Pages

Friday, April 28, 2017

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင် ဘာလင်မြို့ရှိ Military Historical Museum နှင့် ဘာလင်မြို့တွင်း ကြည့်ရှုလေ့လာ

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့်အဖွဲ့ ဘာလင်မြို့ Gatow ဒေသရှိ Military Historical Museum  အတွင်း ကြည့်ရှုလေ့လာစဉ်။


တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်နှင့်အဖွဲ့ဝင်များ ဘာလင်တံတိုင်းကို လေ့လာကြည့်ရှုစဉ်။


နေပြည်တော် ၂၉-၄-၂၀၁၇

ဂျာမနီနိုင်ငံသို့ တရားဝင်ချစ်ကြည်ရေး ခရီးစဉ်ရောက်ရှိနေသည့် တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင် ဦးဆောင်သော မြန်မာ့တပ်မတော် ချစ်ကြည်ရေး ကိုယ်စားလှယ်အဖွဲ့သည် ဧပြီ ၂၇ ရက် ဒေသစံတော်ချိန် မွန်းလွဲ ၂ နာရီ တွင် ဘာလင်မြို့ Gatow ဒေသရှိ Military Historical Museum သို့ရောက်ရှိခဲ့ရာ ပြတိုက်တာဝန်ခံနှင့် တာဝန်ရှိသူများက ကြိုဆိုခဲ့ပြီး လိုက်လံရှင်းလင်း ပြသကြသည်။

အဆိုပါ Military Historical Museum အား ယခင် Gatow တော်ဝင်လေတပ် လေယာဉ်ကွင်း နေရာတွင် ဖွင့်လှစ်ထားရှိပြီး ပထမကမ္ဘာစစ် သုံးလေယာဉ်များ၊ ဒုတိယကမ္ဘာစစ်သုံး လေယာဉ်များအပါအ၀င် အရှေ့ဂျာမနီနှင့် အနောက်ဂျာမနီ လေတပ်များ အသုံးပြုခဲ့သည့် တိုက်ခိုက်ရေးလေယာဉ်များ၊ ရဟတ်ယာဉ်များ၊ ကင်းထောက်လေယာဉ်များ စသည့် ခေတ်အဆက်ဆက် အသုံးပြုခဲ့သည့် စစ်ဘက် လေယာဉ်များအား ခင်းကျင်းပြသထားရှိကာ ဂျာမနီနိုင်ငံ၏ စစ်သမိုင်းဆိုင်ရာ အချက်အလက်များအား ပြသထားရှိကြောင်း သိရှိရသည်။

ယင်းနောက် တပ်မတော်ကာကွယ်ရေးဦးစီးချုပ် ဦးဆောင်သော မြန်မာ့တပ်မတော်ချစ်ကြည်ရေး ကိုယ်စားလှယ်အဖွဲ့သည် ဒေသစံတော်ချိန် ညနေ ၄ နာရီတွင် ဘာလင်မြို့အတွင်းလှည့်လည်ကြည့်ရှုရာ ဘာလင်တံတိုင်း၊ Check Point Charlie နှင့် Brandenburger Tor စသည့် ကမ္ဘာ့လှည့်ခရီးသွားများ လည်ပတ်ရာ အထင်ကရနေရာ များသို့ ရောက်ရှိလေ့လာ ကြည့်ရှုခဲ့ ကြသည်။

ဘာလင်တံတိုင်းကြီးသည် အရှေ့ဂျာမနီနှင့် အနောက်ဂျာမနီကို ဒုတိယကမ္ဘာစစ်ပြီး နောက်ပိုင်း ၁၉၆၁ ခုနှစ်၊ သြဂုတ် ၁၃ ရက်မှ ၁၉၈၉ ခုနှစ်၊ နိုဝင်ဘာ ၉ ရက်အထိ ရာစုနှစ်၏ ၄ ပုံ ၁ ပုံခန့် ပိုင်းခြားထားခဲ့သည့် တံတိုင်းကြီးဖြစ်ကာ Check Point Charlie သည် စစ်အေးခေတ်ကာလ ၁၉၄၇ ခုနှစ်မှ ၁၉၉၁ ခုနှစ်အတွင်း အရှေ့ဂျာမနီနှင့် အနောက်ဂျာမနီပြည်သူများ နှစ်နိုင်ငံကူး သန်းသွားလာလိုပါက ဘာလင်တံတိုင်းအား ဖြတ်ကျော်ရသည့် နေရာတစ်ခုဖြစ်ပြီး ဘာလင်တံတိုင်း၏ အနောက်ဘက်ပိုင်း တွင်တည်ရှိသည်။ အရှေ့ဂျာမနီဘက်မှ ၀င်ရောက်လာသူများကို အမေရိကန်နှင့် မဟာမိတ်တပ်ဖွဲ့များက စစ်ဆေးသည့် နေရာလည်းဖြစ်သည်။ Brandenburger Tor သည် ဘာလင်မြို့လယ်၏ အနောက် ဘက်ခြမ်းတွင်တည်ရှိပြီး ၁၇၈၈ ခုနှစ်မှ ၁၇၉၁ ခုနှစ် အတွင်း Frederick William II ဘုရင်လက်ထက်တွင် ငြိမ်းချမ်းရေး သင်္ကေတအနေဖြင့် တည်ဆောက်ခဲ့ခြင်း ဖြစ်ပြီး ဒုတိယကမ္ဘာစစ် ကာလအတွင်း ပျက်စီးခဲ့မှု များကြောင့် ၂၀၀၀-၂၀၀၂ ခုနှစ်တွင်ပြန်လည်ပြုပြင် တည်ဆောက် ထားခြင်းဖြစ်ကာ Brandenburger Tor သည် သမိုင်းဝင် အဖြစ်အပျက် များစွာနှင့် ပြည့်နှက် နေသည့်နေရာ တစ်ခုဖြစ်ကြောင်း သိရသည်။

#Themyawadydaily

No comments:

Post a Comment

Related Posts Plugin for WordPress, Blogger...