ရွှေပြည်သာမြို့၊ အမှတ်(၁၉)ရပ်ကွက်ရှိ မဟာဝိစိတ္တာရုံ ကျောင်းတိုက်၌ ကျန်းမာရေး စောင့်ရှောက်မှု လုပ်ငန်းများ ဆောင်ရွက်

-

နေပြည်တော် ဖေဖော်ဝါရီ ၂၁ 

-

ရန်ကုန်တိုင်းဒေသကြီး၊ ရွှေပြည်သာမြို့နယ်၊ အမှတ်(၁၉) ရပ်ကွက်ရှိ မဟာဝိစိတ္တာရုံ ကျောင်းတိုက်မှသံဃာတော်များ၊ သာသနာ့အနွယ်ဝင်သီလရှင်များနှင့် ဒေသခံပြည်သူများအား ယနေ့နံနက်ပိုင်းတွင်ရန်ကုန်တိုင်း စစ်ဌာနချုပ် နယ်လှည့်ဆေးကုသရေးအဖွဲ့ကအဆိုပါကျောင်းတိုက်၌ ကျန်းမာရေး စောင့်ရှောက်မှု လုပ်ငန်းများ ဆောင်ရွက်ပေးသည်။ 

-

ထိုသို့ဆောင်ရွက်ပေးရာတွင် ဆေးကုသရေးအဖွဲ့က သံဃာတော်၂၈ ပါး၊ သာသနာ့အနွယ်ဝင် သီလရှင်တစ်ပါးနှင့် ဒေသခံပြည်သူ ၂၆၈ ဦးတို့ကို သွားနှင့်ခံတွင်းရောဂါ၊ နား/ နှာခေါင်း/လည်ချောင်းရောဂါ၊ ဆီးချို၊သွေးချိုရောဂါ၊ အရိုး/အကြောရောဂါ၊ သားဖွား/မီးယပ် ရောဂါ၊ ကလေးရောဂါ၊ အထွေထွေရောဂါတို့နှင့် ပတ်သက်၍ လိုအပ်သည့် ဆေးဝါးကုသမှုများ ဆောင်ရွက်ပေးခဲ့ကြောင်း သတင်းရရှိသည်။  

-

(၁ဝဝ)

-

#မြ၀တီနေ့စဉ်သတင်းစာ