မဟာဝိနယာလင်္ကာရကျောင်းတိုက် ဆရာတော်ထံမှ ရန်ကုန်တိုင်းစစ်ဌာနချုပ် တိုင်းမှူး ဗိုလ်ချုပ်သက်ပုံနှင့် တက်ရောက်လာကြသူများက ရှစ်ပါးသီလခံယူဆောက်တည်ကြစဉ်။
ဆရာတော်ထံ ရန်ကုန်တိုင်းစစ်ဌာနချုပ် တိုင်းမှူး ဗိုလ်ချုပ်သက်ပုံ ဝါဆိုသင်္ကန်းဆက်ကပ် လှူဒါန်းစဉ်။
နေပြည်တော် ၂၇-၈-၂ဝ၁၈
ရန်ကုန်တိုင်းဒေသကြီး၊ မရမ်းကုန်းမြို့နယ်၊အမှတ် (၂) ရပ်ကွက်ရှိ ချမ်းမြေ့ဂုဏ်ဝေပရိယတ္တိ စာသင်တိုက်၌ မေတ္တသုတ်ပရိတ်တော် ရွတ်ဖတ်ပူဇော်ပွဲအောင်ပွဲကို ယနေ့နံနက်ပိုင်းတွင်ပြုလုပ်ရာ ဒဂုံမြို့သစ်(ဆိပ်ကမ်း)မြို့နယ်၊မဟာဝိနယာလင်္ကာရကျောင်းတိုက်၏ ပဓာနနာယကဆရာတော်မဟာဂန္ထ၀ါစကပဏ္ဍိတဘဒ္ဒန္တ၀ိနယာ လင်္ကာရအမှူးပြုသော သံဃာတော်များကြွရောက်တော်မူကြပြီး သီလရှင်ဆရာကြီး၊ ဆရာလေးများ၊ ရန်ကုန်တိုင်းစစ်ဌာနချုပ် တိုင်းမှူး ဗိုလ်ချုပ်သက်ပုံနှင့် အဖွဲ့ဝင်များ၊ ဖိတ်ကြားထားသူများ တက်ရောက်ကြသည်။
ဦးစွာ တိုင်းမှူးနှင့်တက်ရောက် လာကြသူများက မဟာဝိနယာ လင်္ကာရကျောင်းတိုက် ဆရာတော်ထံမှ ရှစ်ပါးသီလခံယူ ဆောက်တည်ကြပြီး သံဃာတော်များ ရွတ်ပွားသရဇ္ဈာယ်သော မေတ္တသုတ်ပရိတ် တရားတော်များကို နာယူကြသည်။ ထို့နောက်တိုင်းမှူးနှင့် အဖွဲ့ဝင်များက သံဃာတော်များအား ၀ါဆိုသင်္ကန်းနှင့် လှူဖွယ်ပစ္စည်းများ၊ အဆိုပါစာသင်တိုက်မှ စာချစာသင်သီလရှင်ဆရာကြီး၊ ဆရာလေး ၂၇၀ ပါးတို့အား ၀ါဆိုဝတ်စုံနှင့် လှူဖွယ်ပစ္စည်းများ ဆက်ကပ်လှူဒါန်း ကြသည်။
အဆိုပါမေတ္တသုတ်ပရိတ်တော် ရွတ်ဖတ်ပူဇော်ပွဲကို ချမ်းမြေ့ဂုဏ်ဝေပရိယတ္တိ စာသင်တိုက်၌ သြဂုတ် ၁၂ ရက်မှ ယနေ့အထိပြုလုပ် ခဲ့ခြင်းဖြစ်ကြောင်း သတင်းရရှိသည်။
#Themyawadydaily
No comments:
Post a Comment