ပခုက္ကူ ၁၅-၈-၂ဝ၁၈
မကွေးတိုင်းဒေသကြီး ပခုက္ကူခရိုင် ပခုက္ကူမြို့စက်မှုဇုန်တွင် စီးပွားရေး လုပ်ငန်းရှင်ကြီးများ ဝင်ရောက်လာသည့်အတွက် တစ်နိုင်တစ်ပိုင် စက်မှုလုပ်ငန်းရှင်အချို့ အလုပ်သမားရှားပါးမှု ပြဿနာများဖြင့် ကြုံတွေ့နေကြောင်း ပခုက္ကူစက်မှုဇုန် စီမံခန့်ခွဲမှုကော်မတီမှ သိရသည်။
ပခုက္ကူစက်မှုဇုန် အတွင်းရှိ တစ်နိုင်တစ်ပိုင် လုပ်ကိုင်နေကြသော စက်မှုလုပ်ငန်းရှင်များ အနေဖြင့် ၂ဝ၁၇ခုနှစ် နောက်ပိုင်းတွင် ရန်ကုန်၊ မန္တလေး စသောမြို့ကြီးများမှ လုပ်ငန်းရှင်များနှင့် ပူးပေါင်းလုပ်ကိုင်ကြသော လုပ်ငန်းရှင် ကြီးများ ဝင်ရောက်လာသည့်အတွက် သားရေစက်ရုံ၊ ဆီစက်၊ ပဲခွဲစက်၊ ဆီးခွဲစက်စသော တစ်နိုင်တစ်ပိုင် လုပ်ကိုင်နေကြသည့် လုပ်ငန်းရှင်အချို့မှာ အလုပ်သမားရှားပါးမှု ပြဿနာများဖြင့် ကြုံတွေ့နေရကြောင်း သိရသည်။
"အရင်က အလုပ်သမားတွေက ဇုန်အပြင်ဘက် သွားလုပ်ကိုင်တာမျိုး၊ တခြားမြို့တွေ၊ ပြည်ပတွေ သွားရောက်လုပ်ကိုင် တာမျိုးတွေကြောင့် အလုပ်သမားက ရှားပါးခဲ့ပါတယ်။ အခုအခါကျ အလုပ်သမားတွေက ဇုန်အတွင်းကို ပြန်တော့ ရောက်လာပါတယ်။ ဒါပေမဲ့ လုပ်ငန်းရှင်ကြီးတွေဆီပဲ အများဆုံးရောက်တော့ တစ်နိုင်တစ်ပိုင် စက်မှုလုပ်ငန်း သမားတွေမှာ အလုပ်သမားရှားပါးမှု ပြဿနာက ဆက်ပြီးကြုံတွေ့ နေရပါတယ်"ဟု ပခုက္ကူစက်မှုဇုန် စီမံခန့်ခွဲမှုကော်မတီမှ တာဝန်ရှိသူတစ်ဦးက ပြောပြသည်။
ပခုက္ကူစက်မှုဇုန်တွင် လက်ရှိ လည်ပတ်နေသော လုပ်ငန်း အမျိုးအစားပေါင်း ၁၄ခုရှိပြီး ၎င်းတို့မှာ စားသောက်ရေးလုပ်ငန်း၊ အဝတ်အထည်လုပ်ငန်း၊ ဆောက်လုပ်ရေး၊ လူသုံးကုန်ပစ္စည်း၊ ပုံနှိပ်ရေးနှင့် စာအုပ်ထုတ်ဝေရေး၊ ကုန်ကြမ်းပစ္စည်း၊ လယ်ယာသုံးစိုက်ပျိုး ရေးပစ္စည်း၊ စက်နှင့်စက်ပစ္စည်းကိရိယာ၊ လျှပ်စစ်နှင့် လျှပ်စစ်ပစ္စည်းလုပ်ငန်း၊ အလုပ်ရုံနှင့်သင်္ဘော ကျင်းလုပ်ငန်း၊ သစ်နှင့်သစ်အခြေခံလုပ်ငန်း၊ သယ်ယူပို့ဆောင်ရေး၊ သတ္တုနှင့်ရေနံထွက်၊ အထွေထွေစက်မှုလက်မှု လုပ်ငန်းတို့ဖြစ်ကြောင်း သိရသည်။
#Themyawadydaily
No comments:
Post a Comment