Social Icons

Pages

Friday, May 5, 2017

ပူပြင်းသောရာသီဥတု ဒဏ်ကြောင့် ပုစွန်များသေဆုံးမှု များပြားလာ




ရန်ကုန် ၅-၅-၂၀၁၇

ပြည်တွင်း၌ ယခုနှစ်နွေရာသီတွင် ပူပြင်းသော ရာသီဥတုဒဏ်ကြောင့် ပုစွန်များ သေဆုံးမှု များပြားလာ သည့်အပြင် ရောဂါပိုး တချို့လည်း ကျရောက်နေသဖြင့် ပုစွန်မွေးမြူရေး လုပ်ငန်းများနှင့် ပုစွန်သားဖောက်
လုပ်ငန်းများမှာ ပြည်တွင်းဈေးကွက် လိုအပ်ချက်ကို ပြည့်မီအောင် ထုတ်လုပ်ရန် အခက်အခဲများ ရှိလာကြောင်း မြန်မာနိုင်ငံပုစွန် မွေးမြူရေးလုပ်ငန်းရှင် များအသင်းမှ သိရသည်။

ပြည်တွင်းဈေးကွက် လိုအပ်ချက်ကို ဖြည့်ဆည်းပေးနိုင်စေရန် ထိုင်းနိုင်ငံမှ အေးခဲပုစွန်များကို တင်သွင်းနေရသည်။ ထို့ပြင် ပြည်တွင်း၌ ပုစွန်မွေးမြူရေးနှင့် သားဖောက်လုပ်ငန်းများ အတွက် ခေတ်မီနည်း ပညာများ လိုအပ်လျက်ရှိနေသည်။

မြန်မာနိုင်ငံ၌ ရေချိုပုစွန်မွေးမြူရေးနှင့် ရေငန်ပုစွန်မွေးမြူရေး လုပ်ငန်းများ လုပ်ကိုင်ဆောင်ရွက်လျက် ရှိသော်လည်း ရေငန်ပုစွန် မွေးမြူရေးအတွက် သားဖောက်စခန်းများ မရှိသောကြောင့် ပြည်ပမှပုစွန် သားပေါက်များတင်သွင်းနေရသည်။ ရေချိုပုစွန်မွေးမြူရေးနှင့် သားဖောက်လုပ်ငန်းများ တွင်လည်းသားပေါက်များ သေဆုံးမှုနည်းပါးစေရန်နှင့် သားဖောက်နှုန်း မြင့်တက်လာစေရန် ပြည်ပနိုင်ငံများမှ နည်းပညာ အကူအညီများ လိုအပ် နေကြောင်း သိရသည်။

ပြည်တွင်း၌ ရာသီဥတုပြင်းထန်ခြင်း၊ ရောဂါပိုးများ ကျရောက်ခြင်းနှင့် သားပေါက်များ မျိုးမသန့်ခြင်းတို့သည် ပုစွန်များသေဆုံးမှု များပြားခြင်း၊ ကြီးထွားမှုနှုန်း မတူညီခြင်းတို့ ဖြစ်ပေါ်စေနိုင်သည့် အတွက် မျိုးကောင်း
မျိုးသန့် သားပေါက်များ ဝယ်ယူတင်သွင်း ရန်နှင့် ပုစွန်မွေးမြူရေး ကန်များထဲသို့ ပုစွန်သားပေါက်များ မထည့်သွင်းမီ ယင်းကန်များကို ဆေးရည်စိမ်ရန် မြန်မာနိုင်ငံ ငါးလုပ်ငန်းအဖွဲ့ချုပ်က အကြံပြုထားကြောင်း သိရသည်။

#Themyawadydaily

No comments:

Post a Comment

Related Posts Plugin for WordPress, Blogger...