မဟာအံ့ထူးကံသာ(ပြည်ချစ်) ဘုရားကြီးအား မသိုးသင်္ကန်းနှင့် ဆီမီး ၉ဝဝဝ ကပ်လှူ ပူဇော်မည်

-

ပြင်ဦးလွင် နိုဝင်ဘာ ၁၉ 

-

မန္တလေးတိုင်းဒေသကြီး ပြင်ဦးလွင်ခရိုင် ပြင်ဦးလွင်မြို့ မဟာအံ့ထူးကံသာ(ပြည်ချစ်) ဘုရားကြီးအား (၁၈)ကြိမ်မြောက် မသိုးသင်္ကန်းနှင့် ဆီမီး ၉ဝဝဝ ကပ်လှူပူဇော်ပွဲကို တန်ဆောင်မုန်းလပြည့်နေ့ နံနက် ၄ နာရီတွင်   ကပ်လှူပူဇော်မည်ဖြစ်ကြောင်း သိရသည်။

-

ဘုရားကြီးအား  မသိုးသင်္ကန်း ကပ်လှူခဲ့သည်မှာ ယခုအကြိမ်သည် (၁၈)ကြိမ်မြောက် ဖြစ်ကြောင်း၊ မသိုးသင်္ကန်းရက်လုပ်ရာတွင် ရက်ကန်းစင်ငါးစင်ဖြင့် ရက်လုပ်သွားမည်ဖြစ်ပြီး ပြိုင်ပွဲအနေဖြင့် ပြုလုပ်ခြင်းမဟုတ်ကြောင်း၊ ရက်ကန်းခတ်သူများမှာ အမရပူရမြို့မှ ရက်ကန်းသမလေးများဖြစ်ပြီး နှစ်စဉ်လုပ်အားဒါနဖြင့် ပူဇော်ခြင်းဖြစ်ကြောင်း၊ မသိုးသင်္ကန်းကို တန်ဆောင်မုန်းလဆန်း ၁၄ ရက် ညနေ ၆ နာရီတွင် စတင်ခတ်ပြီး  ရရှိလာသည့် သင်္ကန်းများကိုချုပ်ကာ ဘုရားကြီးအား တန်ဆောင်မုန်းလပြည့်နေ့တွင်  ကပ်လှူသွားမည်ဖြစ်ကြောင်း ဘုရားဂေါပက အဖွဲ့ဝင်တစ်ဦးက ပြောသည်။

-

အဆိုပါ  မသိုးသင်္ကန်း ကပ်လှူပြီးပါက ဆရာတော် သံဃာတော်များအား အရုဏ်ဆွမ်းကပ်၍ နံနက် ၆ နာရီတွင် ဘုရားကြီးအား အနေကဇာတင်ပွဲ ကျင်းပမည်ဖြစ်သည်။

-

ထို့နောက်  ဂေါပကအဖွဲ့မှ  ရက်ကန်းအဖွဲ့အား ဂုဏ်ပြုဆုဖလားနှင့်အတူ  ဆုငွေများ    ပေးအပ်သွားမည်ဖြစ်ကြောင်းနှင့် တန်ဆောင်မုန်းလပြည့်နေ့ ညနေ ၆ နာရီတွင် ဘုရားကြီးရင်ပြင်တော်ပေါ်၌ ဆီမီး ၉ဝဝဝ ကပ်လှူပူဇော်ပွဲ ကျင်းပ သွားမည် ဖြစ်ကြောင်း သိရသည်။  

-

#မြ၀တီနေ့စဉ်သတင်းစာ