ရေဝင်မှုဖြစ်ပေါ်ခဲ့သည့် ရွှေသုန္ဒရီ-၃ ကုန်တင်ရေယာဉ်ကို တနင်္သာရီရေတပ်စခန်းဌာနချုပ် ကွပ်ကဲမှုအောက်ရှိ တပ်မတော်(ရေ)မှ တပ်မတော်သားများက ကူညီကယ်ဆယ်ရေးလုပ်ငန်းများ ဆောင်ရွက်ပေးစဉ်။
ရွှေသုန္ဒရီ-၃ ကုန်တင်ရေယာဉ်ပေါ်မှရေများကို တနင်္သာရီရေတပ်စခန်းဌာနချုပ် ကွပ်ကဲမှုအောက်ရှိ တပ်
မတော်(ရေ )မှ တပ်မတော်သားများက ရေစုပ်စက်ဖြင့်စုပ်ထုတ်ပေးစဉ်။
နေပြည်တော် ၉-၆-၂၀၁၇
ရန်ကုန်မြို့၊ ဗားကရာဆိပ်ကမ်းမှ ကော့သောင်းမြို့သို့ ဇွန် ၂ ရက်တွင် စတင်ထွက်ခွာသွားသည့် ရွှေသုန္ဒရီ-၃ အမည်ရှိ လှေသား ၁၈ ဦးပါဝင်သော ကုန်တင်ရေယာဉ်သည် ဇွန် ၆ ရက် ည ၆ နာရီခွဲခန့်တွင် ဘုတ်ပြင်း မြို့၏အနောက်မြောက်ဘက် ရေမိုင် ၃၉ မိုင်သို့အရောက်၌ ရာသီဥတုဆိုးရွားပြီး ရေ၀င်မှုဖြစ်ပွားခဲ့သည်။
အဆိုပါနေရာသို့ တနင်္သာရီရေတပ်စခန်းဌာနချုပ် ကွပ်ကဲမှုအောက်ရှိ တပ်မတော်(ရေ)မှ တပ်မတော်သား များက စစ်ရေယာဉ်တစ်စင်းဖြင့် ဇွန် ၆ ရက် ည ၁၀ နာရီခန့်တွင် စတင်ထွက်ခွာ၍ ဇွန် ၇ ရက် နံနက် ၂ နာရီခွဲတွင်ရောက်ရှိပြီး ရေစုပ်စက်ဖြင့် ရေများစုပ်ထုတ်ခြင်းနှင့်လိုအပ်သည့်ကူညီကယ်ဆယ်ရေးလုပ်ငန်းများ ဆောင်ရွက်ပေးခဲ့ရာ ကုန်တင်ရေယာဉ်မှာနံနက် ၃ နာရီ ၃၅ မိနစ်ခန့်တွင် အန္တရာယ်ကင်းစွာဖြင့် ဆက်လက် ထွက်ခွာသွားကြောင်းသတင်းရရှိသည်။
#Themyawadydaily
No comments:
Post a Comment