အသက်ရှည် ကျန်းမာစေကြောင်း နည်းလမ်းကောင်း
လူတိုင်းလူတိုင်း သက်တမ်းစေ့ နေနိုင်ရေးနှင့် ရောဂါဘယ ကင်းရှင်းရေး တို့ကို လိုလား ကြသည်။ အသက်ရှည် အနာကင်း ပါစေဟု ဆုပေးကြသည်။ ဆုတောင်း ကြသည်။ သို့သော် ဆုတောင်းတိုင်း မပြည့်ပါ။ ပေးသည့်ဆုနှင့် ပြည့်စေရန်မှာ အသက်ရှည် စေကြောင်း နည်းလမ်းကောင်း၊ ကျန်းမာစေ ရန် အကျင့်ကောင်း တို့ကို ကျင့်သုံးနိုင် မှသာ ရရှိမည် ဖြစ်သည်။ လူတိုင်း ကိုယ်စီတွင် လိုအင်ဆန္ဒ များစွာ ရှိသည့်အနက် အသက်ရှည်ခြင်း၊ အဆင်းလှခြင်း၊ ကျန်းမာခြင်း တို့သည် အဓိက လိုလားချက် များ ဖြစ်သည်။
ထို လိုလားချက် များကို ဘာသာရေး ရှုထောင့်မှ ကြည့်လျှင် ကိုယ်ကျင့်သီလ နည်းပါးသဖြင့် လူတို့ သက်တမ်းတို လာသည်။ ရောဂါဘယ ထူပြော လာသည်ဟု သိရသည်။ ထို့ကြောင့် လူတိုင်း ကျန်းမာရန် ကိုယ်ကျင့် သီလများ စောင့်ထိန်း လိုက်နာ ကျင့်သုံးသင့် သည်ဟု ယူဆနိုင်သည်။ သတ္တ လောကတွင် လူနှင့် တိရစ္ဆာန် ကို ကွဲပြား သိသာစေသည့် အချက်များ၌ ဗြဟ္မစိုရ် တရား လေးပါးသည် အဓိက ဖြစ်သည်။အဆင့်အတန်း မြင့်သော၊ လူသားတို့ ကျင့်သုံး အပ်သော ဗြဟ္မာတို့ ကျင့်သုံး သည့် အကျင့်တရား ဖြစ်၍ လောကပါလ တရားဟုလည်း ခေါ်သည်။
လောကပါလ တရား လေးပါးတွင် မေတ္တာသည် ငြိမ်းချမ်းမှု၏ သင်္ကေတ၊ လူသား ပီသသည့် နှလုံးသား၏ အမြုတေ ရတနာ တစ်ပါး ဖြစ်သည်။ မေတ္တာတရား လွှမ်းခြုံသော နှလုံးသား ပိုင်ရှင်များ၏ အပြုအမူ၊ အပြောအဆို၊ အကြံအစည် တို့သည် ငြိမ်းချမ်းမှု အတိ အစဉ်ရှိနေ၍ ငြိမ်းချမ်းသူ အဖြစ်ကို ရရှိသည်။
ကရုဏာ ဟူသော လောကပါလ တရားသည် ဆူကြုံနိမ့်မြင့် လောက ဓမ္မတာအရ မိမိထက် နိမ့်ပါးသော သူများ အပေါ်တွင် သနား ကြင်နာသည့် မေတ္တာ ကိုယ်ပွား စိတ်ထား တစ်ရပ် ဖြစ်ပေသည်။ မိမိထက် နိမ့်ပါးသူ၊ နိမ့်ကျသူတို့ အပေါ်တွင် အထင်အမြင် သေးသည့် သဘောဖြင့် မထီလေးစား ပြုမူခြင်း မရှိဘဲ ကြင်နာသနား ပံ့ပိုးကူညီမှု ပြုခြင်းသည် ကရုဏာ တရား၏ သင်္ကေတ ဖြစ်သည်။ ကရုဏာ တရား ရင်ဝယ်ထား သူ၌ ပူလောင်မှု မရှိ၊ ငြိမ်းချမ်းမှု အတိသာ ရှိ၍ ငြိမ်းချမ်းသည့် ဘဝ ပိုင်ဆိုင်သူ အဖြစ် ရရှိသည်။
မုဒိတာ ဟူသော လောကပါလ တရားမှာ မိမိထက် အဆင့်မြင့်သူ၊ ရာထူး ဂုဏ်သိမ်၊ ဓနဥစ္စာ၊ ပညာအရာ၊ နေရာထိုင်ခင်း စသည်ဖြင့် လူကြီး၊ လူကောင်းများ နှင့် ထိတွေ့ဆက်ဆံမှု ပြုချိန်တွင် မနာလို ဝန်တို ဆန့်ကျင်ဘက် စိတ်မထားဘဲ လှိုက်လှဲ ဝမ်းသာပီတိ ဖြစ်ခြင်း ဖြစ်သည်။ ထို မုဒိတာ ဟူသည်လည်း မေတ္တာ တရား၏ ကိုယ်ပွားပင် ဖြစ်သည်။ မုဒိတာ ထားသူ၏ စိတ်ထားသည် ငြိမ်းချမ်း၍ အေးချမ်းသော ဘဝ ပိုင်ဆိုင်သူ အဖြစ်ကို ရရှိသည်။
ဥပေက္ခာ ဟူသော လောကပါလ တရားသည် မေတ္တာ၊ ကရုဏာ၊ မုဒိတာတရား တို့နှင့် ချဉ်းကပ် ဆက်ဆံ ပြုပြင်၍ မရသောအခါ လျစ်လျူရှု ခြင်းဖြင့် ငြိမ်းချမ်းမှုကို ရယူခြင်း ဖြစ်သည်။ ဆုံရ၊ ကြုံရ ဘုံဘဝတွင် မရှင်းနိုင်သော ပြဿနာ၊ မပေးနိုင်သော အတိုင်းအတာ တို့နှင့် ရင်ဆိုင် ရသောအခါ စိတ်ဆင်းရဲမှုကို ရင်ဝယ် မထားဘဲ မဖြေရှင်း နိုင်သည့် အမှန်ကို လက်ခံ၍ လျစ်လျူရှု ခြင်းဖြင့် ငြိမ်းအေးမှုကို ရယူသူ၏ ဘဝသည် ငြိမ်းအေး ချမ်းသာ ပေမည်။
သို့ဖြစ်ရာ သက်ရှည် ကျန်းမာ နေနိုင်ကြ စေရန်အတွက် ဆုတောင်း နေရုံနှင့် မရ၊ အသက်ရှည် စေကြောင်း နည်းလမ်းကောင်း၊ ကျန်းမာစေကြောင်း အကျင့်ကောင်း ဖြစ်သည့် ဗြဟ္မစိုရ် တရား လေးပါးကို နေ့စဉ်ကျင့်သုံး သွားကြရမည် ဖြစ်ပါကြောင်း အကြုံပြု ရေးသား လိုက်ရ ပေသည်။
( အယ်ဒီတာ့အာဘော် )
#Yadanarpondaily
No comments:
Post a Comment