ချင်းပြည်နယ်၊ တီးတိန် (ဇိုမီး)အဖွဲ့က တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်အား ချင်းသူရဲကောင်းဘွဲ့(GAL HANG PAH TAWI NA AWARD)ဂုဏ်ပြု ချီးမြှင့်

-

နေပြည်တော်၊ ဒီဇင်ဘာ - ၄

-

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်အား ချင်းပြည်နယ်တီးတိန် (ဇိုမီး)အဖွဲ့မှ ကက်သလစ်ခရစ်ယာန်ဘုန်းတော်ကြီး Rev. Fr. Joseph Thang Nen Zo Mung ဦးဆောင်သည့်အဖွဲ့ဝင်များသည် ယနေ့မွန်းလွဲပိုင်းတွင် နေပြည်တော်ရှိ ဘုရင့်နောင်ရိပ်သာ၊ ဧည့်ခန်းမဆောင်၌လာရောက်တွေ့ဆုံ၍ (Gal Hang Pah Tawi Na Award) အား ဂုဏ်ပြုချီးမြှင့်ပေးအပ်သည်။

-

အဆိုပါချင်းသူရဲကောင်းဘွဲ့ပေးအပ်ပွဲသို့ တပ်မတော်ကာကွယ်ရေးဦးစီးချုပ်နှင့်အတူ ကာကွယ်ရေး ဦးစီးချုပ်ရုံး(ကြည်း)မှ ဒုတိယဗိုလ်ချုပ်ကြီး ထွန်းထွန်းနောင်နှင့် တပ်မတော်အရာရှိကြီးများ တက်ရောက်ကြပြီး ချင်းပြည်နယ် တီးတိန်(ဇိုမီး)အဖွဲ့မှ ကက်သလစ် ခရစ်ယာန်ဘုန်းတော်ကြီး Rev.Fr. Joseph Thang Nen Zo Mung နှင့်အတူ ကက်သလစ် ခရစ်ယာန်ဘုန်းတော်ကြီး Rev. Fr. Thang Muan Lian၊ နှစ်ခြင်း သင်းအုပ်ဆရာများနှင့် တာဝန်ရှိသူများ တက်ရောက်ကြသည်။

-

-

ဦးစွာ ကက်သလစ်ခရစ်ယာန်ဘုန်းတော်ကြီး Rev. Fr. Joseph Thang Nen Zo Mung က ခရစ်စမတ်ဆုမွန်ကောင်းတောင်းစကားပြောကြား၍ ဦးကပ်ခင်းပေါင် က  တပ်မတော် ကာကွယ်ရေးဦးစီးချုပ်အား ချင်းသူရဲကောင်းဘွဲ့ပေးအပ်မှု ဆိုင်ရာ ဂုဏ်ပြုမှတ်တမ်းလွှာ ကိုဖတ်ကြားပြီး ချင်းသူရဲကောင်းဘွဲ့ (Gal Hang  Pah Tawi Na Award) အား တပ်မတော် ကာကွယ်ရေး ဦးစီးချုပ်ထံပေးအပ်သည်။ ယင်းနောက် ဦးလျန်ခန့်တွောင်က ချင်းသူရဲကောင်း အကြောင်းအား ဖတ်ကြားပြီး ဦးခမ်းဆွင်းမုံက တပ်မတော်ကာကွယ်ရေးဦးစီးချုပ်ထံ ချင်းသူရဲကောင်းဘွဲ့ အထိမ်း အမှတ်ဓားအားပေးအပ်သည်။ ယင်းနောက် တက်ရောက်လာကြသည့် အဖွဲ့ဝင်များက တပ်မတော် ကာကွယ်ရေးဦးစီးချုပ်ထံ ချင်းရိုးရာ ဓလေ့ထုံးစံ လက်ဆောင်ပစ္စည်းများ ပေးအပ်ကြသည်။

-

ထို့နောက် တပ်မတော်ကာကွယ်ရေးဦးစီးချုပ်က ကျေးဇူးတင်စကားပြန်လည် ပြောကြားရာတွင် မြန်မာနိုင်ငံ ကိုလိုနီလက်အောက်သို့ ကျရောက်ခဲ့စဉ်က ချင်းတိုင်းရင်းသားခေါင်းဆောင်များနှင့် ချင်း တိုင်းရင်းသားများသည် အခြား တိုင်းရင်းသားများနှင့် အတူ နယ်ချဲ့များအား သတ္တိရှိရှိ ရဲဝံ့စွာဖြင့် တွန်းလှန်တိုက်ခိုက်ခဲ့သဖြင့် ချင်းတိုင်းရင်းသားများ ကိုယ်စားဂုဏ်ယူပါကြောင်း၊ ယခုအခါမိမိအား ခေါင်းဆောင်တစ်ဦး အနေဖြင့် အသိအမှတ်ပြုသည့်အတွက် ဂုဏ်ယူဝမ်းမြောက်ပါကြောင်းနှင့် တန်ဖိုး ထားပါကြောင်း၊ မိမိတို့နိုင်ငံသည် တိုင်းရင်းသားလူမျိုးပေါင်းစုံဖြင့်ဖွဲ့စည်းထားပြီး တိုင်းရင်းသား များသည် နိုင်ငံအနှံ့ပျံ့နှံ့နေထိုင်ကြသဖြင့် လူမျိုးစွဲ၊ ဒေသစွဲမထားကြဘဲ တစ်မြေတည်းနေ၊ တစ်ရေ တည်းသောက်၊ တစ်လေတည်းရှူကြသည့် ညီအစ်ကိုမောင်နှမရင်း စိတ်ဓာတ်ဖြင့် ညီညီညွတ်ညွတ် နေထိုင်ကြရမည်ဖြစ်ကြောင်း၊ ဒေသတည်ငြိမ်အေးချမ်းရေးသည် အရေးကြီးပြီး တည်ငြိမ် အေးချမ်းမှု ရှိမှသာ ဒေသဖွံ့ဖြိုးတိုးတက်မည်ဖြစ်ကြောင်း၊ ချင်းပြည်နယ်သည် ယခင်ကတည်းက လက်နက်ကိုင် ပဋိပက္ခများ မရှိခဲ့သော ဖြူစင်ပြီးသား နယ်မြေဖြစ်၍ အရောင်မစွန်းစေလိုကြောင်း၊ လမ်းပန်း ဆက်သွယ်ရေးခက်ခဲသောကြောင့် ချင်းပြည်နယ်အတွင်း ဝေးလံခေါင်းပါးသောဒေသများရှိ ဒေသခံ ပြည်သူများ ကျန်းမာရေးစောင့်ရှောက်မှု လုပ်ငန်းများ အတွက် တပ်မတော်မှ ကူညီဆောင်ရွက်ပေး လျက်ရှိသကဲ့သို့ ချင်းပြည်နယ် ဖွံ့ဖြိုးတိုးတက်ရေးအတွက်လည်း တတ်နိုင်သည့်ဘက်မှ ကူညီ ဆောင်ရွက်ပေးလျက်ရှိကြောင်း၊ ထို့အတူ ဒေသဖွံ့ဖြိုးရေး လုပ်ငန်းများ ကိုဆောင်ရွက်နိုင်ရန် အသိပညာ၊ အတတ်ပညာ၊ အတန်းပညာများ မရှိမဖြစ် လိုအပ်သောကြောင့် မိမိတို့၏ သားသမီးများ ပညာရည် မြင့်မားရေးကို အလေးထားဆောင်ရွက်ပေးရမည်ဖြစ်ကြောင်း ပြောကြားသည်။

-

ယင်းနောက်ဘုန်းတော်ကြီး Rev. Fr. Joseph Thang Nen Zo Mung က ချင်းသူရဲကောင်းဘွဲ့     (Gal Hang  Pah Tawi Na Award) အား တပ်မတော်ကာကွယ်ရေးဦးစီးချုပ်ထံပေးအပ် နိုင်သည့် အတွက် များစွာဝမ်းမြောက်ရကြောင်း၊ ယနေ့သည် ချင်းတိုင်းရင်းသားများအတွက် သမိုင်း စာမျက်နှာသစ်ဖွင့်လှစ်သည့် နေ့ဖြစ်ပါကြောင်း၊ တပ်မတော်သည်နိုင်ငံတော် ဖွံ့ဖြိုး တိုးတက်မှု အခန်း ကဏ္ဍများတွင် ပါဝင်ထမ်းဆောင်လျက်ရှိသကဲ့သို့ အမိနိုင်ငံတော်ကို ကာကွယ်ခဲ့သည့် တပ်မတော်သည် ပြည်သူများ၏ လိုလားချက်ဖြစ်သည့် ဒီမိုကရေစီလမ်း ကြောင်းပေါ်သို့လည်း အောင်မြင်စွာ လျှောက်လှမ်းနိုင်အောင် ဆောင်ရွက်ပေးခဲ့ခြင်းသည် သမိုင်းဝင်ဆောင်ရွက်ချက်တစ်ခု ဖြစ်ပါကြောင်း၊ မိမိတို့ချင်းတိုင်းရင်းသားများ အနေဖြင့် တပ်မတော်နှင့် အတူ အမြဲရပ်တည်ဆောင်ရွက် နေမည်ဖြစ်ပါကြောင်း ပြောကြားသည်။

-

ထို့နောက် နှစ်ခြင်းသင်းအုပ်ဆရာ Rev. Cin Sian Pau က နိုင်ငံတော်၊ တပ်မတော် နှင့် ပြည်သူများအားလုံးအတွက် ဆုမွန်ကောင်းတောင်းစကား ပြောကြားသည်။ ၎င်းနောက်တပ်မတော် ကာကွယ်ရေးဦးစီးချုပ်က ဘုန်းတော်ကြီး Rev.Fr. Joseph Thang Nen Zo Mung နှင့် အဖွဲ့ဝင်များအား အမှတ်တရ လက်ဆောင်ပစ္စည်း များပေးအပ်ပြီး စုပေါင်းဓာတ်ပုံရိုက်ကြသည်။

-

အဆိုပါ ချင်းသူရဲကောင်းဘွဲ့ (Gal Hang  Pah Tawi Na Award)သည်မြောက်ပိုင်း ချင်း တိုင်းရင်းသားများ၏ အမြင့်ဆုံးသူရဲကောင်းဘွဲ့ဖြစ်ပြီး ချင်းသူရဲကောင်းဘွဲ့ဓားမှာ ချင်းတိုင်းရင်းသား သူရဲကောင်းများ ကိုင်ဆောင်ခဲ့သည့် ဓားနှင့် ပုံစံတူပြုလုပ်ထားခြင်း ဖြစ်သည်။ တပ်မတော် ကာကွယ်ရေးဦးစီးချုပ်အား ချင်းသူရဲကောင်းဘွဲ့ ပေးအပ်ရခြင်းမှာ-

(က)နိုင်ငံရေးပြုပြင်ပြောင်းလဲ နေသည့်ကာလတွင် တပ်မတော်မှ မားမားမတ်မတ်ရပ်တည်ပေးခြင်း၊ စနစ်တကျ ထိန်းကျောင်း ပေးခြင်းနှင့် တိုင်းပြည်နှင့်လူမျိုးအတွက်ကာကွယ်ပေးခြင်း။

(ခ)မိမိတိုင်းပြည်အတွက် မားမားမတ်မတ် ရပ်တည်ကာကွယ်ပေးခြင်း။ 

(ဂ) ရဲစွမ်းသတ္တိနှင့်ပြည့်စုံသော တိုင်းပြည်နှင့်လူမျိုးအတွက် အသက်နှင့် လဲ၍ကာကွယ်သည့် အရည်အချင်းပြည့်စုံသော ပုဂ္ဂိုလ်ဖြစ်ခြင်း။ စသည့်အချက်သုံးချက်နှင့် ကိုက်ညီ သောကြောင့် ယခုကဲ့သို့ ဂုဏ်ပြုချီးမြှင့်ပေးအပ်ခဲ့ခြင်းဖြစ်ကြောင်း သတင်းရရှိသည်။

-

#မြ၀တီနေ့စဉ်သတင်းစာ