Social Icons

Pages

Sunday, March 19, 2017

ဂျပန်နည်းပညာကို အသုံးပြု၍ တန်ဖိုးမြှင့်စားသောက်ကုန် ထုတ်လုပ်မှုကို ကုန်ထုတ်လုပ်ငန်းရှင် များ စိတ်ဝင်စားမှုရှိ



နေပြည်တော် ၊ ၂၀-၃-၂၀၁၇

ဂျပန်နိုင်ငံ နည်းပညာကို အသုံးပြု၍ ဆန်၊ ပဲ၊ ပြောင်း၊ ဂျုံ ဖြင့် တန်ဖိုးမြှင့် စားသောက်ကုန် ထုတ်လုပ်မှုကို ကုန်ထုတ်လုပ်ငန်းရှင် ၇ဝ ရာခိုင်နှုန်းခန့် စိတ်ဝင်စားမှု ရှိနေကြောင်း အသေးစား စက်မှုလက်မှု လုပ်ငန်းဦးစီးဌာန နေပြည်တော် (ရုံးချုပ်)မှ တာဝန်ရှိသူတစ်ဦး က ပြောပြ၍ သိရသည်။

တန်ဖိုးမြှင့် စားသောက်ကုန် များကို ပြည်တွင်းမှထွက်ရှိသည့် သီးနှံများအခြေခံပြီး ကျန်းမာသန့်ရှင်း၍ အာဟာရပြည့်ဝကာ ဈေးနှုန်းချိုသာသည့် တန်ဖိုးမြှင့် (Value Added) စားသောက်ကုန် ၂၆ မျိုးကို ဒီဇင်ဘာလ ကတည်းက ဓာတုဆေးဝါးများကို အသုံးမပြုဘဲ မြန်မာနိုင်ငံအတွင်းမှ ထွက်ရှိသည့် သီးနှံများဖြင့်သာ စမ်းသပ်ထုတ်လုပ် ထားကြောင်း၊ ဈေးကွက်အတွင်း စားသုံးသူများ ဘေးအန္တရာယ် ကင်းရှင်းစေရေးကို အဓိကထား၍ စမ်းသပ်ထုတ်လုပ် ထားကြောင်း သိရသည်။

အဆိုပါ အခြေခံစားသောက်ကုန် ထုတ်လုပ်မှု သင်တန်းများကို နေပြည်တော်ရုံးချုပ် အပြင် တိုင်းဒေသကြီးနှင့် ပြည်နယ်ရုံးခွဲ များကို ဂျပန်နိုင်ငံမှ ပညာရှင်များနှင့် မြန်မာနိုင်ငံ အစားအသောက် သိပ္ပံ (FOSTA) အဖွဲ့တို့က ၄င်းမုန့်များ ပြုလုပ်သည့် နည်းပညာပိုင်း များကို ယခုနှစ် ဇန်နဝါရီလ ဒုတိယပတ်မှ စတင်သင်ကြား ပေးခဲ့ကြောင်း သိရသည်။

၎င်းသင်တန်းများ အပြင် ပြည်နယ်နှင့် တိုင်းဒေသကြီးရှိ ရုံးများက အသေးစား စက်မှုလက်မှုလုပ်ငန်း ရှင်များအား ထပ်ဆင့်နည်းပညာ များကို ယခုနှစ် ဖေဖော်ဝါရီလ အတွင်းက သင်တန်းပို့ချပေး ခဲ့ကြောင်း၊ ထိုသင်တန်းများ ပြီးဆုံးသွားပါက မြန်မာတစ်နိုင်ငံလုံးရှိ စာသင်ကျောင်းများမှ မုန့်ဈေးတန်းများ အပြင် ဈေးကွက်များ အတွင်းသို့ ဖြန့်ဝေပေး သွားမည် ဖြစ်ကြောင်း သိရသည်။

မြန်မာနိုင်ငံမှ ထွက်ရှိသည့် ဆန်၊ ပဲ၊ ပြောင်း၊ ဂျုံကို အခြေခံ၍ ဂျပန်နည်းပညာဖြင့် ထုတ်လုပ်မှု သင်တန်းများကို တိုင်းဒေသကြီး နှင့်ပြည်နယ်အလိုက် နည်းပညာ သင်တန်းများ ပို့ချပေးနေသည့် အပြင် မြန်မာ တစ်နိုင်ငံလုံးတွင် တန်ဖိုးမြှင့် စားသောက်ကုန် များကို ထုတ်လုပ်ကာ ဈေးကွက်အတွင်း ဖြန့်ချိရောင်းချခြင်း များကို ပြုလုပ်မည့် လုပ်ငန်းရှင် ၇ဝ ရာခိုင်နှုန်းထိ ရှိနေကြောင်း သိရသည်။

''မြန်မာနိုင်ငံအတွင်းကို ပြည်ပက စားသောက်ကုန် အမျိုးမျိုး ဝင်ရောက်နေတာ တွေ့ရတယ်။ အများဆုံးဝင်ရောက် လာတဲ့ မုန့်တွေက ဒီဇိုင်းလှလှလေး တွေနဲ့ထုပ်ပိုးထားတယ်။ ပြီးတော့ ဆိုးဆေးပါဝင်တဲ့ မုန့်တွေလဲရှိတယ်။ ဒါတွေကို အများဆုံး ဝယ်ယူစားသုံး ကြတာက ကျောင်းတက်နေတဲ့ ကလေးတွေ များတယ်။ ရေရှည်မှာ ကျန်းမာရေးကိုပါ ထိခိုက်လာနိုင်တဲ့ အတွက် ပြည်တွင်းက ထွက်ရှိတဲ့ ကုန်ကြမ်းတွေကို ဂျပန်နည်းပညာနဲ့ ပူးပေါင်းပြီး မုန့်တွေကို ထုတ်လုပ်ပြီး ဈေးကွက်အတွင်း ဖြန့်ချိပေးသွားမှာပါ။ ကုန်ထုတ်လုပ်မှု လုပ်ငန်းရှင်တွေ ကိုလဲ နည်းပညာတွေ အခမဲ့ဖြန့်ဝေ နေပါတယ်။ စိတ်ပါဝင်စားတဲ့ လုပ်ငန်းရှင်တွေ တော်တော်များ ပါတယ်''ဟု ၄င်းက ဆက်လက် ပြောပြသည်။

ဆန်၊ ပဲ၊ ပြောင်း၊ ဂျုံစသည့်သီးနှံ တို့ဖြင့် ထုတ်လုပ်ထားသော မုန့်ပဲသရေစာ စားသောက်ကုန် ၂၆ မျိုးမှာ မြေပဲပွကြော်၊ အာလူးကြော်၊ ကြက်သွန်နီ ပေါင်းကြော်၊ တို့ဟူးခြောက်ကြော်၊ ငှက်ပျောပေါင်းကြော်၊ ကြက်သွန်ဖြူ ပေါင်းကြော်၊ ပုစွန်ပေါင်းကြော်၊ ပြောင်းဖူးပေါင်းကြော်၊ ချောကလက် ပေါင်းကြော်၊ ငါးမုန့်ကြော်၊ ကျောက်ဖရုံယို၊ အာလူးပေါင်းကြော်၊ သရက်ယို၊ ပန်းသီးယို၊ တောင်ကြီးပဲကြော်၊ ပြောင်းဖူးပေါက်ပေါက်၊ နာနတ်ယို၊ Rice Snack ၊ ဆန်ကိတ်ခြောက်၊ ဆန်ကိတ်၊ မရန်းယို၊ ဆီးယို၊ မန်ကျည်းဖျော်ရည်၊ ဆီးဖျော်ရည်၊ ခရမ်းချဉ်သီးဆော့(စ်) ၊ ခရမ်းချဉ်သီးယို တို့ကို စမ်းသပ်ထုတ်လုပ် ထားကြောင်း သိရသည်။

ရတနာပုံနေ့စဉ်သတင်းစာ

No comments:

Post a Comment

Related Posts Plugin for WordPress, Blogger...