မြင်းခြံ ၉-၅-၂ဝ၁၈
မန္တလေးတိုင်း ဒေသကြီးမြင်းခြံမြို့ အမှတ် (၄) ရပ်ကွက် နယ်မြေ (၈) ရှိ ဇော်မိုးမြင့် (ခ)ကိုမိုး၏ နေအိမ်ကို ဝင်ရောက်ရှာဖွေရာ ပန်းရောင်စိတ်ကြွ ဆေးပြားများ ရှာဖွေဖမ်းဆီးရမိခဲ့ကြောင်း သိရသည်။
မြင်းခြံမြို့မရဲစခန်းမှ ဒုတိယရဲအုပ် ဖြူဖြူသင်းဦး ဆောင်သော အဖွဲ့သည် မေ ၇ရက် ည ၈နာရီ မိနစ်၃ဝက မြင်းခြံမြို့ပေါ် ရပ်ကွက်များတွင် မူးယစ်ဆေးဝါးသတင်း စုံစမ်းဖမ်းဆီးရမိရေး ဆောင်ရွက်နေစဉ် သတင်းအရ မြင်းခြံမြို့အမှတ်(၄)ရပ်ကွက် နယ်မြေ(၈) ရှိဇော်မိုးမြင့် (ခ) ကိုမိုး၏ နေအိမ်ကိုသက်သေများ နှင့်အတူ ဝင်ရောက် ရှာဖွေခဲ့သည်။
ထိုသို့ရှာဖွေရာ ကမ္ဘာလုံးတံဆိပ်ပါ အပြာရောင် ကပ်ခွာအိတ်ဖြင့် 88/1 စာတန်း တစ်ဖက်စီပါ ပန်းရောင်စိတ်ကြွ ဆေးပြား ၁၉၁ ပြား၊ အစိမ်းရောင် နှစ်ပြားနှင့် ကမ္ဘာလုံးတံဆိပ်ပါ အပြာရောင် ကပ်ခွာအိတ်ဖြင့် 88/1 စာတန်းတစ်ဖက်စီပါ ပန်းရောင်စိတ်ကြွ ဆေးပြား ၅ဝ စုစုပေါင်း ၂၄၃ ပြားနှင့် မူးယစ်ဆေးဝါး သုံးစွဲရာတွင် အသုံးပြုသောဆက်စပ် ပစ္စည်းများကို ဖမ်းဆီးရမိခဲ့ကြောင်း သိရသည်။
ဖြစ်စဉ်နှင့်ပတ်သက်၍ ဒုတိယ ရဲအုပ်နိုင်ဝင်းထွန်းက တရားလိုပြုလုပ်၍ တိုင်တန်းသဖြင့် ဇော်မိုးမြင့် (ခ) ကိုမိုးကို မြင်းခြံ မြို့မရဲစခန်း က မယ (ပ)၄/၂ဝ၁၈၊ မူး/စိတ်ပုဒ်မ-၁၉(က)ဖြင့် အမှုဖွင့်ဆောင်ရွက်ထားကြောင်း သတင်းရရှိသည်။
#Themyawadydaily
No comments:
Post a Comment