အောင်ပန်းမြို့၊ အမှတ်(၃)ရပ်ကွက်၊ ပြင်သာကျောင်းလမ်း၌ မီးလောင်မှု ဖြစ်ပွား

-

နေပြည်တော်  ဖေဖော်ဝါရီ  ၂၄ 

-

ရှမ်းပြည်နယ်(တောင်ပိုင်း)၊ အောင်ပန်းမြို့၊ အမှတ်(၃)ရပ်ကွက်၊ ပြင်သာကျောင်းလမ်းရှိ ဒေါ်အုန်းကျင်ပိုင်ဆိုင်သောနေအိမ်မှ ဖေဖော်ဝါရီ ၂၃ ရက် ည ၉ နာရီ ၅ မိနစ်ခန့်တွင်လျှပ်စစ်ဝါယာကြိုး အပူလွန်ကဲရာမှ တစ်ဆင့် မီးလောင်ကျွမ်းမှု ဖြစ်ပွားခဲ့သည်။ 

-

မီးလောင်ရာနေရာသို့ နယ်မြေခံ တပ်မတော်သားများ၊ မြန်မာနိုင်ငံ ရဲတပ်ဖွဲ့ဝင်များ၊မီးသတ်တပ်ဖွဲ့ဝင်များနှင့် ဒေသခံပြည်သူများ စုပေါင်း၍ မီးသတ်ယာဉ်ရှစ်စီးဖြင့်ဝိုင်းဝန်းငြှိမ်းသတ်ခဲ့ရာ ည ၉ နာရီ မိနစ် ၃ဝ ခန့်တွင် မီးငြိမ်း သွားခဲ့သည်။ မီးလောင်မှုကြောင့် ဒေါ်အုန်းကျင်မှာ အခင်းဖြစ်ပွားရာ နေရာတွင် သေဆုံးသွားခဲ့ပြီး ၎င်း၏သားဖြစ်သူ မောင်စိုးမိုးနိုင်မှာ မီးလောင်ဒဏ်ရာများရရှိခဲ့ပြီး အောင်ပန်းမြို့၊ ပြည်သူ့ဆေးရုံသို့ ပို့ဆောင်ဆေးကုသမှု ခံယူစေလျက်ရှိကြောင်း သတင်းရရှိသည်။ 

-

(၁ဝဝ)

-

#မြ၀တီနေ့စဉ်သတင်းစာ