ထိုင်းအမှတ်တံဆိပ် ကုန်ပစ္စည်း အမျိုးပေါင်း ၁၂ဝ ကျော် ပါဝင်ပြသသည့် ထိုင်းကုန်စည်ပြပွဲ ကျင်းပ

-

ရန်ကုန် ဖေဖော်ဝါရီ ၂၁ 

-

ထိုင်းနိုင်ငံမှ အကြီးဆုံး ကုန်စည်ပြပွဲ ဖြစ်သည့် Top Thai Brands 2019 ကို ယနေ့တွင်ရန်ကုန်မြို့ ဦးဝိစာရလမ်းရှိ တပ်မတော်ခန်းမ၌ ကျင်းပရာထိုင်းနိုင်ငံမှ ထိပ်တန်းအမှတ်တံဆိပ်ကုန်ပစ္စည်း အမျိုးပေါင်း ၁၂ဝကျော် ပါဝင်ပြသကြောင်း ပြည်ထောင်စုသမ္မတမြန်မာနိုင်ငံကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ် (UMFCCI) ဒုတိယဥက္ကဋ္ဌ ဒေါက်တာမောင်မောင်လေးထံမှ သိရသည်။

-

ကုန်စည်ပြပွဲဖွင့်ပွဲကို UMFCCI ဥက္ကဋ္ဌ ဦးဇော်မင်းဝင်း၊ မြန်မာနိုင်ငံဆိုင်ရာထိုင်းသံမှူး Mrs. Suphatra Srimaitreepitak နှင့် တာဝန်ရှိသူများက ဖဲကြိုးဖြတ် ဖွင့်လှစ်ပေးကြပြီး ဖျော်ဖြေရေး အစီအစဉ်များကိုကြည့်ရှုအားပေးကာ ပြခန်းအတွင်း ခင်းကျင်း ပြသထားမှု များကို လိုက်လံကြည့်ရှု ကြသည်။ ''သူတို့ဒေသ တွင်းမှာ သူတို့ရဲ့ကုန်ပစ္စည်း ဝန်ဆောင်မှုတွေကို Market လုပ်ပေးတာပါ။ သူတို့ရဲ့ ကုန်ပစ္စည်းအသေးစား၊အလတ်စားတွေရဲ့ထုတ်လုပ်တဲ့ ကုန်ပစ္စည်း ဝန်ဆောင် မှုတွေကို မြန်မာနိုင်ငံကတစ်ဆင့် ထိုးဖောက် ဝင်ရောက်ပြီး မြန်မာနိုင်ငံအတွင်းမှာ ကျယ်ပြန့်စွာ ရောင်းချမယ်။ ပြီးတော့ ကုန်သွယ်မှုကတစ်ဆင့်ပူးပေါင်းဆောင်ရွက်ပြီး ထုတ်လုပ်နိုင်တဲ့ အရည်အချင်း၊ အခွင့်အလမ်းတွေ ရရှိပါမယ်။ ဒါ့ပြင် မြန်မာနိုင်ငံက ကုန်ကြမ်းတွေ သူတို့ကို ရောင်းချနိုင်တဲ့ အခွင့်အလမ်းတွေရရှိပြီး သူတို့ရဲ့ ဈေးကွက်နဲ့အတူလက်တွဲပြီးပူးပေါင်း ဆောင်ရွက်လို့လည်း ရပါတယ်''ဟု ဒေါက်တာမောင်မောင်လေးက ပြောသည်။ 

-

ယင်းကုန်စည်ပြပွဲတွင် ထိုင်းနိုင်ငံ၏ ထိပ်တန်းအမှတ်တံဆိပ် စားသောက်ကုန်များ၊ လျှပ်စစ်ပစ္စည်းများ၊ မီးဖိုချောင်သုံးပစ္စည်းများ၊ အိမ်တွင်း အလှဆင်ပစ္စည်းများ၊ ဖက်ရှင်အသုံးအဆောင်ပစ္စည်းများ၊ နေ့စဉ်သုံး အထွေထွေပစ္စည်းများ၊ အလှကုန်ပစ္စည်းများ၊ စက်ပစ္စည်းများ၊ ဒစ်ဂျစ်တယ်နှင့် အိုင်တီပစ္စည်းများ အပါအဝင် ကျန်းမာရေးနှင့် အလှအပဆိုင်ရာ ထုတ်ကုန်များ ပါဝင်ပြသရောင်းချ လျက်ရှိသည်။ 

-

ထို့ပြင် ထိုင်းအနုပညာပြပွဲ၊ ထိုင်းရိုးရာ အကအလှဖျော်ဖြေပွဲ၊ ထိုင်းအစားအစာများ ချက်ပြုတ်သည့် အစီအစဉ်၊ မိတ်ကပ်ခြယ်သသည့် အစီအစဉ်တို့ပါဝင်ပြီး Thai Airways၊ Bangkok Airways နှင့် Nok Air လေကြောင်းလိုင်းတို့မှ လေယာဉ်လက်မှတ် ကံစမ်းမဲဖောက်ပေးမည့် အစီအစဉ်များလည်း ပါဝင်သည်။ ယင်းပြပွဲကို ထိုင်းနိုင်ငံ ကုန်သည်ကြီး များအသင်း၊ ထိုင်းနိုင်ငံစက်မှုလက်မှု လုပ်ငန်းရှင် များအသင်း၊ထိုင်းနိုင်ငံ ရေကြောင်းကုန်သွယ်ရေးအသင်း၊ Thai Airways International အများပိုင် ကုမ္ပဏီလီမိတက်၊ မြန်မာနိုင်ငံရောက် ထိုင်းစီးပွားရေး လုပ်ငနပူးပေါင်း ကျင်းပခြင်း ဖြစ်သည်။ 

-

မြန်မာနိုင်ငံနှင့် ထိုင်းနိုင်ငံကြား ကုန်သွယ်မှုနှင့် ရင်းနှီးမြှုပ်နှံမှုဆိုင်ရာကဏ္ဍများ ပိုမိုတိုးတက်လာစေရန်၊ ထိုင်းနိုင်ငံ၏ အရည်အသွေးမြင့် ထုတ်ကုန် အမှတ်တံဆိပ်များကို မြန်မာနိုင်ငံမှ သုံးစွဲသူများနှင့်ပိုမိုမိတ်ဆက်ပေးနိုင်ရန်နှင့် နှစ်နိုင်ငံကြား စီးပွားရေးလုပ်ငန်းရှင်များ ပူးပေါင်း လက်တွဲကာ ရင်းနှီးမြှုပ်နှံမှု တိုးမြင့်လာစေရန် ရည်ရွယ်၍ အဆိုပါ ကုန်စည်ပြပွဲကို ကျင်းပခြင်း ဖြစ်ကြောင်း သိရသည်။ 

-

အဆိုပါ ပြပွဲတွင် ဆိုင်ခန်းပေါင်း ၁၃ဝ ကျော် ပါဝင်ပြသရာ ပြပွဲလာ ရောက်ကြည့်ရှုသူများအနေဖြင့် ထုတ်ကုန်ပစ္စည်းများ ဝယ်ယူနိုင်ပြီး မြန်မာလုပ်ငန်းရှင်များ အနေဖြင့်လည်း ထိုင်းနိုင်ငံ လုပ်ငန်းရှင်များနှင့်စီးပွားရေး မိတ်ဖက်အဖြစ် ရင်းနှီးမြှုပ်နှံ လုပ်ကိုင်နိုင်ရန် ဆွေးနွေးနိုင်မည် ဖြစ်သည်။ ယင်းပြပွဲကို ထိုင်းနိုင်ငံမှ အသင်းအဖွဲ့များ ပူးပေါင်းကာ (၄) ကြိမ်မြောက် ကျင်းပခြင်း ဖြစ်ပြီး ဖေဖော်ဝါရီ ၂၄ ရက်အထိ နေ့စဉ်နံနက် ၁ဝ နာရီမှ ညနေ ၅ နာရီအတွင်း ဖွင့်လှစ် ရောင်းချ လျက်ရှိကြောင်း သိရသည်။ 

-

ဝန်းရံခ

-

#မြ၀တီနေ့စဉ်သတင်းစာ