ဖလမ်းမြို့၌ ဟွာလ်ငိုးမျိုးနွယ်စုများ၏ ချင်းရိုးရာ နှစ်သစ်ကူးပွဲတော် ကျင်းပ

မိုင်းယောင်း အောက်တိုဘာ ၂၅
-
ရှမ်းပြည်နယ်(အရှေ့ပိုင်း) တာချီလိတ်ခရိုင်  မိုင်းယောင်းမြို့နယ်တွင် ရိုးရာသီတင်းကျွတ် ပွဲတော်ကို အမှတ်(၂)ရပ်ကွက်ရှိ ကျော့မ်ကျိုက်ဘုန်းတော်ကြီး ကျောင်း၌  ယမန်နေ့က ရိုးရာဓလေ့နှင့်အညီ ဆင်ဆွဲပွဲအလှများဖြင့် မိုင်းယောင်း သားများ  တစ်နှစ်တစ်ကြိမ် ပျော်ရွှင်စွာ စုပေါင်းဆင်နွှဲကြကြောင်း သိရသည်။
-
မိုင်းယောင်းမြို့နယ်၌    နှစ်စဉ် သီတင်းကျွတ်ပွဲတော်ကို စောင်၊ ရွှေ၊ ငွေနှင့်အထည် စသောတန်ဖိုးရှိ အသုံးအဆောင် ပစ္စည်းများဖြင့်   ဆင်ရုပ်၊ မြင်းရုပ်ကြီးများကို လှပအောင် ဆင်ယင်ပြုလုပ်ပြီး    သံဃပဝါရဏာပြုပွဲနှင့် ရဟန်း သာမဏေ တို့အား စာရေးတံမဲချ လှူဒါန်းရန်အတွက်   မိမိတို့၏ တိုင်းရင်းသားရိုးရာ အဝတ်အစားများ ဆင်တူဝတ်ဆင်ကာ  ဘိုးဘွားအမွေ ရှမ်းအိုးစည်ဗုံမောင်းများ  တီးခတ်ကခုန်လျက် ဆင်ရုပ်၊ မြင်းရုပ်ကြီးများကို ဝါးနှီးများအသုံးပြု၍ ကျစ်ထားသော မင်္ဂလာကြိုးကြီးများဖြင့် ပြိုင်တူဆွဲကြပြီး အလှည့်ကျသည့် ကျေးရွာဘုန်းကြီးကျောင်းသို့ စုပေါင်းပို့ဆောင်ကြသည်။
-
ထို့အတူ ကျေးရွာအုပ်စုများ၌လည်း ပျော်ပွဲရွှင်ပွဲများနှင့်အတူ သီတင်းကျွတ်ပွဲတော်ကို လမ်ဝုန်းအကများဖြင့် ပျော်ရွှင်စွာ  စုပေါင်းဆင်နွှဲကြပြီး မြို့၏အထင်ကရ နေရာများဖြစ်ကြသည့်  ထပ်လုံစွမ်ယောင်း စေတီတော်၊    ဗောဓိရွှေညောင်ပင်၊ ဈာန်ရကိုရင်ကြီးတောရကျောင်း၊ အသောကသိမ်တော်၊ မြို့ဦးစေတီ၊ ထေရဝါဒ ဗုဒ္ဓသာသနာပြု(ဗဟို)ကျောင်းတိုက်၊ဗုဗ္ဗဝိဇယ ဆုတောင်းပြည့်စေတီ၊ မဟာမြတ်မုနိ ဘုရားကြီး၊ မိုင်းဟန်ကျောင်းတိုက်၊ ထပ်ပူခမ်းစေတီနှင့် ဝမ်ကျိုင်းကိုရင်လေး တောရကျောင်းတို့၌လည်း အလှူဒါနပြုသူများ၊ ကုသိုလ်ပြုသူများနှင့် တရားဘာဝနာ အားထုတ်သူများဖြင့် အထူးစည်ကားကြောင်း သိရသည်။
-
#မြ၀တီနေ့စဉ်သတင်းစာ