မြစ်ကြီးနား ၄-၉-၂ဝ၁၈
ကချင်ပြည်နယ် မြစ်ကြီးနားမြို့တွင် ကလေးငယ်များ ဖယောင်းတိုင်မီးနှင့် ဆော့ကစားရာမှ နေအိမ်သို့ မီးကူးစက်လောင်ကျွမ်းမှု ဖြစ်ပွားခဲ့ကြောင်း သိရသည်။
မြစ်ကြီးနားမြို့ တပ်ကုန်းရပ်ကွက် ရာဒါကောင်း (B) နယ်မြေရှိ နေအိမ်အမှတ် (၄/၄၃)တွင် စက်တင်ဘာ ၂ရက် ညနေ ၅နာရီ ၃၅မိနစ်က မီးလောင်နေကြောင်း သတင်းအရ မြစ်ကြီးနားခရိုင် မီးသတ်ဦးစီးဌာနမှ လက်ထောက်ညွှန်ကြားရေးမှူး ဦးအောင်သူထွန်းနှင့် မီးသတ်တပ်ဖွဲ့ဝင်များက မီးသတ်ယာဉ် လေးစီး၊ ရေသယ်ယာဉ် တစ်စီးတို့ဖြင့် သွားရောက်၍ ဒေသခံ ပြည်သူများနှင့် ဝိုင်းဝန်းငြှိမ်းသတ်ရာ ညနေ ၅နာရီ မိနစ် ၄ဝတွင် မီးငြိမ်းသွားခဲ့သည်။
မီးလောင်မှုကြောင့် ငွေကျပ်သုံးသိန်းခန့် တန်ဖိုးရှိ အလျား ၂၇ ပေ၊ အနံ ၁၈ပေ၊ အမြင့် ပေ ၂ဝ ရှိ သွပ်မိုး၊ ပျဉ်ခင်း၊ နံကပ်နှစ်ထပ်နေ အိမ်အပေါ်ထပ် အတွင်းပိုင်း မီးလောင်ဆုံးရှုံးခဲ့ပြီး ဒေါ်ရွယ်နန်၏ သားဖြစ်သူ မောင်ဒီဝမ်ရှယ်၏ ညာဘက်ပေါင်တွင် မီးလောင်ကျွမ်းခဲ့ရာ မြို့မရဲစခန်းမှတပ်ဖွဲ့ဝင်များက ဆေးရုံသို့ ပို့ဆောင်ပေးခဲ့သည်။
ဖြစ်စဉ်ကို စုံစမ်းစစ်ဆေးရာ နေအိမ်ပိုင်ရှင် ဦးဒိန်ခန်ရမ်ဆိုင်းမှာ နေအိမ်မှ မိုးကောင်းမြို့သို့ အလုပ်ကိစ္စဖြင့် သွားရောက်ရန် ဇနီးဖြစ်သူ ဒေါ်ရွယ်နန်က ဘူတာသို့ လိုက်လံပို့ဆောင်စဉ် သားသမီးများသာ ကျန်ရှိနေခဲ့ပြီး ၎င်း၏သားသမီးများမှာ မိဘများ မရှိခိုက်မီးခြစ်ဖြင့် နေအိမ်အိပ်ခန်းအတွင်း ဆော့ကစားရာမှ မီးစတင်လောင်ကျွမ်းမှု ဖြစ်ပွားခဲ့ကြောင်း သိရသည်။
ဖြစ်စဉ်နှင့်ပတ်သက်၍ ရွယ်နန်ကို မြစ်ကြီးနားမြို့မရဲစခန်းက (ပ)၂၂၆/၂ဝ၁၈၊ ပြစ်မှုပုဒ်မ-၂၈၅/ ၃၃၇ဖြင့် အမှုဖွင့်ဆောင်ရွက်ထားကြောင်း သတင်းရရှိသည်။
# မြဝတီနေ့စဉ်သတင်းစာ
No comments:
Post a Comment