ရန်ကုန် ၊ ၃-၃-၂၀၁၄
နိုင်ငံတော် တွင် အစိုးရပိုင်း ဆိုင်ရာ လုပ်ငန်းကဏ္ဍ များ လုပ်ဆောင်ရာတွင် ပိုမို လျင်မြန်မှု ရှိစေရန် ပြည်တွင်း ပြည်ပမှ ကျွမ်းကျင် ပညာရှင်များ၏ အကူအညီ ဖြင့် e-Government စနစ်ကို စတင် အကောင် အထည်ဖော် ဆောင်ရွက်လျက် ရှိပြီး ၀န်ကြီးဌာန အားလုံး ပါဝင် ဆောင်ရွက် ကြရန် နိုင်ငံတော် အစိုးရ မှ လမ်းညွှန်ချက် နှင့်အညီ ၀န်ကြီးဌာန များက ၄င်းတို့၏ သက်ဆိုင်ရာ လုပ်ငန်း များတွင် အီလက်ထရွန်နစ် စနစ်များ ၊ ကွန်ပျူတာ စနစ်များ ၊ အွန်လိုင်း စနစ်များ စသည်တို့ကို အသုံးများ တွင်ကျယ် လာစေရန် လုပ်ဆောင်လျက် ရှိရာ စီးပွားရေး နှင့် ကူးသန်း ရောင်းဝယ်ရေး ၀န်ကြီးဌာန ၊ ကုန်သွယ်ရေး ညွှန်ကြားမှု ဦးစီးဌာန အနေနှင့်လည်း စီးပွားရေး လုပ်ငန်းရှင် များမှ ထုတ်ကုန် သွင်းကုန် လုပ်ငန်းရှင် မှတ်ပုံတင်ခြင်း နှင့် စီးပွားရေး အကျိုးဆောင် မှတ်ပုံတင်ခြင်း တို့ကို လျှောက်ထား ရာတွင် အွန်လိုင်းမှ လျှောက်ထား နိုင်စေရန် ယမန်နေ့ မှ စတင်ကာ ဆောင်ရွက် ပေးနေပြီ ဖြစ်ကြောင်း သိရသည်။
အွန်လိုင်းမှ တစ်ဆင့် လျှောက်ထား လိုသူများ အနေဖြင့် Myanmar Trade net Website ( www.myanmartradenet.com.mm) မှတစ်ဆင့် လျှောက်ထား ရမည်ဖြစ်ပြီး အဆိုပါ ၀က်ဘ်ဆိုက် တွင် Member အဖြစ် ၀င်ရောက်ရန် မလိုဘဲ ထုတ်ကုန် သွင်းကုန် လုပ်ငန်းရှင် မှတ်ပုံတင် နှင့် စီးပွားရေး အကျိုးဆောင် မှတ်ပုံတင် လျှောက်ထားရန် အတွက် ဖြည့်စွက်ရမည့် ပုံစံတွင် လုိုအပ်သည်များ ဖြည့်သွင်းကာ လျှောက်ထား ရမည် ဖြစ်သည်။
ထိုသို့ အင်တာနက် မှ တစ်ဆင့် လျှောက်ထား ရာတွင် အွန်လိုင်းကြေး ငွေကျပ် ၂၅၀၀ နှင့် မှတ်ပုံတင် ကတ်ပြားကြေး ငွေကျပ် ၅၀၀ ၊ စုစုပေါင်း ငွေကျပ် ၃၀၀၀ ကို သက်ဆိုင်ရာ မှ ကောက်ခံ သွားမည် ဖြစ်ပြီး အဆိုပါ ထုတ်ကုန် သွင်းကုန် လုပ်ငန်းရှင် မှတ်ပုံတင် ခြင်းနှင့် စီးပွားရေး အကျိုးဆောင် မှတ်ပုံတင် ခြင်းတို့ကို ယခုကဲ့သို့ အွန်လိုင်းမှ လျှောက်ထား နိုင်သကဲ့သို့ ယခင်က အတိုင်း လူကိုယ်တိုင် လည်း လာရောက် လျှောက်ထား နိုင်ကြောင်း သိရှိရသည်။ (ဆောင်းဦး)
No comments:
Post a Comment