ရန်ကုန် ၊ ၁၁-၅-၂၀၁၅
ကုလသမဂ္ဂ ကလေးငယ်များ ရန်ပုံငွေ အဖွဲ့ ( UNICEF ) မှ အလုပ်သမား၊ အလုပ်အကိုင်နှင့် လူမှုဖူလုံရေး ဝန်ကြီးဌာန၊ အလုပ်ရုံနှင့် အလုပ်သမား ဥပဒေ စစ်ဆေးရေး ဦးစီးဌာနနှင့် စက်ရုံများနှင့် အထွေထွေ အလုပ်သမား ဥပဒေများ စစ်ဆေးရေး ဦးစီးဌာန နှင့် ပူးပေါင်းပြီး စက်ရုံ၊ အလုပ်ရုံ များ၌ အလုပ်လုပ်ကိုင် နေကြသည့် ကလေး လုပ်သားများ စာရင်းကို ဖော်ထုတ် သတ်မှတ်ပြီး လိုအပ်သော တုံ့ပြန်မှု ပေးနိုင်ရန် ဆောင်ရွက် သွားမည် ဖြစ်ကြောင်း UNICEF မြန်မာမှ သိရသည်။လက်ရှိတွင် မြန်မာနိုင်ငံ၏ ပထမဆုံး ကလေး အလုပ်သမား စောင့်ကြည့် လေ့လာမှု မှတ်တမ်းများကို စာရင်းပြုစု ထားပြီး အလုပ်သမား ဝန်ကြီးဌာန၏ အလုပ်ခွင် အတွင်း ကလေး အလုပ်သမား အမှုများအား ဖော်ထုတ်နိုင်ခြင်း နည်းစနစ် တစ်ခုဖြင့် ဆောင်ရွက်ခြင်း ဖြစ်ကြောင်း သိရသည်။
UNICEF သည် မြန်မာနိုင်ငံ အတွင်းရှိ ကလေးများ ကာကွယ် စောင့်ရှောက်ရေး လုပ်ငန်းများတွင် ဥပဒေ ပြဋ္ဌာန်းချက်နှင့် မူဝါဒများ၊ လုပ်ငန်း ဆောင်ရွက်ချက်များ ပိုမို အားကောင်း လာစေရန် အစိုးရနှင့် အစိုးရ မဟုတ်သော အဖွဲ့အစည်း များအား ပံ့ပိုးပေးလျက် ရှိရာ လုပ်ငန်းခွင် အတွင်းရှိ ကလေးလုပ်သား အခွင့်အရေးများ အပြည့်အဝ ကာကွယ် ပေးနိုင်ရန် ဆောင်ရွက် သွားမည် ဖြစ်ကြောင်း သိရသည်။
အေဒီမိုး
#Themyawadydaily
No comments:
Post a Comment