ရခိုင်ပြည်နယ်တွင် နေရပ်စွန့်ခွာသူများ ပြန်လည်လက်ခံရေးအတွက် မြန်မာနိုင်ငံက ပြင်ဆင် ထားရှိသည့် အစီအစဉ်များ ဆွေးနွေး

-

နေပြည်တော် ဒီဇင်ဘာ ၁၈

-

နိုင်ငံတော်၏ အတိုင်ပင်ခံပုဂ္ဂိုလ် နိုင်ငံခြားရေး ဝန်ကြီးဌာန ပြည်ထောင်စုဝန်ကြီး ဒေါ် အောင်ဆန်းစုကြည် သည် အာဆီယံ အတွင်းရေးမှူးချုပ် ဒါတိုလင်ကျောက်ဟွိုင်အား ယနေ့ နံနက် ၉ နာရီ ၄၅ မိနစ်တွင် နေပြည်တော်ရှိ နိုင်ငံခြားရေး ဝန်ကြီးဌာန၌ လက်ခံတွေ့ဆုံသည်။ ထိုသို့တွေ့ဆုံစဉ် ရခိုင်ပြည်နယ်တွင် နေရပ်စွန့်ခွာသူများ ပြန်လည်လက်ခံရေးအတွက် မြန်မာ နိုင်ငံက ပြင်ဆင်ထားရှိသည့် အစီအစဉ်များ၊ နေရပ်စွန့်ခွာသူများအား ပြန်လည် လက်ခံရေး လုပ်ငန်းစဉ် အထောက်အကူဖြစ်စေရေး အတွက် ဘေးအန္တရာယ် စီမံခန့်ခွဲမှုနှင့် ပတ်သက်သည့် အာဆီယံ၏ လူသားချင်း စာနာထောက်ထားမှု အကူအညီများ ညှိနှိုင်းရေးဌာန (AHA Centre) က လိုအပ်ချက် ဆန်းစစ်ဖော်ထုတ်ရေးအဖွဲ့ စေလွှတ်ရေး ကိစ္စနှင့် သဘာဝဘေး အန္တရာယ် တုံ့ပြန်ရေးဆိုင်ရာ လူ့စွမ်းအား အရင်းအမြစ်ဖွံ့ဖြိုးရေး အစီအစဉ်များ မြန်မာနိုင်ငံ၌ ဖွင့်လှစ်ရေး ကိစ္စတို့ အပါအဝင် ရခိုင်ပြည်နယ်၏ ဖြစ်ပေါ်တိုးတက်မှု အခြေအနေတို့နှင့် စပ်လျဉ်း၍ ဆွေး နွေးခဲ့ကြကြောင်း သိရသည်။

-

(သတင်းစဉ်)

-

#မြ၀တီနေ့စဉ်သတင်းစာ