ကျိုင်းတုံ ၁၃-၈-၂ဝ၁၈
ရှမ်းပြည်နယ် (အရှေ့ပိုင်း) ကျိုင်းတုံမြို့တွင် သြဂုတ် ၁၁ရက် ညပိုင်းက မိုးသည်းထန်စွာ ရွာသွန်းမှုကြောင့် နောင်ဖာကျေးရွာ အုပ်စုရှိ နမ့်ခင်ချောင်း နမ့်ခင်နွဲ့တံတားတွင် တောင်ကျရေများ ကျဆင်းလာပြီး နောင်ဖာကျေးရွာနှင့် ကျိုင်းတုံမိုင်းခတ် ကားလမ်းတွင် လမ်းအထက်တစ်ပေကျော် ရေကြီးရေလျှံမှု ဖြစ်ပွားခဲ့ကြောင်း သိရသည်။
အဆိုပါရေကြီး ရေလျှံမှုဖြစ်ပွား ရာနေရာသို့ ယနေ့နံနက်ပိုင်းက အထွေထွေအုပ်ချုပ်ရေး ဦးစီးဌာနမှ ဝန်ထမ်းများ၊ ရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ ကြက်ခြေနီ တပ်ဖွဲ့ဝင်များနှင့် ဒေသခံပြည်သူများက ရေစီးရေလာ ကောင်းမွန်စေရေး ဆောင်ရွက်ခဲ့ကြကြောင်း သိရသည်။
အဆိုပါဆောင်ရွက်မှုကို ခရိုင်အုပ်ချုပ်ရေးမှူး ဦးဝင်းမင်းသိန်း၊ မြို့နယ်အုပ်ချုပ်ရေးမှူး ဦးတင်မြင့်၊ မြို့နယ်ရဲတပ်ဖွဲ့မှူး ရဲမှူးသန်းဌေး၊ ခရိုင်မီးသတ်ဦးစီးဌာန ဦးစီးမှူး ဦးမျိုးဇင်ဝင်း၊ စည်ပင်သာယာရေး ဦးစီးဌာနမှအင်ဂျင်နီယာ ဦးမြင့်ကျော်သူနှင့် အခြားတာဝန်ရှိသူများက ကြပ်မတ် ဆောင်ရွက်ခဲ့ကြောင်း သိရသည်။
#Themyawadydaily
No comments:
Post a Comment