စီးပွားရေးဆိုင်ရာ အမျိုးသမီး ခေါင်းဆောင်မှု စွမ်းရည်မြှင့်တင်ပေးနိုင်မည့် ဆွေးနွေး ဖလှယ်ပွဲ ကျင်းပမည်

-

ရန်ကုန်  နိုဝင်ဘာ  ၁၃ 

-

စီးပွားရေးနယ်ပယ် အသီးသီး၌  ဦးဆောင်လုပ်ကိုင်လျက်ရှိသည့် အမျိုးသမီးများက ၎င်းတို့ဖြတ်သန်းခဲ့ရသည့်   အတွေ့အကြုံ၊ ရင်ဆိုင်ခဲ့ရသည့်  စိန်ခေါ်မှုများနှင့် ပတ်သက်၍ စီးပွားရေးဆိုင်ရာ ခေါင်းဆောင်မှုစွမ်းရည် မြှင့်တင်ပေးနိုင်မည့် ဆွေးနွေးဖလှယ်ပွဲ တစ်ရပ်  ကျင်းပမည်ဖြစ်ကြောင်း ယနေ့တွင် ရန်ကုန်မြို့ Pan Pacific ဟိုတယ်၌ ကျင်းပသည့် အဆိုပါသတင်းစာရှင်းလင်းပွဲ အခမ်းအနားမှ  သိရသည်။

-

''ဒီဆွေးနွေးပွဲမှာ   ဒီနေ့ခေတ်  မြန်မာ့လူ့ဘောင် အဖွဲ့အစည်းမှာ  အမျိုးသမီးခေါင်းဆောင် တစ်ယောက်ဖြစ်လာတဲ့အပေါ်  ရှုထောင့်မျိုးစုံကနေ   ဆွေးနွေးကြမှာဖြစ်ပါတယ်။  ကျွန်မတို့အနေနဲ့   ဦးဆောင်ဦးရွက် ပြုနိုင်ပြီး  စီးပွားရေး လုပ်ငန်းတွေနဲ့  အလုပ်အကိုင် အခွင့်အလမ်းတွေ ဖန်တီးတည်ဆောက်နိုင်တဲ့ အပြင် အမျိုးသမီး လူငယ်ခေါင်းဆောင် များစွာကိုလည်း  မွေးထုတ်ပေးနိုင်ဖို့  မျှော်လင့်ပါတယ်''ဟု AustCham Myanmar အမှုဆောင် အရာရှိချုပ် Jodi  Weedon  ကပြောသည်။

-

ဆွေးနွေးပွဲကို နိုဝင်ဘာ ၁၇ ရက်တွင် ရန်ကုန်မြို့  Pan Pacific ဟိုတယ်၌ ကျင်းပမည်ဖြစ်သည်။ အဆိုပါ ဆွေးနွေးဖလှယ်ပွဲကို AustCham  Myanmar မှ အမျိုးသမီးများနှင့် ပူးပေါင်းလုပ်ဆောင်မည်ဖြစ်ပြီး  ယင်းအခမ်းအနားကို  မြန်မာနိုင်ငံဆိုင်ရာ  သြစတြေးလျ သံရုံးနှင့် IFC ၊ Cardno ၊ Wave Money ရွှေတောင်လုပ်ငန်းစုနှင့်  Marga Landmark  တို့မှလည်း  ပါဝင်ပံ့ပိုးပေးမည်ဖြစ်ကြောင်း သိရသည်။

-

ယင်းဆွေးနွေးဖလှယ်ပွဲသို့ တက်ရောက်လိုသူများ အနေဖြင့် https://myanpwel.com/ event/detail/1534/women-in-business-leadership-development တွင် ကြိုတင် စာရင်းသွင်းကာ လက်မှတ်များ ရယူနိုင်ကြောင်း သိရသည်။

-

#မြ၀တီနေ့စဉ်သတင်းစာ