တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်နှင့် FES ၏ Executive Director ဖြစ်သူ Dr.Roland Schmidt တို့ ဆွေးနွေးစဉ်။
နေပြည်တော် ၂၉-၄-၂၀၁၇
ဂျာမနီနိုင်ငံသို့ တရားဝင်ချစ်ကြည်ရေး ခရီးရောက်ရှိနေသည့် တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် ဦးဆောင်သော မြန်မာ့တပ်မတော် ချစ်ကြည်ရေး ကိုယ်စားလှယ်အဖွဲ့သည် ယနေ့ ဒေသစံတော်ချိန် နံနက် ၈ နာရီခွဲတွင် ဘာလင်မြို့ရှိ Friedrich Ebert Stiftung- FES ရောက်ရှိရာ တာဝန်ရှိသူများကကြိုဆို နှုတ်ဆက်ကြသည်။
ယင်းနောက် တပ်မတော်ကာကွယ်ရေး ဦးစီးချုပ်ဦးဆောင်သည့် မြန်မာ့တပ်မတော် ချစ်ကြည်ရေး ကိုယ်စားလှယ်အဖွဲ့ဝင်များအား FES ၏ Executive Director ဖြစ်သူ Dr. Roland Schmidt မှ FES ဌာနချုပ်တွင် နံနက်စာဖြင့် တည်ခင်းဧည့်ခံကာ FES ၏ဆောင်ရွက်လျက်ရှိသော လုပ်ငန်းစဉ်များအား ရှင်းလင်းပြောကြားပြီး ဒီမိုကရေစီ ပြုပြင်ပြောင်းလဲရေးနှင့် စစ်ဘက်-အရပ်ဘက် ဆက်ဆံရေးဆိုင်ရာ ကဏ္ဍရပ်များအား ရင်းနှီးပွင့်လင်းစွာ ဆွေးနွေးခဲ့ကြသည်။
ဆွေးနွေးမှုအပြီးတွင် တပ်မတော်ကာကွယ်ရေး ဦးစီးချုပ်နှင့် FES ၏ Executive Director တို့မှ အမှတ်တရ လက်ဆောင်ပစ္စည်းများ အပြန်အလှန်ပေးအပ်ကြကာ အမှတ်တရဓာတ်ပုံ ရိုက်ကူးခဲ့ကြသည်။
#Themyawadydaily
No comments:
Post a Comment