 |
| လောက်ကိုင်ဒေသ တိုက်ပွဲဖြစ်ပွားသည့် နေရာပြပုံ |
 |
| လောက်ကိုင်ဒေသ တိုက်ပွဲဖြစ်ပွားသည့် နေရာပြပုံ |
နေပြည်တော် ၊ ၂၇-၄-၂၀၁၅
ကိုးကန့် သောင်းကျန်းသူများ အခြေပြု ခဲ့သည့် ရှင်ခုတ်ထန် ဒေသနှင့် စန်တအိုက်ရှန် ကုန်းမြင့်ဒေသ တို့အား တပ်မတော်က ထိုးစစ်ဆင် တိုက်ခိုက် ထိန်းချုပ် နိုင်ခဲ့သဖြင့် သောင်းကျန်းသူ များသည် နယ်မြေ ကျဉ်းမြောင်း လာပြီး ၄င်းဒေသမှ အင်အားများကို စုစည်းကာ မြန်မာ - တရုတ် နှစ်နိုင်ငံ နယ်နိမိတ် မှတ်တိုင် အမှတ်(၁၁၉) တည်ရှိသည့် တောင်ကြော အနီး မြင့်မား မတ်စောက်သော ကျောက်တောင် တစ်ခု ဖြစ်သည့် ပွိုင့်- ၂၂ဝ၂ တောင်ကုန်းတွင် အခြေပြု ခံစစ်ဆင်ရန် စီစဉ် လာခဲ့သည်။
ကိုးကန့် သောင်းကျန်းသူ များသည် မြေ အနေအထား အရ အသာစီး ရရှိထားသော ပွိုင့်-၂၂ဝ၂ တောင်ကုန်း ပေါ်တွင် အခိုင်အမာ ဘန်ကာများ ဆောက်လုပ် ထားပြီး ခြံစည်းရိုးများ ကာရံကာ မိုင်းကွင်းနှင့် အတားအဆီး များ ပြုလုပ်ထား၍ တပ်မတော်၏ ထိုးစစ်ဆင် တိုက်ခိုက်မှု များအား အဆင့်ဆင့် ခုခံ တိုက်ခိုက်လျက် ရှိသည်။
ထိုသို့ ကိုးကန့် သောင်းကျန်း သူများ၏ အဆင့်ဆင့် ခုခံ တိုက်ခိုက်မှု များကို တပ်မတော် စစ်ကြောင်း များက ပွိုင့်-၂၂ဝ၂ သို့ စစ်ကြောင်း တစ်ကြောင်းဖြင့် လည်းကောင်း၊ ဟိုထိုလင် ကျေးရွာအနီး တောင်ကြော များသို့ စစ်ကြောင်း တစ်ကြောင်း ဖြင့်လည်းကောင်း၊ စီတုံးဆွေ ကျေးရွာအနီး တောင်ကုန်းသို့ စစ်ကြောင်း တစ်ကြောင်းဖြင့် လည်းကောင်း အသီးသီး ဖြန့်ခွဲ၍ တိုက်ခိုက် ချေမှုန်းခဲ့ရာ တပ်မတော် စစ်ကြောင်း များနှင့် ကိုးကန့် သောင်းကျန်းသူ များ လက်တစ်ကမ်း တိုက်ပွဲများ ပြင်းထန်စွာ ဖြစ်ပွားခဲ့သည်။
ယင်းသို့လ က်တစ်ကမ်း တိုက်ပွဲများ ဖြစ်ပွားချိန်တွင် ကိုးကန့် သောင်းကျန်းသူ များ အနေဖြင့် မြေအနေအထား အရ အသာစီး ရယူကာ ပိတ်ဆို့ တိုက်ခိုက်ခဲ့ပြီး ရာသီဥတု အနေဖြင့် ဆိုးရွားလျက် ရှိသော်လည်း တပ်မတော်သား များက ရဲဝံ့စွန့်စား စွာဖြင့် အဆင့်ဆင့် ထိုးဖောက် တိုက်ခိုက် ချေမှုန်း ခဲ့သည်။ တိုက်ပွဲ ဖြစ်ပွားရာ နေရာများသည် နှစ်နိုင်ငံ နယ်နိမိတ်မျဉ်း ၏ မီတာ ၅ဝဝ နှင့် ၁၅ဝဝ ကြားတွင် ရှိခြင်းကြောင့် တစ်ဖက်နိုင်ငံ အတွင်းသို့ မိမိကျည် များ ကျရောက် ပေါက်ကွဲခြင်း မရှိစေရေး အတွက် အလေးထား ထိန်းသိမ်း ဆောင်ရွက် ရသဖြင့် စစ်နည်းဗျူဟာ ကျင့်သုံးမှု အပိုင်းတွင် ကန့်သတ်ချက် နှင့် အခက်အခဲ များစွာ ရှိခဲ့ပြီး စစ်ဆင်ရေးအား အလွန် ခက်ခဲစွာ ဆောင်ရွက် ခဲ့ရသည်။
ထို့အပြင် ကိုးကန့် သောင်းကျန်းသူ များ အနေဖြင့် တစ်ဖက်မှ အကူအညီ အထောက်အပံ့များ ကောင်းစွာ ရယူပြီး တိုက်ခိုက် ခဲ့ခြင်းကြောင့် တပ်မတော်မှ အရာရှိ၊ စစ်သည်အချို့ နိုင်ငံတော် အတွက် အသက်ပေးလှူ ခဲ့ရပြီး အချို့ ပျောက်ဆုံး ခဲ့ကာ ထိခိုက်ဒ ဏ်ရာများလည်း ရရှိခဲ့သည်။ ထိခိုက်ဒဏ်ရာ ရရှိသူများအား တပ်မတော် ဆေးရုံများသို့ ပို့ဆောင်၍ လိုအပ်သည့် ဆေးဝါး ကုသမှုများ ဆောင်ရွက် ပေးလျက် ရှိသည်။
လောက်ကိုင်ဒေသ တစ်ခုလုံး တည်ငြိမ် အေးချမ်းရေး အတွက် ကိုးကန့် သောင်းကျန်းသူ အကြွင်းအကျန်များ ဒေသအတွင်း အခြေပြု နေထိုင် လှုပ်ရှားမှုများနှင့် ခုခံ တိုက်ခိုက်မှုများ မပြုလုပ်နိုင် စေရေးအတွက် တပ်မတော် သားများက အသက်ကို ပဓာန မထားဘဲ ရဲဝံ့ စွန့်စားစွာဖြင့် ဆက်လက် တိုက်ခိုက် ချေမှုန်း သွားမည် ဖြစ်ကြောင်း သိရှိရသည်။ (၁၀၀)
#Themyawadydaily
No comments:
Post a Comment