ခတ္တမန္ဒူ ၊ ၂၇-၁၁-၂၀၁၃
မြတ်ဗုဒ္ဓ ဘုရားရှင် ၏ ဖွားမြင်ရာ နေရာ အစစ်အမှန် ကို သုတေသီ များက ရှာဖွေ တူးဖော် တွေ့ရှိခဲ့ပြီး နောက် မြတ်စွာ ဘုရားရှင် သည် သမိုင်း ပညာရှင်များ ခန့်မှန်း ထားသည်ထက် အနည်းဆုံး ရာစုနှစ် တစ်စု ပိုမိုစောစွာ မွေးဖွားသန့်စင် ခဲ့ဖွယ် ရှိကြောင်း သိရသည်။
ရှေးဟောင်း သုတေသန ပညာရှင် များသည် ဗုဒ္ဓဘုရားရှင် ၏ ဖွားမြင်ရာ နေရာကို နီပေါနိုင်ငံ လုမ္ဗိနီ ဥယျာဉ်အတွင်း မယ်တော် မာယာဒေဝီ ၏ ဘုရားကျောင်း တည်ရှိရာ ရှေးဟောင်း ဗိမာန်တွင် ရှာဖွေတူးဖော် မှုများ ပြုလုပ် နေစဉ် တူးဖော် တွေ့ရှိခဲ့ခြင်း ဖြစ်သည်။
သမိုင်း ပညာရှင်များ သည် ယူနက်စကို ကမ္ဘာ့ ယဉ်ကျေးမှု အမွေအနှစ်များ ထိန်းသိမ်းရာ နေရာကို ယခင်က ဗုဒ္ဓဘုရားရှင် ၏ မွေးဖွားရာ နေရာအဖြစ် သတ်မှတ် ခဲ့သော်လည်း မွေးဖွားရာ နေရာ အစစ်အမှန်ကို ရှာဖွေ တွေ့ရှိခဲ့ သည့်အတွက် ဗုဒ္ဓဘုရားရှင် သည် ရာစုနှစ် တစ်ခုအကြာ ပိုမိုစော၍ ဖွားမြင် ခဲ့ဖွယ် ရှိကြောင်း ယူဆခဲ့ ကြသည်။
ဗုဒ္ဓဘုရားရှင် ၏ မယ်တော် မာယာဒေဝီ သည် ခင်ပွန်းဖြစ်သူ ဘုရင်မင်းမြတ် ၏ စံမြန်းရာ နန်းတော်နှင့် မိဘနှစ်ပါး နေထိုင်ရာ ဗိမာန်၏ အကြား လမ်းခုလတ် တွင် တည်ရှိသော လုမ္ဗိနီ ဥယျာဉ် အတွင်းရှိ သစ်ပင် တစ်ပင်၏ ကိုင်းတစ်ကိုင်း ကို ဆုပ်ကိုင် ထားစဉ် ဗုဒ္ဓမြတ်စွာ ဘုရားကို ဖွားမြင် တော်မူခဲ့ခြင်း ဖြစ်သည်။
၎င်းသစ်ပင် သည် ယခု အသစ်တစ်ဖန် ရှာဖွေ တွေ့ရှိခဲ့သည့် ဗိမာန်၏ အလယ်ရှိ ကွက်လပ်တွင် တည်ရှိသည်။
ယခုကဲ့သို့ မြတ်စွာ ဘုရားရှင် ၏ ဖွားမြင်ရာ နေရာကို ရှာဖွေတွေ့ရှိ ခြင်းသည် အလွန် စိတ်လှုပ်ရှားဖွယ် ကောင်းကြောင်း ၊ ၄င်းဗိမာန် သည် သစ်ပင် ၏ အနီး ပတ်လည်တွင် တည်ဆောက် ထားခြင်း ဖြစ်ပြီး ဘုရားရှင် မွေးဖွားခြင်း နှင့် ၄င်း သစ်ပင်သည် အချိတ်အဆက် ရှိကြောင်း ၊ ရှားပါးသည့် နေရာဒေသ တစ်ခုဖြစ်ကြောင်း ဗြိတိန်နိုင်ငံ သမိုင်းပညာရျင် ၁၅ ဦး၏ အဖွဲ့ခေါင်းဆောင် ဖြစ်သူ ဒါဟမ် တက္ကသိုလ် မှ ပါမောက္ခ ရိုဘင်ကိုနင်ဟမ် က ပြောကြားခဲ့
သည်။
ရှေးဟောင်း သုတေသန ပညာရှင် အဖွဲ့သည် အဆိုပါ နေရာတွင် သုံးနှစ်ကြာ စူးစမ်း လေ့လာမှုများ ပြုလုပ်ခဲ့ကြ ပြီးနောက် ဗုဒ္ဓ ဘုရားရှင်သည် ဘီစီ ၄ဝဝ ပြည့်နှစ် အစောပိုင်း က ဖွားမြင် ခဲ့သည် ဟူသော ယူဆချက်ကို ကန့်ကွက်ခဲ့ ကြပြီး ဘီစီ ၆ ရာစု ကတည်းက ဖွားမြင်ခဲ့ခြင်း ဖြစ်ကြောင်း ယူဆခဲ့ ကြသည်။ ဗုဒ္ဓဘာသာ သည် ကမ္ဘာတွင် သက်တမ်း အရင့်ဆုံး ဘာသာဖြစ်ပြီး ဗုဒ္ဓဘာသာဝင် များသည် သိဒ္ဓတ္ထ ဂေါတမ၏ တရား အဆုံးအမများ ကို လက်ခံ ကျင့်သုံးကြ သူများ ဖြစ်သည်။
ကမ္ဘာတစ်ဝန်းမှ ဗုဒ္ဓဘာသာ ဝင်များသည် ဗုဒ္ဓဘုရားရှင် ဖွားမြင်ရာ နေရာ လုမ္ဗိနီဥယျာဉ် သို့ နှစ်စဉ် ရာပေါင်းများစွာ လာရောက် ဖူးမြော် ကြကြောင်း သိရသည်။
No comments:
Post a Comment