တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင် ဗီယက်နမ်ဆိုရှယ်လစ် သမ္မတနိုင်ငံ၊ ၀န်ကြီးချုပ်၏ အထူးကိုယ်စားလှယ်ဖြစ်သူ ဒုတိယနိုင်ငံခြားရေးဝန်ကြီး H.E. MR. NGUYEN QUOC DUNG အား လက်ခံတွေ့ဆုံ

-

နေပြည်တော်၊ ဇန်န၀ါရီ - ၂၈  

-

တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်သည် ဗီယက်နမ် ဆိုရှယ်လစ်သမ္မတနိုင်ငံ၊ ၀န်ကြီးချုပ်၏ အထူးကိုယ်စားလှယ်ဖြစ်သူ ဒုတိယ နိုင်ငံခြားရေး ၀န်ကြီး H.E. Mr.Nguyen Quoc Dung အား ယနေ့နံနက်ပိုင်းတွင် နေပြည်တော်ရှိ ဘုရင့်နောင်ရိပ်သာ ဧည့်ခန်းမဆောင်၌ လက်ခံတွေ့ဆုံသည်။ အဆိုပါတွေ့ဆုံပွဲသို့ တပ်မတော်ကာကွယ်ရေး ဦးစီးချုပ်နှင့်အတူ ကာကွယ်ရေးဦးစီးချုပ်ရုံး(ကြည်း)မှ ဒုတိယဗိုလ်ချုပ်ကြီး ညိုစော၊ ဒုတိယဗိုလ်ချုပ်ကြီး စိုးထွဋ်နှင့် တပ်မတော် အရာရှိကြီးများ တက်ရောက်ကြပြီး ဗီယက်နမ် ဆိုရှယ်လစ်သမ္မတနိုင်ငံ၊ ၀န်ကြီးချုပ်၏ အထူးကိုယ်စားလှယ်ဖြစ်သူ ဒုတိယနိုင်ငံခြားရေး ၀န်ကြီးနှင့်အတူ မြန်မာနိုင်ငံဆိုင်ရာ ဗီယက်နမ်နိုင်ငံ သံအမတ်ကြီး H.E. Dr. Luan Thuy Duong၊ စစ်သံမှူး Colonel Nguyen Duc Giang နှင့်တာဝန်ရှိသူများ တက်ရောက်ကြသည်။

-

-

ထိုသို့တွေ့ဆုံရာတွင် နှစ်နိုင်ငံတပ်မတော် နှစ်ရပ်အကြား လေ့ကျင့်ရေးဆိုင်ရာများနှင့် စစ်ဘက်နည်းပညာများတွင် ပူးပေါင်းဆောင်ရွက်လျက် ရှိသကဲ့သို့ ကာကွယ်ရေးနှင့် လုံခြုံရေးဆိုင်ရာများကိစ္စရပ်များ ပူးပေါင်း ဆောင်ရွက်ရေး ကိုလည်း ပိုမိုတိုးတက်အောင် ဆောင်ရွက်ရန် လိုအပ်မှုအခြေအနေများ၊ ရခိုင်ပြည်နယ် မြောက်ပိုင်းဒေသတွင် ဖြစ်ပေါ်လျက်ရှိသည့်ဘင်္ဂါလီအရေးကိစ္စများအား အစိုးရနှင့် တပ်မတော်မှ ဖြေရှင်း ဆောင်ရွက်နေမှုများအပေါ် နိုင်ငံတကာအလယ်တွင် ဗီယက်နမ်နိုင်ငံ အနေဖြင့် မြန်မာနိုင်ငံဘက်မှ စာနာနားလည်စွာ ရပ်တည်ထောက်ခံနေမှု အခြေအနေများ၊တပ်မတော်အနေဖြင့် ပြည်တွင်းငြိမ်းချမ်းရေး ရရှိအောင် ဆောင်ရွက်လျက်ရှိသကဲ့သို့ ရခိုင်ပြည်နယ်မြောက်ပိုင်း ဒေသတည်ငြိမ် အေးချမ်းရေးကိုလည်း ဆောင်ရွက် နေမှု အခြေအနေများ၊ ၂၀၁၈ ခုနှစ် ဒီဇင်ဘာ လ ၂၁ ရက်နေ့ တပ်မတော်၏ ထုတ်ပြန်ချက်အပေါ် ဗီယက်နမ်နိုင်ငံမှ ထောက်ခံကြိုဆိုမှု အခြေအနေများ၊ ရခိုင်ပြည်နယ်ဖွံ့ဖြိုးတိုးတက်ရေးနှင့် ပြည်တွင်း ငြိမ်းချမ်းရေး လုပ်ငန်းစဉ်တွင် ဗီယက်နမ်နိုင်ငံက ကူညီဆောင်ရွက်ပေးနိုင်မည့် အခြေအနေများ၊ တပ်မတော်နှစ်ရပ်အကြား ချစ်ကြည်ရင်းနှီးမှု တိုးတက်ခိုင်မာစေရေး အတွက် ချစ်ကြည်ရေး ခရီးစဉ်များ အပြန်အလှန် လည်ပတ်မှု ကိစ္စရပ်များနှင့် နှစ်နိုင်ငံ ကုန်သွယ်မှု တိုးမြှင့်ရေးဆိုင်ရာ ကိစ္စရပ်များအား ရင်းရင်းနှီးနှီး ဆွေးနွေးခဲ့ကြသည်။ 

-

တွေ့ဆုံပွဲအပြီးတွင် တပ်မတော်ကာကွယ်ရေး ဦးစီးချုပ်နှင့် ဗီယက်နမ်ဆိုရှယ်လစ်သမ္မတနိုင်ငံ၊ ၀န်ကြီးချုပ်၏ အထူးကိုယ်စားလှယ်ဖြစ်သူ ဒုတိယနိုင်ငံခြားရေး ၀န်ကြီးတို့ သည်အမှတ်တရလက်ဆောင် ပစ္စည်းများ အပြန်အလှန် ပေးအပ်ပြီး စုပေါင်းဓာတ်ပုံရိုက်ခဲ့ကြကြောင်း သတင်းရရှိသည်။

-

#မြ၀တီနေ့စဉ်သတင်းစာ