အမေရိကန်နိုင်ငံ ၏ လူကုန်ကူးမှု ဆိုင်ရာ သံအမတ် Mr. Luis CdeBaca
ရန်ကုန် ၊ ၁၅-၁၀-၂၀၁၄
မြန်မာနိုင်ငံ ၌ လူကုန်ကူး ခံရမှု လွတ်မြောက်ရေး အတွက် ပထမဆုံး အမေရိကန် နိုင်ငံနှင့် ပူးပေါင်း လုပ်ဆောင် သွားမည် ဖြစ်ကြောင်း မြန်မာနိုင်ငံ လူကုန်ကူးမှု တားဆီး နှိမ်နင်းရေး ရဲတပ်ဖွဲ့ မှ တာဝန်ရှိသူ တစ်ဦး၏ ပြောကြားချက် အရ သိရသည်။
နယ်စပ် ဖြတ်ကျော် လူကုန်ကူး ခံရသူများမှာ အဓိကအားဖြင့် လိင်ကျွန်များ အဖြစ် ခိုင်းစေခံနေ ရပြီး တရုတ်နိုင်ငံ သို့ ဦးတည် နေကြောင်း သိရသည်။ ထို့အပြင် ရေလုပ်ငန်း များတွင် မြန်မာ အမျိုးသားများ လူကုန်ကူး ခံရမှု များပြား နေကြောင်း ၊ လူကုန်ကူးမှု များကို တားဆီးနိုင်မှုများ ရှိသကဲ့သို့ လွတ်မြောက် နေသော လူကုန်ကူးမှု များလည်း ရှိပြီး တရုတ်နိုင်ငံ နှင့် ထိုင်းနိုင်ငံ တို့သို့ လူကုန်ကူး ခံရမှုများ အများဆုံး ဖြစ်ပေါ်လျက် ရှိကြောင်း သိရသည်။
ထို့ကြောင့် မြန်မာနိုင်ငံ မှ လူကုန်ကူး ခံရသူများ လွတ်မြောက်ရေး အတွက် အမေရိကန် နိုင်ငံနှင့် ပူးပေါင်းရန် စီစဉ်ခြင်း ဖြစ်သည်။ အမေရိကန် နိုင်ငံခြားရေး ၀န်ကြီးဌာန မှ ကမ္ဘာ့ နိုင်ငံများ၏ လူကုန်ကူးမှု တိုက်ဖျက်ရေး နှင့် ပတ်သက်သော အစီရင်ခံစာ များကို လွန်ခဲ့သည့် ၁၄ နှစ်မှ စတင်ကာ နှစ်စဉ် ထုတ်ပြန်ပေးလျက် ရှိပြီး ယခုနှစ်တွင် မြန်မာနိုင်ငံ အနေဖြင့် အမေရိကန် နိုင်ငံ၏ စောင့်ကြည့် နေရသည့် အဆင့်တွင် ရှိနေကြောင်း သိရသည်။
လူကုန်ကူးမှု ကာကွယ် တားဆီးရေး ကွန်ဗင်းရှင်း မူကြမ်းတွင် လူကုန်ကူး ခံရမှုမှ လွတ်မြောက် လာသူများနှင့် သတ်မှတ်ချက် သည် ပျောက်ဆုံးပြီး သတ်မှတ်ချက် နှင့် စောင့်ရှောက်ရေး အစီအစဉ် စံနှုန်းများကို တစ်ပေါင်းတည်း သတ်မှတ် ရမည် ဖြစ်ကြောင်း ၊ ထို့အပြင် အာဆီယံ စီးပွားရေး အသိုက်အ၀န်း ပေါ်ပေါက် လာပါက အတင်းအဓမ္မ စေခိုင်းမှုများ နှင့် လူကုန်ကူး ခံရသူများကို မည်ကဲ့သို့ ဆောင်ရွက် ပေးမည် ဆိုသည့် အချက်များ ကိုလည်း ထည့်သွင်း စဉ်းစား လုပ်ဆောင် ရမည်ဖြစ်ကြောင်း သိရသည်။
အမေရိကန်နိုင်ငံ ၏ လူကုန်ကူးမှု ဆိုင်ရာ သံအမတ် Mr. Luis CdeBaca အနေဖြင့် အမေရိကန်နိုင်ငံ နှင့် မြန်မာနိုင်ငံ ပြည်ထဲရေး ၀န်ကြီးဌာန နှင့် လူကုန်ကူးမှု တားဆီး နှိမ်နင်းရေး ဆိုင်ရာ လုပ်ငန်းများ ပူးပေါင်း ဆောင်ရွက်ရန် သဘော တူညီမှု ရရှိခဲ့ကြောင်း နှင့် မြန်မာနိုင်ငံ ၌ လူကုန်ကူးသူ များကို ပြစ်ဒဏ် ချမှတ်ရာတွင် နှစ်ဆတိုး လုပ်ဆောင် သင့်ကြောင်း သိရှိရသည်။
စိုးမိုး
#Themyawadydaily
#မြ၀တီနေ့စဉ်
No comments:
Post a Comment