစ်ပြီး ၂ဝ၁၅ခုနှစ် ဇန်နဝါရီလ ၁ရက်က ၎င်း၏နေအိမ်မှ WY စိတ်ကြွဆေးပြား ရှစ်ထောင်၊ ခြောက်လုံးပြူးဆုံလည် သေနတ်တစ်လက်နှင့် ၎င်းကျည် ငါးတောင့်တွေ့ရှိမှု၊ ပွိုင့်၂၂ ပြောင်းရှည် သေနတ်တစ်လက် ၎င်းကျည် နှစ်တောင့်တွေ့ရှိမှု၊ ကိုးလုံးကျည် သေနတ်တစ်လက်၊ ၎င်းကျည် နှစ်တောင့်ကိုင်ဆောင်၍ မူးယစ်ဆေးဝါးသုံးစွဲ ရောင်းချဖြန့်ဖြူး ခဲ့မှုတို့ဖြင့် လည်းကောင်း၊ အမျိုးသားနှစ်ဦးကို ကားဖြင့်ခေါ်ဆောင်လာပြီး သေနတ်ဖြင့် ပစ်ခတ်ကာ သေပြီအထင်ဖြင့် ရေမြောင်းအတွင်း ပစ်ထားခဲ့စဉ်တစ်ဦးမှာ အချိန်မီဆေးရုံတင်ပို့ နိုင်ခဲ့သဖြင့် အသက်မသေဘဲ ကျန်တစ်ဦးမှာ အခင်းဖြစ်နေရာ၌ပင် သေဆုံးသွားသည့် ဖြစ်စဉ်ကို ကျူးလွန်ခဲ့၍ လည်းကောင်း ယခုကဲ့သို့ ထောင်ဒဏ်လွတ်ရက်မရှိ ပြစ်ဒဏ်ကျခံရခြင်း ဖြစ်ကြောင်း အကျဉ်းဦးစီး ဌာနက ရဲတပ်ဖွဲ့သို့ အကြောင်းကြား ပေးပို့ထားသည့် ထွက်ပြေးလွတ်မြောက် သွားသော အကျဉ်းသားများစာရင်းတွင် အမှုဖြစ်စဉ်အကျဉ်း ထည့်သွင်းဖော်ပြချက်အရ သိရသည်။

# မြဝတီနေ့စဉ်သတင်းစာ