တပ်မတော်(ကြည်း၊ ရေ၊ လေ) အားကစား ပြိုင်ပွဲများတွင် ဆုရရှိခဲ့ကြသည့် နေပြည်တော်တိုင်း စစ်ဌာနချုပ် ကိုယ်စားပြု အားကစားသမား များအား ဂုဏ်ပြု

-

နေပြည်တော် ဇန်နဝါရီ ၂၉ 

-

၂ဝ၁၈-၂ဝ၁၉ ခုနှစ်၊ တပ်မတော်ကာကွယ်ရေးဦးစီးချုပ်ဒိုင်း၊ တပ်မတော်(ကြည်း၊ ရေ၊ လေ) အားကစား ပြိုင်ပွဲများတွင် ဆုရရှိခဲ့သည့် နေပြည်တော်တိုင်း စစ်ဌာနချုပ်ကိုယ်စားပြုအားကစားသမားများအား ဂုဏ်ပြုဆုပေးပွဲကို ယနေ့ နေ့လယ်ပိုင်းတွင် တိုင်းစစ်ဌာနချုပ် အောင်ငြိမ်းအေးခန်းမ၌ ပြုလုပ်သည်။ 

-

အဆိုပါ ဂုဏ်ပြုဆုပေးပွဲသို့ နေပြည်တော်တိုင်းစစ်ဌာနချုပ် တိုင်းမှူး ဗိုလ်ချုပ်မြင့်မော်နှင့် အရာရှိ၊ စစ်သည်များ၊ နည်းပြများနှင့် ပြိုင်ပွဲဝင် အားကစားသမားများ တက်ရောက်ကြပြီး တိုင်းမှူးကဂုဏ်ပြုအမှာစကား ပြောကြားကာ အားကစား အမျိုးအစားအလိုက် တပ်မတော်(ကြည်း၊ ရေ၊ လေ) အားကစား ပြိုင်ပွဲများတွင် ဆုရရှိခဲ့ကြသည့် နေပြည်တော်တိုင်း စစ်ဌာနချုပ်ကိုယ်စားပြုအားကစားသမားများအား ဂုဏ်ပြုဆု ရရှိကြသူများအား ဂုဏ်ပြုဆုငွေများ ပေးအပ်သည်။ 

-

ထို့နောက် အားကစားသမား တစ်ဦးက ကျေးဇူးတင်စကား ပြန်လည် ပြောကြားပြီး တိုင်းမှူးနှင့် အဖွဲ့ဝင်များက အားကစား သမားများအား ရင်းရင်းနှီးနှီး လိုက်လံ နှုတ်ဆက်ခဲ့ကြောင်း သတင်း ရရှိသည်။

-

#မြ၀တီနေ့စဉ်သတင်းစာ