Pages

Thursday, April 27, 2017

ဒေသခံပြည်သူများ၏ စားရေးအထောက်အကူဖြစ်စေရန် တန်ဖိုးသင့်ထမင်းနှင့် ဟင်းလျာများ၊ အသီးအရွက်များနှင့် အသားငါးများအား ဆက်လက်ရောင်းချ



တပ်ရင်း/တပ်ဖွဲ့များက တန်ဖိုးသင့်ထမင်းနှင့်ဟင်းလျာများ ရောင်းချပေးစဉ်။

နေပြည်တော် ၂၈-၄-၂၀၁၇

ဒေသခံပြည်သူလူထု၏ စားရေးတွင် အထောက်အကူဖြစ်စေရန်နှင့် ကုန်ဈေးနှုန်းမြင့်တက်လာမှုအား တစ်ဖက်တစ်လမ်းမှ လျှော့ချပေးနိုင်ရန် ရည်ရွယ်၍ တိုင်းစစ်ဌာနချုပ် အသီးသီးရှိ ဘက်စုံစိုက်ပျိုး မွေးမြူရေးခြံများမှ ထွက်ရှိသော အသား၊ ငါးများ၊ ဟင်းသီးဟင်းရွက်များ၊ ကြက်ဥ၊ ဘဲဥများ၊ ကျန်းမာရေး နှင့်ညီညွတ်သော တန်ဖိုးသင့် ထမင်းနှင့်ဟင်းလျာများကို တိုင်းစစ်ဌာနချုပ် အသီးသီးရှိကွပ်ကဲမှု အောက် တပ်ရင်း/တပ်ဖွဲ့များက တပ်နယ်များ၌ ဒေသခံပြည်သူများ အားဈေးနှုန်းချိုသာစွာဖြင့် စီစဉ်ရောင်းချပေး လျက်ရှိသည်။

ထိုသို့ရောင်းချပေးလျက်ရှိရာ ယနေ့တွင် မြောက်ပိုင်းတိုင်းစစ်ဌာနချုပ်၌ မြစ်ကြီးနားမြို့၊ မြို့သစ်ကြီးရပ်ကွက်၊ ကြက်ပေါင်ခြံရပ်ကွက်၊ ပြည်ထောင်ကျေးရွာနှင့် ဗန်းမော်မြို့ရှိ ခွန်သာ ရပ်ကွက်တွင်လည်းကောင်း၊ အရှေ့မြောက်တိုင်း စစ်ဌာနချုပ်၌ လားရှိုးမြို့၊ အမှတ် (၉) ရပ်ကွက်ရှိ ဘူတာဈေးနှင့် နားမခေါ်အဝေးပြေး ကားဝင်း၊ သီပေါမြို့မဈေးနှင့် ပြည်သူ့ဆေးရုံရှေ့၊ ကျောက်မဲမြို့ဈေးနှင့် နမ့်လန်မြို့၊ ပြည်သူ့ဆေးရုံရှေ့တို့တွင်လည်းကောင်း၊ အရှေ့ပိုင်းတိုင်းစစ်ဌာနချုပ်တွင် တောင်ကြီးမြို့၊ ဘုရားဖြူရပ်ကွက်၊ အောင်ပန်းမြို့၊ လွယ်မောကျေးရွာနှင့် လွိုင်ကော်မြို့၊ လောပိတကျေးရွာ တို့တွင်လည်းကောင်း၊ အရှေ့အလယ်ပိုင်း တိုင်းစစ်ဌာနချုပ်၌ ခိုလမ်မြို့ဈေး အနီးတွင်လည်းကောင်း၊ တြိဂံဒေသ တိုင်းစစ်ဌာနချုပ်၌ ကျိုင်းတုံမြို့၊ အမှတ် (၁) ရပ်ကွက်၊ ကောက်ကော့ (၂) လမ်း၊ နောင်နွန်းရပ်ကွက်၊ ယန်းလူးဈေးရှေ့နှင့် မိုင်းခတ်မြို့မဈေးတို့တွင်လည်းကောင်း၊ အရှေ့တောင်တိုင်းစစ်ဌာနချုပ်၌ မော်လမြိုင်မြို့၊ ကမ်းနားလမ်းရှိကျောက်မီးသွေးဆိပ်ကမ်းအနီးနှင့် သထုံ တံတားအနီး၊ ကော့ကရိတ်မြို့၊ ချောင်းတောင်ရပ်ကွက်၊ ရဲစခန်းလမ်းထောင့်၊ လှိုင်းဘွဲ့မြို့၊ (ဃ) ရပ်ကွက်၊ သံဖြူဇရပ်မြို့၊ အောင်ကုသိုလ်ရပ်ကွက်နှင့် ဘားအံမြို့၊ အမှတ် (၆) ရပ်ကွက်၊ ပြည်သူ့ဈေးအနီး တို့တွင်လည်းကောင်း ဒေသခံပြည်သူများအတွက် တန်ဖိုးသင့် ထမင်း၊ ဟင်းလျာများနှင့် သန့်ရှင်းလတ်ဆတ်သည့် ဟင်းသီးဟင်းရွက်များ၊ အသားငါးများကို ဈေးနှုန်းချိုသာစွာဖြင့် အသီးသီးရောင်းချပေး ခဲ့ကြောင်း သတင်းရရှိသည်။

#Themyawadydaily

No comments:

Post a Comment

Related Posts Plugin for WordPress, Blogger...