စိတ်ဓာတ်မြင့်မားပျိုမေများ ဝင့်ကြွားဟန်ချီလှမ်းကြပြီ

-

နှင်းမှုန်မှုန်ဖွေးသော နတ်တော်လရာသီတွင် နှင်းသောက်ရွှင်ရွှင် ဖူးတံဆင်သည့် သဇင် ရွှေပွင့် တို့ လှတင့်လှတယ်ပွင့်ကြနှယ် တပ်မတော်(ကြည်း)ဘွဲ့ရ အမျိုးသမီးဗိုလ်လောင်း သင်တန်း အမှတ်စဉ်(၅)မှ လှမျက်ခြယ်တို့၏ ဒီဇင်ဘာ ၂၆ ရက်ကကျင်းပသော သင်တန်း ဆင်းဂုဏ်ပြု စစ်ရေးပြကလည်း လှတင့်လှတယ် ဝင့်ထည်ကြသည်။

-

မြန်မာ့သမိုင်းတွင် အမျိုးသမီးများ၏ ကာယ၊ ဥာဏ၊ စာရိတ္တ၊ မိတ္တစွမ်းရည်များကို မော်ကွန်း တင်ထားသည်များအား ပုဂံခေတ်မှစ၍ တွေ့ရသည်။ ကျစွာမင်း၏ သမီးတော် သံဗျင်မင်းသမီးသည် ဂေါတမမြတ်စွာဘုရား တရားတော် ပိဋကတ်သုံးပုံကို ကျွမ်းကျင်ပိုင်နိုင်သဖြင့် ရဟန်း တော်များအား စာဝါပို့ချနိုင်သည်အထိ ထူးခြားသော စွမ်းဆောင်ရည်ရှိသူ ဖြစ်သည်။ ပုဂံ ခေတ်နောက်ပိုင်း တောင်ငူ၊ ညောင်ရမ်း၊ ကုန်းဘောင်ခေတ် တို့တွင်လည်း ထူးချွန်သော အမျိုးသမီး စာဆိုများ ပေါ်ထွန်းခဲ့ကြသည်။ မြန်မာနိုင်ငံ လွတ်လပ်ရေး ကြိုးပမ်းမှု သမိုင်းမှာ လည်း မြန်မာ အမျိုးသမီးတို့၏ မျိုးချစ်စိတ်ဓာတ်နှင့် စွမ်းဆောင်ရည်ကို တွေ့ရသည်။ လွတ် လပ်ရေးရပြီးနောက်ပိုင်းကာလများတွင်လည်း မြန်မာ အမျိုးသမီးတို့၏ ကာယ၊ ဥာဏ၊ ဝီရိယ စွမ်းအားဖြင့် နိုင်ငံနှင့် လူမျိုးဂုဏ် မညှိုးစေရန် ကြိုးပမ်းအားထုတ်မှုများကို တွေ့ရသည်မှာ ယနေ့တိုင်ဖြစ်သည်။

-

မြန်မာ အမျိုးသမီးများသည် နိုင်ငံတော် တည်ဆောက်ရေး တာဝန်ကို တစ်တပ်တစ်အား ပါဝင် ထမ်းဆောင်လျက်ရှိကြောင်း နိုင်ငံရေး၊ စီးပွားရေး၊ လူမှုရေး နယ်ပယ် အသီးသီး၌ တွေ့ရ သည်။ နိုင်ငံတော်ကိုကမ္ဘာ့နိုင်ငံများနှင့် ရင်ပေါင်တန်းနိုင်အောင် တည်ဆောက်ရာတွင် အမျိုး သမီးများ ပါဝင်ကြသကဲ့သို့ နိုင်ငံတော် ကာကွယ်ရေး တာဝန်ထမ်းဆောင်ရာတွင်လည်း အမျိုး သမီးများ ပါဝင်ခွင့်ရရန် တပ်မတော်က အမျိုးသမီး စစ်မှုထမ်း စည်းမျဉ်းကိုပြဋ္ဌာန်း၍ မည် သည့် တိုင်းရင်းသားမဆို စစ်မှုထမ်း စည်းမျဉ်းနှင့်အညီ တာဝန်ထမ်းဆောင် ခွင့်ပြုထားသည်။

-

တပ်မတော်ကို နိုင်ငံတကာ တပ်မတော်များနှင့် ရင်ပေါင်တန်းနိုင်သည့် ခေတ်မီတပ်မတော် (Standard Army)ဖြစ်စေရန် ရည်မှန်းတည်ဆောက်လျက်ရှိရာ အုပ်ချုပ်မှုတာဝန် နှင့်ပညာ ရပ်ဆိုင်ရာ တာဝန်များ ထမ်းဆောင်ရန် ဘွဲ့ရအမျိုးသမီး ဗိုလ်လောင်းသင်တန်း အမှတ်စဉ်(၁) မှစ၍ ယခုအမှတ်စဉ်(၅)အထိ လေ့ကျင့် မွေးထုတ်ပေးခဲ့ပြီး ဖြစ်သည်။ အမျိုးသမီး ဗိုလ်လောင်း များသည် သင်တန်း ကာလကိုးလအတွင်း စစ်နည်းဗျူဟာ ဘာသာရပ်၊ အုပ်ချုပ်မှုဆိုင်ရာ ဘာသာရပ်တို့ကို လေ့လာသင်ယူကြရာ၌ စစ်နည်းဗျူဟာ ဘာသာရပ်များမှာ စာတွေ့လက် တွေ့သင်ယူကြရသည်။ စာတွေ့ လက်တွေ့သင်ယူကြရသော စစ်နည်းဗျူဟာဘာသာရပ် သည် သဘောတရားနှင့် လက်တွေ့ကို ပေါင်းစပ်ရသော လေ့ကျင့်ခန်း ဖြစ်သဖြင့် လူတို့ လောကနှင့် ပတ်ဝန်းကျင်တို့ကို သဟဇာတဖြစ်အောင် ဖန်တီးယူနိုင်သည့် စွမ်းရည်မြင့်မားစေ သော သင်ခန်းစာ ဖြစ်သည်။ ယှဉ်ပြိုင်ခြင်း သဘောကို ဆောင်သော စစ်ပညာသည် လူနှင့် ပတ်ဝန်းကျင်တို့ကို လေ့လာပြီး ပို၍ကောင်းမွန်အောင် မှန်ကန်သော ဆုံးဖြတ်ချက်ဖြင့် ပြုပြင် ဖန်တီးရာတွင် အသုံးဝင်သည့် ပညာရပ် တစ်မျိုးဖြစ်သည်။

-

ယနေ့ နိုင်ငံတော်တွင် ပြည်သူတို့လိုလား တောင့်တနေကြသော ပါတီစုံ ဒီမိုကရေစီ လမ်းကြောင်းပေါ်သို့ လျှောက်လှမ်းနေကြရာ နိုင်ငံရေး၊ စီးပွားရေး၊ လူမှုရေး အခြေအနေများ တိုးတက်ရေးအတွက် တပ်မတော်က ပါဝင်ဆောင်ရွက် လျက်ရှိသည်။ နိုင်ငံတော် တည်ငြိမ် ရေးနှင့် ဖွံ့ဖြိုးရေးတို့အတွက် ပဋိပက္ခများ ချုပ်ငြိမ်းစေရန် နိုင်ငံတော်အစိုးရ၊ လွှတ်တော်၊ ပြည်သူနှင့် တပ်မတော်တို့ လက်တွဲကြိုးပမ်းလျက်ရှိကြရာ ပြည်သူတို့ အကျိုးစီးပွားကို ကာကွယ် စောင့်ရှောက်ရေး တာဝန်ထမ်းဆောင်နေသော တပ်မတော် ကာကွယ်ရေး ဦးစီးချုပ် ရုံးက ဒီဇင်ဘာ ၂၁ ရက်တွင် ပစ်ခတ် တိုက်ခိုက်မှု ရပ်စဲရေးနှင့် ထာဝရငြိမ်းချမ်းရေးကို ရည်မှန်းသော ကြေညာချက် ထုတ်ပြန်ထားပြီး ဖြစ်သည်။ အဆိုပါ ကြေညာချက်၌ ''၂ဝ၂ဝ ပြည့်နှစ်တွင် ငြိမ်းချမ်းရေး လုပ်ငန်းစဉ်များ ပြီးမြောက်စေရေး သန္နိဋ္ဌာန်ချထားကြောင်းနှင့် တပ်မတော် အနေဖြင့် သန္နိဋ္ဌာန်အတိုင်း ဖြစ်မြောက်အောင် ဆောင်ရွက်ပြီး တိုင်းရင်းသား ပြည်သူလူထု လိုလားတောင့်တနေသည့် ထာဝရ ငြိမ်းချမ်းရေးကို ပြည်သူ့လက်သို့ အရောက် အပ်နှင်းမည်ဟူသည့် သန္နိဋ္ဌာန်ကို တိုင်းရင်းသား လက်နက်ကိုင် အဖွဲ့အစည်း အားလုံးက လည်း ကတိကဝတ်ပြုပြီးနောက် လုံခြုံရေးဆိုင်ရာ ပြန်လည်ပေါင်းစည်းရေးနှင့် ပြည်ထောင်စု သဘောတူ စာချုပ်ချုပ်ဆိုနိုင်ရေးသတ်မှတ်လုပ်ငန်းစဉ်များ အတိုင်းပြီးမြောက် အောင်မြင် သည်အထိ ဆက်လက် အကောင်အထည်ဖော် ဆောင်ရွက် သွားကြရမည် ဖြစ်ကြောင်း ထုတ်ပြန် ကြေညာအပ်ပါသည်'' ဟူ၍ ဖော်ပြထားသည်။

-

ပစ်ခတ်တိုက်ခိုက်မှု ရပ်စဲရေးနှင့် ငြိမ်းချမ်းရေးဆိုင်ရာ ဆွေးနွေးမှုများ တိုးတက်ကောင်းမွန်မှု နှင့်အတူ တိုင်းရင်းသား နယ်မြေများ၏ လူမှုစီးပွားဘဝ ဖွံ့ဖြိုးတိုးတက်ရေးဆိုင်ရာ အကောင် အထည်ဖော်မှုတွင်လည်း တပ်မတော် အနေဖြင့် စွမ်းအားရှိသမျှ ပါဝင်ကူညီ ဆောင်ရွက် ပေးသွားမည်ဖြစ်ရာ ဘွဲ့ရအမျိုးသမီး ဗိုလ်လောင်း သင်တန်းအမှတ်စဉ်(၅) သင်တန်းဆင်း အမျိုးသမီး အရာရှိများအနေဖြင့် တစ်တပ်တစ်အားပါဝင်ကြရမည်မှာ ဂုဏ်ယူဖွယ် တာဝန် တစ်ရပ်ဖြစ်ကြောင်း မြဝတီက ထပ်လောင်း ပြောကြားရင်း ကြိုဆိုဂုဏ်ပြု လိုက်ရပါသည်။

-

#မြ၀တီနေ့စဉ်သတင်းစာ