ဘန်ကောက် ၊ ၇-၁၀-၂၀၁၃
ထိုင်းနိုင်ငံ တောင်ပိုင်း ၊ ယာလာပြည်နယ်
၊ မြောင်ခရိုင် ၌ အောက်တိုဘာ ၆ ရက် ဒေသ စံတော်ချိန် နံနက် ၁ဝ နာရီခန့်က ဗုံးခွဲတိုက်ခိုက်မှုတစ်ရပ်ဖြစ်ပွားခဲ့ပြီး
ထိုင်းတပ်ဖွဲ့ဝင် ၃ ဦး ထိခိုက်ဒဏ်ရာ ရရှိခဲ့ကြောင်း ဘန်ကောက်ပို့စ် သတင်းတစ်ပုဒ် အရသိရသည်။
အမှတ် (၄၁၈)အမြန်လမ်းမ တစ်လျှောက် မောင်းနှင်လာသော
ယာလာပြည်နယ် အမှတ်(၁၃) အထူးတပ်ဖွဲ့မှ တပ်ဖွဲ့ဝင်များ လိုက်ပါလာသည့် စစ်ယာဉ် ၃ စီးသည်
တံတားတစ်စင်းကို ဖြတ်သန်းစဉ် လမ်းဘေးထောင် ဗုံးတစ်လုံးကို အဝေးထိန်း စနစ်ဖြင့် ဖောက်ခွဲ
တိုက်ခိုက် ခံခဲ့ရခြင်း ဖြစ်ကြောင်း သိရသည်။ ၄င်းလမ်းဘေး ထောင်ဗုံးကို ၇ ကီလိုဂရမ်
အလေးချိန် ရှိသော ဓာတ်ငွေ့အိုးကို အသုံးပြု၍ ပြုလုပ်ထားပြီး လမ်းဘေးရှိ ဓာတ်မြေသြဇာ
အိတ်များ အတွင်း လျှို့ဝှက်ထား ရှိ၍ ဆက်သွယ်ရေး စက်ဖြင့် ချိတ်ဆက်ပြီး စစ်သွေးကြွများက
အဝေးထိန်း စနစ်ဖြင့် ဖောက်ခွဲခဲ့ခြင်း ဖြစ်ကြောင်း သိရသည်။
၎င်းဖောက်ခွဲမှုတွင် စစ်သုံး ထရပ်ကား
တစ်စီးကို ထိမှန်ခဲ့၍ စစ်သည် ၃ ဦးဒဏ်ရာ ရရှိခဲ့ပြီး လမ်းမပေါ်၌ အချင်း ၁ မီတာ ၊ အနက်
၃ဝ စင်တီမီတာ ခန့်ရှိသည့် အပေါက်ကြီး တစ်ပေါက် ဖြစ်ပေါ် ပျက်စီး ခဲ့ကြောင်းနှင့် ဒဏ်ရာ
ရရှိခဲ့သော တပ်ဖွဲ့ဝင် ၃ ဦးကို ယာလာဆေးရုံ သို့ပို့ဆောင် ကုသထားကြောင်း သိရှိရသည်။
No comments:
Post a Comment