Social Icons

Pages

Monday, July 24, 2017

မန္တလေးမြို့တွင် ကြက်သွန်နီဈေးနှုန်း အမြင့်ပိုင်းရောက်ရှိနေပြီး တရုတ်နိုင်ငံမှ မြန်မာနိုင်ငံသို့ ကြက်သွန်နီတင်ပို့လျက်ရှိ



မန္တလေး ၂၄-၇-၂၀၁၇

မန္တလေး ကြက်သွန်ဈေးကွက်တွင် လက်ရှိ ကြက်သွန်နီဈေးနှုန်းမှာ အမြင့်ပိုင်းတွင် ရောက်ရှိနေပြီး မြန်မာနိုင်ငံတွင် ကြက်သွန်နီဈေး မြင့်တက် နေသည့်အတွက် တရုတ်နိုင်ငံမှ မြန်မာနိုင်ငံသို့ ကြက်သွန်နီများ ပြန်လည်တင်ပို့ လျက်ရှိကြောင်း မန္တလေးတိုင်းဒေသကြီး ဆောင်းသီးနှံစိုက်ပျိုး ထုတ်လုပ်ရောင်းချ သူများအသင်းမှ သိရသည်။

လက်ရှိမန္တလေး ကြက်သွန်ဈေး ကွက်တွင် ကြက်သွန်နီ တစ်ပိဿာလျှင် ထိပ်စငွေကျပ် ၁၄ဝဝ၊ အောက်စငွေကျပ် ၁၁ဝဝ ထိရောက်ရှိနေပြီး တရုတ်နိုင်ငံမှ မြန်မာနိုင်ငံသို့ တစ်ရက်လျှင် ကြက်သွန်နီပိဿာချိန် ငါးသောင်းခန့် နေ့စဉ်ပြန်လည် တင်ပို့လျက်ရှိကြောင်း အဆိုပါ အသင်းအတွင်းရေးမှူး ဦးဝင်းမြင့် က ပြောပြသည်။

'' ကြက်သွန်နီဈေးက နည်းနည်းထပ်တက် နိုင်သေးတယ်။ ဈေးတက်ပေမယ့် အရောင်းအဝယ် မကောင်းဘူး။ စားသုံးသူတွေအနေနဲ့ ဈေးကြီးတဲ့ဒဏ်ခံရလဲ နောက်နှစ်လ၊ သုံးလပါပဲ။ နောက်ပိုင်း ပြန်ကျ သွားနိုင်ပါတယ်။ဒီနှစ်ကြက်သွန်နီ ဈေးကောင်းတော့ တောင်သူတွေ စိုက်အားပိုများနေတယ်''ဟု ၎င်းက ပြောပြသည်။

လာမည့် နိုဝင်ဘာလခန့်တွင် မြစ်သား၊ ကျောက်ဆည်နှင့် နွားထိုးကြီး ကြက်သွန်နီများ ပေါ်မည်ဖြစ်ပြီး လက်ရှိကြက်သွန်ဈေး မြင့်ရခြင်းမှာ ပြီးခဲ့သည့် ဧပြီလအတွင်းက ရာသီဥတု ဆိုးရွားမှုကြောင့် ကြက်သွန်ခင်းများ ပျက်စီးထိခိုက်ခဲ့ကာ ကြက်သွန်နီ လက်ကျန်အား နည်းပါးသွားခြင်းကြောင့် ဖြစ်ကြောင်း သိရသည်။

''အခုပြည်တွင်း ကြက်သွန်ဈေး မြင့်တော့တရုတ်နိုင်ငံက ပြန်သွင်းနေတဲ့အပြင် အိန္ဒိယနိုင်ငံကလဲ သွင်းလာနိုင်တယ်။ ဈေးမြင့်ပြီး အထက်ပိုင်းမှာလဲ မိုးရွာရေကြီးနေတော့ အရောင်းအဝယ် မကောင်းဘူး''ဟု မန္တလေးမြို့ ရွှေမန်းလှ ကြက်သွန် ပွဲရုံပိုင်ရှင်က ပြောပြသည်။

တရုတ်နိုင်ငံက မြန်မာနိုင်ငံရှိ ကြက်သွန်နီများကို ဖေဖော်ဝါရီလမှ သြဂုတ်လထိ ဝယ်ယူလေ့ရှိပြီး မြန်မာနိုင်ငံတွင် ကြက်သွန်နီဈေး မြင့်တက်ချိန်များ၌ မြန်မာနိုင်ငံသို့ ကြက်သွန်နီ ပြန်သွင်းလေ့ရှိကာ လက်ရှိ
တွင် တရုတ်ကြက်သွန်နီ တစ်ပိဿာလျှင် ငွေကျပ်၇ဝဝမှ ၁ဝဝဝထိ ဈေးရှိကြောင်း အဆိုပါအသင်းမှ သိရသည်။

#yadanarpondaily

No comments:

Post a Comment

Related Posts Plugin for WordPress, Blogger...