ပြင်ဦးလွင် တန်ဆောင်တိုင် မီးပုံးပျံပွဲတော် ညမီးပုံးပျံပြိုင်ပွဲ လာရောက်ကြည့်ရှု သူများဖြင့် စည်ကား

-

ပြင်ဦးလွင်  နိုဝင်ဘာ  ၂၂

-

မန္တလေးတိုင်းဒေသကြီး ပြင်ဦးလွင်ခရိုင် ပြင်ဦးလွင်မြို့နယ်၌ နိုဝင်ဘာ ၁၉ ရက်မှ ၂၃ ရက်အထိ ကျင်းပလျက်ရှိသော မဟာအံ့ထူးကံသာ ဆုတောင်းပြည့်ဘုရား တန်ဆောင်တိုင် မီးပုံးပျံပွဲတော်သို့  အနယ်နယ် အရပ်ရပ်မှ လာရောက်ကြည့်ရှုသူ ဘုရားဖူးပြည်သူများ၊ ဒေသခံပြည်သူများဖြင့်  စည်ကားလျက်ရှိကြောင်း သိရသည်။

-

အဆိုပါ မီးပုံးပျံပြိုင်ပွဲတွင် နိုဝင်ဘာ ၂၁ ရက်ညက စိန်နားပန်မီးပုံးပျံ လေးလုံးနှင့် ညမီးကြီး သုံးလုံးတို့ကို အောင်မြင်စွာ လွှတ်တင် ယှဉ်ပြိုင်ခဲ့ကြသည်။

-

မဟာအံ့ထူးကံသာ ဆုတောင်းပြည့်ဘုရား တန်ဆောင်တိုင် မီးပုံးပျံပွဲတော်တွင် ''ညီညာလက်တွဲ ယှဉ်ကာနွှဲ၊ ပြင်ဦးလွင် တန်ဆောင်တိုင်ပွဲ'' ခေါင်းစဉ်ဖြင့်  ဖိတ်ခေါ်ရောင်စုံ ဓာတ်ပုံပြိုင်ပွဲ ထည့်သွင်း ပြုလုပ်သောကြောင့် အနယ်နယ် အရပ်ရပ်မှ ဓာတ်ပုံပညာရှင်များ၊ဝါသနာရှင်များကလည်း လာရောက်ရိုက်ကူးလျက် ရှိသည်။

-

ပြင်ဦးလွင်တန်ဆောင်တိုင် မီးပုံးပျံပွဲတော်တွင် နေ့ရုပ်အလှ ၆၃ လုံး၊ စိန်နားပန် ၁၈ လုံးနှင့် ညမီးကြီး ၁ဝ လုံး စုစုပေါင်း ၉၁လုံး လွှတ်တင်သွားမည်ဖြစ်ကြောင်း   သိရသည်။

-

#မြ၀တီနေ့စဉ်သတင်းစာ