တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်၊ ဇနီးဒေါ်ကြူကြူလှနှင့် မြန်မာ့တပ်မတော် ချစ်ကြည်ရေး ကိုယ်စားလှယ်အဖွဲ့ဝင် များအား သြစတြီးယားတပ်မတော်စစ်ဦးစီးချုပ် General Othmar Commenda နှင့်ဇနီးတို့က ညစာစားပွဲဖြင့် တည်ခင်းဧည့်ခံစဉ်။
နေပြည်တော်၊ ၂၅-၄-၂၀၁၁၇
သြစတြီးယားနိုင်ငံသို့ ရောက်ရှိလျက်ရှိသော တပ်မတော်ကာကွယ် ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် ဦးဆောင်သည့် မြန်မာ့တပ်မတော် ချစ်ကြည်ရေး ကိုယ်စားလှယ် အဖွဲ့အား သြစတြီးယား တပ်မတော်စစ်ဦးစီးချုပ် General Othmar Commenda နှင့်ဇနီးတို့က ဧပြီ ၂၃ ရက် ဒေသစံတော်ချိန် ည ၇ နာရီတွင် ဗီယင်နာမြို့ရှိ Marriott ဟိုတယ်၌ ညစာစားပွဲဖြင့် တည်ခင်းဧည့်ခံသည်။
ဦးစွာ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်၊ ဇနီးဒေါ်ကြူကြူလှနှင့် မြန်မာ့တပ်မတော်ချစ်ကြည်ရေး ကိုယ်စားလှယ်အဖွဲ့ဝင်များအား General Othmar Commenda နှင့်ဇနီး၊ တာဝန်ရှိသူများက ကြိုဆိုနှုတ်ဆက်ခဲ့ကြသည်။
ထို့နောက် ညစာစားပွဲအထိမ်းအမှတ် နှုတ်ဆက်စကားများ အပြန်အလှန်ပြောကြားခဲ့ကြကာ အတူတကွ ညစာသုံးဆောင်ခဲ့ကြပြီး အမှတ်တရလက်ဆောင်ပစ္စည်းများ အပြန်အလှန်ပေးအပ်ခဲ့ကြသည်။
#Themyawadydaily
No comments:
Post a Comment