ရန်ကုန် ၂၂-၆-၂၀၁၇
ယနေ့တွင် ကျရောက်သည့် ကမ္ဘာ့သစ် ကုလားအုတ်များနေ့ အထိမ်းအမှတ်အဖြစ် တိရစ္ဆာန်ဥယျာဉ် (နေပြည်တော်) နှင့် တိရစ္ဆာန်ဥယျာဉ် (ရန်ကုန်)တို့၌ ကမ္ဘာ့ သစ်ကုလားအုတ်များနေ့ အထိမ်းအမှတ် အသိပညာပေး လှုပ်ရှားမှုများ ဆောင်ရွက်ကြောင်း သိရသည်။
လက်ရှိတွင် သစ်ကုလားအုတ်များသည် မျိုးသုဉ်းလုနီးပါး အန္တရာယ်နှင့် ရင်ဆိုင်နေရပြီး အထိမ်းအမှတ် လှုပ်ရှားမှုအ ဖြစ် တိရစ္ဆာန်ဥယျာဉ်(နေပြည်တော်)နှင့် တိရစ္ဆာန်ဥယျာဉ် (ရန်ကုန်)သို့ လာရောက် အပန်းဖြေသည့် ပြည်သူများအား သစ်ကုလားအုတ်များ၏ နေထိုင်ပုံ၊ စားသောက်ပုံအလေ့အထများ၊ သစ်ကုလား အုတ်များနှင့် ပတ်သက်သည့် ဗဟု သုတများနှင့် ၎င်းတို့ကို ပြုစုစောင့်ရှောက်ထားရှိပုံများကို တိရစ္ဆာန်ဥယျာဉ်ရှိ တိရစ္ဆာန်ဆရာဝန်နှင့် တာဝန်ရှိသူတို့က ရှင်းပြပြီး လက်ကမ်းစာစောင်များ ဝေငှခြင်း၊ တိရစ္ဆာန်များနှင့် ပတ်သက်သည့် ဗဟုသုတမေးခွန်းများ မေးမြန်းခြင်းတို့ ပြုလုပ်ကြောင်း သိရသည်။
''သစ်ကုလားအုတ်တွေရဲ့ အရေပြားကို မီးရှို့ပြီးရှူရင် ကျန်းမာရေးအတွက် ကောင်းတယ်။ သစ်ကုလားအုတ်တွေရဲ့ သားရေကို ဗုံလုပ်တယ်။ အဲဒါတွေကြောင့် သစ်ကုလားအုတ်တွေ သတ်ဖြတ်ခံရပြီး မျိုးသုဉ်းလုနီးပါး ဖြစ်နေပါပြီ''ဟု တိရစ္ဆာန်ဥယျာဉ်(ရန်ကုန်)အုပ်ချုပ်ရေးမှူး ဦးထွန်းဝင်းအောင်က ပြောသည်။ ၁၉၉ဝ ပြည့်နှစ်တွင် ကမ္ဘာပေါ်၌ သစ် ကုလားအုတ် အကောင်ရေ ၁၄ဝဝဝဝ ကျော်ရှိရာမှ ယနေ့အချိန်တွင် အကောင်ရေ ၈ဝဝဝဝ ကျော်သို့ ကျဆင်းလာ သည့်အတွက် ၂ဝ၁၄ ခုနှစ်မှစတင်၍ သစ်ကုလားအုတ်များနှင့် ပတ်သက်၍ အသိပညာပေး လှုပ်ရှားမှုများ တိုးမြှင့် ဆောင်ရွက်ရန် ကမ္ဘာ့သစ်ကုလားအုတ်များနေ့ကို ကမ္ဘာတစ် ဝန်းရှိ တိရစ္ဆာန်ဥယျာဉ်များ၊ ကျောင်းများ၊ NGO အဖွဲ့များ နှင့် တောရိုင်းတိရစ္ဆာန်များကို ထိန်းသိမ်းစောင့်ရှောက်သည့် အဖွဲ့အစည်းများက နှစ်စဉ်ကျင်းပ လာခြင်းဖြစ်သည်။
လက်ရှိတွင် သစ်ကုလားအုတ်များမှာ မျိုးသုဉ်းလုနီးပါး ဖြစ်နေသည့်အတွက် တိရစ္ဆာန်ဥယျာဉ်(ရန်ကုန်)၌ ချောစုအ မည်ရှိသည့် သစ်ကုလားအုတ် တစ်ကောင် သာရှိပြီး တိရစ္ဆာန်ဥယျာဉ်(နေပြည်တော်)နှင့် ဆာဖာရီဥယျာဉ်တို့၌ သစ်ကု လားအုတ် စုစုပေါင်း ၁ဝ ကောင်ကို ထိန်းသိမ်းမွေးမြူ ထားရှိကြောင်း သိရသည်။
#Themyawadydaily
No comments:
Post a Comment