နေပြည်တော် ကောင်စီနယ်မြေ ဇမ္ဗူသီရိမြို့နယ်၌ ရင်ခွင်မဲ့ ကလေးငယ်များပြုစု စောင့်ရှောက်ရန် ကလေးပြုစုရေးဌာန (နေပြည်တော်) အဆောက်အအုံ ရတနာပန္နက်တော်တင် မင်္ဂလာ အခမ်းအနား ကျင်းပ

-

နေပြည်တော် ဖေဖော်ဝါရီ ၁၃

-

ရင်ခွင်မဲ့ကလေးငယ်များပြုစုစောင့်ရှောက်ရန် ကလေးပြုစုရေးဌာန(နေပြည်တော်) အဆောက်အအုံ ရတနာပန္နက် တော်တင်မင်္ဂလာ အခမ်းအနားကို ယနေ့နံနက် ၉ နာရီတွင် နေပြည်တော်ကောင်စီနယ်မြေဇမ္ဗူသီရိမြို့နယ် ဝဏ္ဏသိဒ္ဓိရပ်ကွက်၌ ကျင်းပရာ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် တက်ရောက်၍ ပန္နက်တော် တင်ပေးသည်။

-

အဆိုပါအခမ်းအနားသို့ နိုင်ငံတော်သမ္မတ ဦးဝင်းမြင့်၏ဇနီး ဒေါ်ချိုချို၊ နိုင်ငံတော်သမ္မတဟောင်း ဦးထင်ကျော်၏ဇနီး ဒေါ်စုစုလွင်၊ ဒုတိယ သမ္မတ ဦးမြင့်ဆွေ၏ဇနီး ဒေါ်ခင်သက်ဌေး၊ ဒုတိယသမ္မတဦးဟင်နရီဗန်ထီးယူ၏ဇနီး  ဒေါက်တာ ရွှေလွှမ်း၊ ပြည်သူ့လွှတ်တော်ဥက္ကဋ္ဌ ဦးတီခွန်မြတ် ၏ဇနီး ဒေါ်ရင်မေ၊ ပြည်ထောင်စုရွေးကောက်ပွဲကော်မရှင်ဥက္ကဋ္ဌ ဦးလှသိန်း၏ဇနီး ဒေါ်အေးသီတာ၊ ပြည်ထောင်စုဝန်ကြီးများ၊ နေပြည်တော်ကောင်စီဥက္ကဋ္ဌနှင့် ၎င်းတို့၏ ဇနီးများ၊ လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချ ထားရေးဝန်ကြီးဌာန ဒုတိယဝန်ကြီး၊  မြန်မာနိုင်ငံဆိုင်ရာနိုင်ငံတကာသံရုံးများမှသံအမတ်ကြီးများ၊ ရင်ခွင်မဲ့ကလေးငယ်များလျှော့ချရေးနှင့် ကာကွယ်စောင့်ရှောက်ရေးအသင်း(မြန်မာ) မှ တာဝန်ရှိသူများ၊ အလှူရှင်များနှင့် အထူးဖိတ် ကြားထားသူများတက်ရောက်ကြသည်။

-

မင်္ဂလာအချိန်တွင် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် သတ်မှတ်ပန္နက်တော်ဌာနတွင် ရတနာ ပန္နက်တော်ကို ကိုးချက်စိုက်ထူ၍ အမွှေးနံ့သာရည်ပက်ဖျန်းပေးသည်။

-

အလားတူ ပြည်ထောင်စုဝန်ကြီး ဒေါက်တာ ဝင်းမြတ်အေး၊ မြန်မာနိုင်ငံဆောက်လုပ်ရေးဆိုင်ရာ လုပ်ငန်းရှင်များ အသင်းချုပ် ဥက္ကဋ္ဌ ဦးရှိန်ဝင်း၊ ရင်ခွင်မဲ့ကလေးငယ်များလျှော့ချရေးနှင့် ကာကွယ်စောင့်ရှောက်ရေးအသင်းဥက္ကဋ္ဌ  ဒေါ်မေယဉ်ထွန်းတို့သည် သတ်မှတ်ပန္နက်တော်ဌာနများတွင် ရတနာပန္နက်တော်ကို ကိုးချက်စီစိုက်ထူ၍ အမွှေးနံ့ သာရည်ပက်ဖျန်း ပေးကြသည်။

-

ထို့နောက် နိုင်ငံတော်၏အတိုင်ပင်ခံပုဂ္ဂိုလ်သည်ရင်ခွင်မဲ့ကလေးငယ်များပြုစုစောင့်ရှောက်ရန် ကလေးပြုစုရေးဌာန (နေပြည်တော်) အဆောက်အအုံ ရတနာပန္နက်တော်တင် အခမ်းအနား  အောင်မြင်ခြင်း အထိမ်းအမှတ် အဖြစ် ရတနာ ရွှေမိုးငွေမိုးများ ရွာသွန်းပေးသည်။

-

အဆိုပါ ရင်ခွင်မဲ့ကလေးငယ်များပြုစု စောင့်ရှောက်ရန် ကလေးပြုစုရေးဌာန(နေပြည်တော်) အဆောက်အအုံကို ပြည်ထောင်စုနယ်မြေ  နေပြည်တော်ဇမ္ဗူသီရိမြို့နယ်  ဝဏ္ဏသိဒ္ဓိ ရပ်ကွက်၌ ဆောက်လုပ်သွားမည်ဖြစ်ပြီး ရင်ခွင်မဲ့ ကလေးငယ်များ လျှော့ချရေးနှင့် ကာကွယ် စောင့်ရှောက်ရေးအသင်း(မြန်မာ)က လူမှုဝန်ထမ်း၊ ကယ်ဆယ်ရေးနှင့် ပြန်လည် နေရာ ချထားရေးဝန်ကြီး ဌာနသို့ လှူဒါန်းခြင်းဖြစ်ကြောင်း သိရသည်။

-

(သတင်းစဉ်)

-

#မြ၀တီနေ့စဉ်သတင်းစာ