ရန်ကုန် ၁၄-၇-၂၀၁၇
သရုပ်ဆောင် ခင်လှိုင်အနေဖြင့် ၎င်းပါဝင် သရုပ်ဆောင်ခဲ့သည့် ရုပ်ရှင်ဇာတ်ကားများတွင် အကယ်ဒမီရရှိမည့် မျှော်လင့်ချက်ဖြင့် လက်ခံရိုက်ကူးခဲ့ခြင်း မရှိခဲ့ဘဲ ကျရာဇာတ်ရုပ်ကို ပီပြင်အောင် သရုပ်ဆောင်ခဲ့ကြောင်း သရုပ်ဆောင်ခင်လှိုင်က ပြောပြ၍ သိရသည်။
ဇာတ်သဘင်လောကတွင် ဖြတ်သန်းလာခဲ့သည့် သရုပ်ဆောင် ခင်လှိုင်အနေဖြင့် ဇာတ်သဘင် လောကသည် သရုပ်ဆောင်လောက ဖြတ်သန်းမှုတွင် အထောက်အကူ ဖြစ်ကြောင်း ပြောပြသည်။ ''အကယ်ဒမီဆိုတာက တစ်ဦး တစ်ယောက်တည်း ကောင်းနေမှ တော်နေမှ မဟုတ်ဘဲ ဇာတ်ကားမှာ ပါဝင်ကြသူတွေ အားလုံးကောင်းမှသာ ရရှိနိုင်ပါတယ်''ဟု ၎င်းက ဆက်လက် ပြောပြသည်။
ယခုအခါ ခင်လှိုင်သည် ဒါရိုက်တာ ပြည်ဟိန်းသီဟ ရိုက်ကူးလျက်ရှိသည့် ''ကျူးကျူးကျော်ကျော်'' ရုပ်ရှင်ဇာတ်ကားတွင် ပြေတီဦး၊ နေဒွေး၊ ဒိန်းဒေါင်၊အိချောပို၊ သွန်းဆက်တို့နှင့်အတူ ပါဝင်သရုပ်ဆောင် ရိုက်ကူးလျက်ရှိကြောင်း သိရသည်။
ယခုအခါ မာဖီးယားဂိုဏ်းစတား တစ်ဦးကဲ့သို့ ခင်လှိုင် ပါဝင်သရုပ်ဆောင် ထားသည့် ''Original Gangster'' ဇာတ်ကား၌ လူကြိုက်များနေပြီး ရုံတင်သည့် ပထမပတ်တွင် ငွေကျပ် သိန်းတစ်ထောင် ရရှိခဲ့ကြောင်း၊ အဆိုပါ ဇာတ်ကားကို ရိုက်ကူးခဲ့သည့် ဒါရိုက်တာ ဂျိူး၏ ပြောပြချက်အရ သိရသည်။
#yadanarpondaily
No comments:
Post a Comment