မန္တလေးမြို့၊ မဟာဝိဇိတာရုံပရိယတ္တိစာသင်တိုက် ပဓာနနာယကဆရာတော်ကြီးထံမှ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်နှင့် အခမ်းအနားတက်ရောက်လာကြသူများက ငါးပါးသီလခံယူ ဆောက်တည်စဉ်။
မန္တလေးမြို့၊ မဟာဝိဇိတာရုံပရိယတ္တိစာသင်တိုက် ပဓာန နာယက ဆရာတော်ကြီး၏မွေးနေ့ပူဇာအတွက် တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီးမင်းအောင်လှိုင် နဝကမ္မအလှူငွေများပေးအပ်လှူဒါန်း
စဉ်။
မန္တလေးနန်းမြို့ရိုး တောင်ဘက်ခြမ်းကျော်မိုးတံခါး (မင်္ဂလာတံတား) အနီးရှိ ကိုယ်လက်လှုပ်ရှား အားကစားအပန်းဖြေဥယျာဉ်ကို တွေ့ရစဉ်။
နေပြည်တော် ၁၆-၁-၂ဝ၁၈
တပ်မတော် (ကြည်း၊ရေ၊လေ) မိသားစုများနှင့် အလှူရှင်များ စုပေါင်းလှူဒါန်းသည့် မန္တလေးမြို့၊ ချမ်းအေးသာစံမြို့နယ်ရှိ မဟာဝိဇိတာရုံ ပရိယတ္တိစာသင်တိုက်၏ အရှေ့ဘက် မုခ်ဦးနှင့် တံတိုင်း ၂၁၈ ခန်း ရေစက်ချ အလှူ မင်္ဂလာအခမ်းအနားအား ယနေ့နံနက်ပိုင်းတွင် အဆိုပါကျောင်းတိုက်ရှိ သာသနာ့ဟိတကာ ရီဓမ္မဗိမာန်၌ကျင်းပ ပြုလုပ်သည်။
အဆိုပါ အလှူမင်္ဂလာ အခမ်းအနားသို့ နိုင်ငံတော် သြ၀ါဒါစရိယ၊ မန္တလေးမြို့ မဟာဝိဇိတာရုံပရိယတ္တိ စာသင်တိုက် ပဓာနနာယကဆရာတော် အဂ္ဂမဟာပဏ္ဍိတ အဂ္ဂမဟာသဒ္ဓမ္မ ဇောတိကဓဇအဘိဓဇ မဟာရ ဋ္ဌဂုရု ဘဒ္ဒန္တ၀ိစာရိ န္ဒာဘိဝံသအမှူးပြု သောဆရာတော်၊ သံဃာတော်များကြွ ရောက်ချီးမြှင့် တော်မူကြပြီး တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်၊ ကာကွယ်ရေး ဦးစီးချုပ်ရုံးမှ တပ်မတော် အရာရှိကြီးများ၊ အလယ်ပိုင်းတိုင်း စစ်ဌာနချုပ်တိုင်းမှူးနှင့် အရာရှိ၊စစ်သည်များ တက်ရောက်ကြသည်။
ဦးစွာတပ်မတော်ကာကွယ်ရေး ဦးစီးချုပ်နှင့် အခမ်းအနားတက်ရောက်လာကြသူများသည် မဟာဝိဇိတာရုံ ပရိယတ္တိစာသင်တိုက် ပဓာနနာယကဆရာတော်ကြီးထံမှ ငါးပါးသီလခံယူဆောက် တည်ကြသည်။ ယင်းနောက် တပ်မတော်ကာကွယ်ရေးဦးစီးချုပ်က မဟာဝိဇိတာရုံပရိယတ္တိစာသင်တိုက် ပဓာနနာယက ဆရာတော်ကြီးအား လှူဖွယ်ပစ္စည်းများ ဆက်ကပ်လှူဒါန်းပြီး ဆရာတော်ကြီး၏ မွေးနေ့ပူဇာအတွက် န၀ကမ္မ အလှူငွေများအား ပေးအပ် လှူဒါန်းသည်။
ထို့နောက် စစ်ရေးချုပ် ဒုတိယဗိုလ်ချုပ်ကြီး ဆန်းဦးက တပ်မတော်(ကြည်း၊ရေ၊လေ) မိသားစုများမှ လှူဒါန်းသည့်အလှူငွေများအား ပေးအပ်လှူဒါန်းသည်။ ၎င်းနောက် အခမ်းအနားတက် ရောက်လာကြသည့် တပ်မတော်အရာရှိကြီးများက ဆရာတော်၊ သံဃာတော်များအား လှူဖွယ်ပစ္စည်းများဆက်ကပ် လှူဒါန်းကြ သည်။
ယင်းနောက် မန္တလေးမြို့မဟာဝိဇိတာရုံပရိယတ္တိစာသင်တိုက်စာချနာယက ဓမ္မရတနာဆရာတော် ဘဒ္ဒန္တစရဏ သာသနဓဇဓမ္မာစရိယထံမှ အနုမောဒနာတရား နာယူ၍ လှူဒါန်းမှုအစုစုအတွက် ရေစက်သွန်းချအမျှပေးဝေကြသည်။ ထို့နောက် တပ်မတော်ကာကွယ်ရေး ဦးစီးချုပ်နှင့်အဖွဲ့ဝင်များ သည် ဆရာတော်၊ သံဃာတော်များ အားနေ့ဆွမ်းလောင်းလှူခဲ့ကြသည်။
၎င်းနောက်တပ်မတော်ကာကွယ်ရေးဦးစီးချုပ်နှင့်အဖွဲ့ဝင်များသည် မန္တလေး နန်းမြို့ရိုးတောင် ဘက်ခြမ်း ကျော်မိုးတံခါး(မင်္ဂလာတံတား)အနီးတွင် အများပြည်သူများ ကိုယ်လက်လှုပ်ရှား အားကစားအပန်းဖြေ ဥယျာဉ်နေရာတည်ဆောက်နေမှုနှင့် နန်းမြို့ရိုးအား ထိန်းသိမ်းဆောင်ရွက်နေမှုအခြေအနေများအား ကြည့်ရှု စစ်ဆေးရာ တာဝန်ရှိသူများက လိုက်လံရှင်းလင်းပြသကြသည်။
ရှင်းလင်းတင်ပြမှုများအပေါ် တပ်မတော်ကာကွယ်ရေးဦးစီးချုပ်က မန္တလေးနန်းမြို့၊ အရှေ့၊ အနောက်၊ တောင်၊ မြောက်၊ အရပ် ၄ မျက်နှာ ၀င်ပေါက်များအနီး မြို့ရိုးနှင့် ကျုံးရေပြင်အကြား သတ်မှတ်မြေနေရာ များ၌ အများပြည်သူတို့အန္တရာယ်ကင်းရှင်းစွာ ကိုယ်လက်လှုပ်ရှားအားကစားများ လုပ်ဆောင်နိုင်ရေးနှင့် နန်းမြို့ရိုးရှေးဟောင်းလက်ရာများအား ရှေးဟောင်းသုတေသနနှင့် အမျိုးသားပြတိုက်ဦးစီးဌာန၏ အတည် ပြုချက်ဖြင့် ရှေးမူမပျက်ထိန်းသိမ်းဆောင်ရွက်ရေး၊ ပြုပြင်ထိန်းသိမ်းထားသော နန်းမြို့ရိုးများကိုလည်း ထိခိုက်ပျက်စီးမှုမရှိစေရေး ကာကွယ်စောင့်ရှောက်ရန်မှာကြားခဲ့ကြောင်း သတင်းရရှိသည်။
#Themyawadydaily
No comments:
Post a Comment