တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင် မြန်မာနိုင်ငံဆိုင်ရာ ပြင်သစ်နိုင်ငံသံ အမတ်ကြီး H.E. MR. CHRISTIAN LECHERVY အား လက်ခံတွေ့ဆုံ

-

နေပြည်တော်၊ ဒီဇင်ဘာ ၁၈ 

-

တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်သည် မြန်မာနိုင်ငံဆိုင်ရာ ပြင်သစ်နိုင်ငံ သံအမတ်ကြီး H.E. Mr. Christian Lechervy အား ယနေ့နံနက်ပိုင်းတွင် ရန်ကုန်မြို့၊ ကုန်းမြင့်သာရှိ ဇေယျာသီရိဗိမာန်၌ လက်ခံတွေ့ဆုံသည်။ 

-

အဆိုပါ တွေ့ဆုံပွဲသို့ တပ်မတော် ကာကွယ်ရေး ဦးစီးချုပ်နှင့်အတူ ကာကွယ်ရေး ဦးစီးချုပ်ရုံး (ကြည်း)မှ ဒုတိယ ဗိုလ်ချုပ်ကြီး စိုးထွဋ်နှင့် တပ်မတော် အရာရှိကြီးများ တက်ရောက်ကြပြီး မြန်မာနိုင်ငံဆိုင်ရာ ပြင်သစ်နိုင်ငံ သံအမတ် ကြီးနှင့်အတူ ပြင်သစ်နိုင်ငံ အောက်လွှတ်တော် အမတ်များ၊ မြန်မာနိုင်ငံဆိုင်ရာ ပြင်သစ်နိုင်ငံ စစ်သံမှူး Lt. Col. Nadia PIERCYနှင့် တာဝန်ရှိသူများ တက်ရောက်ကြသည်။

-

ထိုသို့တွေ့ဆုံရာတွင် အာဆီယံ အဖွဲ့နှင့် ပြင်သစ်နိုင်ငံ ပူးပေါင်း ဆောင်ရွက်နိုင်မည့် အခြေအနေများ၊ အာဆီယံ အဖွဲ့နှင့် BIMSTEC အဖွဲ့တွင် မြန်မာနိုင်ငံမှ အဖွဲ့ဝင် နိုင်ငံအဖြစ် ပါဝင်ဆောင်ရွက်နေမှုအခြေအနေများ၊ မြန်မာနိုင်ငံ တွင် ပြည်သူများမှ ရွေးချယ်သည့် ပါတီစုံ ဒီမိုကရေစီ လမ်းကြောင်းပေါ်၌ လျှောက်လှမ်းရာတွင် ခိုင်မာမှု ရှိစေရန်အတွက် တပ်မတော်မှ ဆောင်ရွက်နေမှုနှင့် ပြည်တွင်းငြိမ်းချမ်းရေး ရရှိရန် ကြိုးပမ်းဆောင်ရွက်နေမှု အခြေအနေများ၊ ကာကွယ်ရေးဆိုင်ရာ ကိစ္စရပ် အခြေအနေများ၊ မြန်မာနိုင်ငံနှင့် ပြင်သစ်နိုင်ငံ စစ်ဘက်ဆိုင်ရာ ဆက်ဆံရေး၊ ကာကွယ်ရေးဆိုင်ရာပူးပေါင်း ဆောင်ရွက်ရေး၊ အကြမ်းဖက်မှု တိုက်ဖျက်ရေး အတွက် သတင်းဖလှယ်ရေးတို့တွင် ပူးပေါင်း ဆောင်ရွက်နိုင်မည့် အခြေအနေများ၊ မြန်မာနိုင်ငံတွင် ရင်းနှီးမြှုပ်နှံမှု ပြုလုပ်နိုင်သည့်အလားအလာနှင့် အခွင့်အလမ်းကောင်းများ ရှိနေသည့် အခြေအနေများ၊ မြန်မာနိုင်ငံတွင် လာရောက် နေထိုင်၍ လုပ်ငန်းများ ဆောင်ရွက်လျက်ရှိ သည့် ပြင်သစ်နိုင်ငံသားများအား ဥပဒေနှင့်အညီကာကွယ်စောင့်ရှောက် ပေးလျက်ရှိသည့် အခြေအနေများ၊ သဘာဝ ပတ်ဝန်းကျင်နှင့် ဇီဝပတ်ဝန်းကျင် ထိန်းသိမ်းရေး၊ ရာသီဥတု ပြောင်းလဲမှုဆိုင်ရာ အခြေအနေများ၊ မြန်မာနိုင်ငံတွင် ကျန်းမာရေးနှင့်ပညာရေး ဖွံ့ဖြိုး တိုးတက်မှုဆိုင်ရာ အခြေအနေများအား ကျယ်ကျယ်ပြန့်ပြန့် ရင်းရင်းနှီးနှီး ဆွေးနွေးခဲ့ကြသည်။ ယင်းနောက် တပ်မတော် ကာကွယ်ရေး ဦးစီးချုပ်နှင့် မြန်မာနိုင်ငံဆိုင်ရာ ပြင်သစ်နိုင်ငံသံအမတ်ကြီးတို့သည် အမှတ်တရ လက်ဆောင်ပစ္စည်း အပြန်အလှန် ပေးအပ်ပြီး တက်ရောက် လာကြသူများနှင့်အတူ စုပေါင်းဓာတ်ပုံ ရိုက်ခဲ့ ကြကြောင်း သတင်းရရှိသည်။

-

#မြ၀တီနေ့စဉ်သတင်းစာ