ကမ္ဘာ့အအောင်မြင်ဆုံး ပုဂ္ဂိုလ်များကပေးသော ငွေကြေးအကြံပြု ချက်များ

ဘာသာပြန်ဆောင်းပါး ၁၁-၆-၂ဝ၁၈

ချမ်းသာတဲ့လူက မွေးလို့ ချမ်းသာ လာတာပဲဖြစ်စေ၊ ကိုယ်ထူးကိုယ်ချွန်ပြီး ချမ်းသာလာတာပဲ ဖြစ်စေ၊ ငွေကြေးစီမံခန့်ခွဲမှု အားနည်းရင်တော့ ကုဋေရှစ်ဆယ် သူဌေးသားသည်လဲ သူဖုန်းစား ဖြစ်သွားနိုင်ပါတယ် ကမ္ဘာ့အအောင် မြင်ဆုံးပုဂ္ဂိုလ်တွေ ကိုယ်တိုင် ငွေကြေးစီမံခန့်ခွဲမှု ဆိုင်ရာအကြံပြုချက် တွေကို အောက်ပါအတိုင်း ပေးထားပါတယ် 

စိတ်ဆန္ဒပြင်းပြရပါမယ်။ လူတစ်ယောက်ဟာ ဆန္ဒပြင်းပြစွာနဲ့ ချီတက်နေရင် ဘာအတွက် ချီတက်နေတယ်ဆိုတာ မသိဘဲနဲ့တောင် တခြားလူတွေ ပူးပေါင်းပါဝင် လာတတ်တဲ့အတိုင်း မည်သည့်အလုပ်ကိုမဆို ဆန္ဒပြင်းပြစွာနဲ့ လုပ်နေမယ်ဆိုရင် လူတွေရဲ့ ယုံကြည်လက်ခံမှုကို သေချာပေါက် ရလာမှာဖြစ်ကြောင်း၊ အောင်မြင်မှုဆီ ရောက်အောင်သွားရမယ့် တွန်းအားက စိတ်ဆန္ဒပြင်းပြမှု ဖြစ်ကြောင်း ကမ္ဘာကျော်သူဌေးကြီ Warren Buffet က ပြောပါတယ်။

ဘာပဲဖြစ်ဖြစ်ချရေးပါ။ စာရင်းလုပ်ထားပါ။ ဖုန်းခေါ်ရမယ့် လူစာရင်း၊ တည်ဆောက်ရမယ့် ကုမ္ပဏီတွေ၊ အလုပ်ဖြစ်အောင် လုပ်ပေးနိုင်မယ့် လူစာရင်းတွေကနေ အကြောင်းအရာ သေးသေး၊ကြီးကြီး ချသာရေးလိုက်ပါ။ ပြီးရင် အဲဒါတွေကို ဖြစ်အောင်လုပ်ဖို့ သင်ကြိုးစားပါ။ အဲဒီလို စာရင်းပြုစု ထားခြင်းအားဖြင့် ပိုက်ဆံကို ဘယ်နေရာမှာ ဦးစားပေးသုံးမလဲ ဆိုတာကိုလဲ မြင်သာစေတယ်လို့ စီးပွားရေး လုပ်ငန်းရှင်ကြီး Richard Branson က ပြောပါတယ်။

ကိုယ့်ဆီလာတဲ့ ဖောက်သည်တွေ၊ ဈေးဝယ်တွေကို သူတို့အကြိုက်၊ အလိုက်၊ အထိုက်ကလေး ထူးထူးခြားခြား လုပ်ပေးနိုင်ရင် ကြိုးစားမှုရဲ့အသီးအပွင့်ကို ခံစားရမှာပါ။ ဘယ်လောက်ပဲ ကံကောင်းကောင်း၊ ဘယ်လောက်ပဲ တိုက်ဆိုင်တိုက်ဆိုင် အလုပ်ကြိုးစားမှု မရှိရင်အောင်မြင်မှုဆိုတာ ကြာရှည်ခံမှာ မဟုတ်ပါဘူး။ သင်ဟာ ဈေးရောင်းသူ ဝန်ဆောင်မှု ပေးသူဆိုရင် သင့်ဖောက်သည်တွေကို ဂရုတစိုက်လေ့လာပြီး ထူးခြားအောင် လုပ်ပေးပါ။နေရာတိုင်းကံကို အားကိုးလို့မရသလို ပါရမီပါတိုင်းလဲ ရေရှည်မအောင်မြင် ပါဘူးလို့ Hip Hop အကျော်အမော် Sean Combs က ပြောပါတယ်။

အတိတ်က အောင်မြင်ခဲ့ဖူးလို့ အနာဂတ်မှာလဲ အောင်မြင်မယ်ဆိုတာ အမြဲမမှန်နိုင်ပါဘူး။ ဘယ်လောက်တော်တော်၊ အဆက်အသွယ်ဘယ်လောက် ကောင်းကောင်း၊ ပါရမီဘယ်လောက်ပါပါ အရှုံးပွဲနဲ့တွေ့ရ နိုင်ပါသေးတယ်။ လူတော်တွေဟာ အောင်မြင်လာတဲ့အခါမှာ သူတို့မကျရှုံးနိုင်တော့ဘူး လို့ထင်လာတတ်ကြတာ မဟာအမှားပါ။ အမြဲကြိုးစား နေရပါမယ်။ အမြဲအလုပ်လုပ် နေရပါမယ်လို့ Microsoft တည်ထောင်သူ Bill Gates က ပြောပါတယ်။

စည်းကမ်းရှိပါ။ ဘဝမှာ စည်းကမ်းရှိဖို့ မလိုတဲ့ အပိုင်းမရှိပါဘူး။ ချမ်းသာချင်ရင်လဲ ပထမဆုံးလုပ်ရမှာက စည်းကမ်းရှိဖို့ ဖြစ်ပါတယ်။ တကယ်ချမ်းသာချင်ရင် တကယ်စည်းကမ်း ရှိရပါမယ်။ မလိုတာကို မဝယ်ပါနဲ့။ ပိုက်ဆံလိုချင်ရင် ပိုက်ဆံရမယ့် အလုပ်ကိုလုပ်ပါ။ ပိုက်ဆံရပြီးရင် ပိုက်ဆံကို အခုခဏအတွက် မဟုတ်ဘဲ ကိုယ့်ရှေ့ရေးအတွက်ပါ တစ်ခါထဲစီမံခန့်ခွဲပါ။ ပိုက်ဆံကို စည်းကမ်းရှိရှိသုံးပါလို့ Shark Tank ပိုင်ရှင် Mark Cuban က ပြောပါတယ်။

အားနည်းချက်၊ အားသာချက် ခွဲခြားပါ။ လုပ်ရမှာတွေ၊ ဆောင်ရွက်ရမှာတွေကို နှစ်စုခွဲပါ။ အကျိုးပိုများမယ့်အုပ်စုနဲ့ အကျိုးနည်းမယ့် အုပ်စု အစရှိသည်ပေါ့။ ပြီးရင် f to-do list ရေးတဲ့အခါ အဲဒီအတိုင်း ခွဲပြီးရေးပါ။ သင်ဟာလုပ်သင့်တာ နဲ့မလုပ်သင့်တာကို ထူးထူးခြားခြား ကွဲကွဲပြားပြား မြင်လာပါလိမ့်မယ်လို့ Uber အရာရှိ Bozoma Saint John က ပြောပါတယ်။

အလွယ်မလိုက်ပါနဲ့။ ခြောက်လကြာမယ့် ကိစ္စကို ကြိုးစားပြီး နှစ်ပတ်အတွင်း ဖြစ်အောင် လုပ်မယ်ဆိုရင် အရည်အသွေးပြည့်မီမှာ မဟုတ်ပါဘူး။ ၁ဝရက်လောက် လုပ်ရမယ့်ကိစ္စကို သုံးရက်နဲ့ပြီးချင်ရင်လဲ ခပ်ညံ့ညံ့လက်ရာ တွေပဲရမယ်။ ဒါမှမဟုတ် အလုပ်ကို ဆက်မလုပ်ဖြစ်ဘဲ ရပ်လိုက်ရနိုင်ပါတယ်။ အလွယ်မလိုက်ပါနဲ့။ ဖြစ်သလိုမလုပ်ပါနဲ့။ အိမ်ကောင်းကောင်းနဲ့နေချင်ရင် လမ်းရှည်ရှည်တော့ လျှောက်ရပါလိမ့်မယ်လို့ Amazon

ရဲ့ CEO Jeff Bezos က ပြောပါတယ်။

Online မှာ ရင်းမြစ်တွေရှာပါ။ တစ်လလုံးသုံးခဲ့တဲ့ စာရင်းကိုပြန်စစ်ပါ။ မလိုတာတွေ သုံးမိခဲ့တာ မြင်ပါလိမ့်မယ်။ အဲဒီမလိုတာတွေ အတွက် ၁ဝ ရာခိုင်နှုန်းလျှော့သုံးပါ။ Online မှာ ရင်းမြစ်တွေရှာပြီး ဘယ်နေရာမှာ ဘာတွေကို ဈေးသက်သက်သာသာနဲ့ ဝယ်လို့ ရနိုင်မယ်ဆိုတာ ရှာဖွေကြည့်ပါလို့ အမေရိကန် စာရေးဆရာမကြီး Suze Orman က ပြောပါတယ်။

ပိုက်ဆံရှိတိုင်းလဲ မအောင်မြင်သလို အောင်မြင်မှု တိုင်းအတွက်လည်း ပိုက်ဆံမလိုပါဘူး။ ကိုယ်ပိုင်လုပ်ငန်း တွေဆိုတာ အောင်မြင်တယ်၊အောင်မြင်တယ်၊ အောင်မြင်တယ်၊ အောင်မြင်တယ်နဲ့ ဖြစ်နေတာမျိုး မဟုတ်ပါဘူး။ အောင်မြင်တယ်၊ အောင်မြင်တယ်၊ ကျရှုံးတယ်၊ အောင်မြင်တယ် ဆိုတာလိုမျိုးပါ။ အရေးကြီးတာကတော့ ကျရှုံးသွားတဲ့အခါ အမြန်ပြန်ထ နိုင်ဖို့ပါပဲလို့ Shark Tank က Daymond John  က ပြောပါတယ်။

မိမိဂုဏ်သိက္ခာကို ထိန်းပါ။ နာမည်ပျက် မထွက်ပါစေနဲ့။ တစ်သက်လုံး တည်ဆောက်လာတဲ့ နာမည်ကောင်းက တစ်နေ့လယ်တည်းနဲ့ ပျက်စီးသွားနိုင်ပါတယ်လို့ စာရေးဆရာမကြီး Sophia Amoruso က ပြောပါတယ်။အချက်အလက်ကို စုံလင်အောင်ရယူပါ။ အလေးထားပါ။ မသိကျိုးကျွန်မပြုပါနဲ့လို့ ကိုယ်ပိုင် လုပ်ငန်းရှင်ကြီး Jeff Bussgang က ပြောပါတယ်။ ကျရှုံးတဲ့အခါ မကြောက်ပါနဲ့။ မိမိကိုယ်ကိုယုံကြည်မှုလည်း မပျက်ပြားပါနဲ့လို့ Spanx တည်ထောင်သူ Sara Blakely က ပြောပါတယ်လို့ လေ့လာရေးသား တင်ပြလိုက်ရပါတယ်။

ရတနာပုံနေ့စဉ်သတင်းစာ စာ(၃၁)

#Themyawadydaily