ဒုတိယတပ်မတော် ကာကွယ်ရေးဦးစီးချုပ် ကာကွယ်ရေးဦးစီးချုပ်(ကြည်း) ဒုတိယဗိုလ်ချုပ်မှူးကြီး စိုးဝင်း
ကိုကိုးကျွန်းမြို့ရှိ ဌာနဆိုင်ရာဝန်ထမ်းများ ရပ်မိရပ်ဖများနှင့် ဒေသခံပြည်သူများအား တွေ့ဆုံစဉ်
ဒုတိယတပ်မတော် ကာကွယ်ရေးဦးစီးချုပ် ကာကွယ်ရေးဦးစီးချုပ်(ကြည်း) ဒုတိယဗိုလ်ချုပ်မှူးကြီး စိုးဝင်း
ကိုကိုးကျွန်းမြို့ရှိ ဌာနဆိုင်ရာဝန်ထမ်းများ ရပ်မိရပ်ဖများနှင့် ဒေသခံပြည်သူများအား
ရင်းရင်းနှီးနှီး နှုတ်ဆက်စဉ်
နေပြည်တော် ၊ ၂၇-၁-၂၀၁၇
ဒုတိယတပ်မတော် ကာကွယ်ရေးဦးစီးချုပ် ကာကွယ်ရေးဦးစီးချုပ် (ကြည်း) ဒုတိယ ဗိုလ်ချုပ်မှူးကြီး စိုးဝင်း သည် ကာကွယ်ရေး ဦးစီးချုပ်ရုံးမှ တပ်မတော် အရာရှိကြီးများနှင့် တာဝန်ရှိသူများ လိုက်ပါ၍ ဇန်နဝါရီ ၂၅ ရက် နံနက်ပိုင်းတွင် ကိုကိုးကျွန်းမြို့သို့ ရောက်ရှိရာ လေဆိပ်၌ တပ်မတော်(ရေ) မှအရာရှိကြီးများ၊ မြို့နယ် အထွေထွေ အုပ်ချုပ်ရေးမှူး နှင့် ဌာနဆိုင်ရာ တာဝန်ရှိသူ များက ကြိုဆိုနှုတ်ဆက် ကြသည်။
ယင်းနောက် ကိုကိုးကျွန်းရေတပ် အခြေစိုက်စခန်း ရှင်းလင်းဆောင် ၌ ဒုတိယတပ်မတော် ကာကွယ်ရေးဦးစီးချုပ် ကာကွယ်ရေး ဦးစီးချုပ်(ကြည်း) အား ရေတပ်စခန်းမှူး က ရည်မှန်းချက် တာဝန်အပေါ် အကောင် အထည်ဖော် ဆောင်ရွက်မှု အခြေအနေများ၊ ဥစားကြက်၊ DYL ဝက်အပါအဝင် မွေးမြူရေး ဆောင်ရွက် ထားရှိမှု၊ မျိုးကောင်းအုန်းပင် များစိုက်ပျိုးမှုနှင့် မိုးရာသီကာလ အုန်းပင် တစ်အုပ်တစ်မ စိုက်ပျိုးနိုင်မှု အခြေအနေများ၊ အုန်းစိုက်ပျိုးရေး နှင့် အုန်းထွက်ပစ္စည်း ထုတ်လုပ်ရေး အတွက် ဒေသခံများ နှင့် ပူးပေါင်း ဆောင်ရွက်မှု အခြေအနေများ၊ ဒေသဖွံ့ဖြိုးရေး အတွက် စိုက်ပျိုးရေ နှင့် သောက်သုံးရေ လုံလောက်စွာ ရရှိရေး၊ မြို့နယ်အုပ်ချုပ်ရေး အဖွဲ့နှင့် ပူးပေါင်း ဆောင်ရွက်နေမှု အခြေအနေ တို့အား ရှင်းလင်း တင်ပြသည်။
ရှင်းလင်းတင်ပြမှု အပေါ် ဒုတိယတပ်မတော် ကာကွယ်ရေးဦးစီးချုပ် ကာကွယ်ရေး ဦးစီးချုပ် (ကြည်း)က လိုအပ်သည်များ မှာကြားဖြည့်ဆည်း ဆောင်ရွက်ပေးသည်။
ထို့နောက် ဒုတိယတပ်မတော် ကာကွယ်ရေးဦးစီးချုပ် ကာကွယ်ရေး ဦးစီးချုပ်(ကြည်း) နှင့် အဖွဲ့ဝင်များသည် ကိုကိုးကျွန်း ဆိပ်ခံတံတား တည်ဆောက်ပြီးစီးမှု အခြေအနေများအား သွားရောက်ကြည့်ရှု စစ်ဆေးရာ တာဝန်ရှိသူများက လိုက်လံရှင်းလင်း ပြသကြသည်။ ယင်းနောက် ကျွန်းပတ်လမ်း အတိုင်း မော်တော်ယာဉ် များဖြင့် လှည့်လည်ကြည့်ရှု ကြပြီး ကိုကိုးကျွန်း ပတ်လမ်းမှ ကြွက်ကျွန်းသို့ သွားသည့် မြေသားလမ်း ဖောက်လုပ်ရန် လျာထားမှု အခြေအနေ များအား ကြည့်ရှု စစ်ဆေးသည်။
ဆက်လက်ပြီး မွန်းလွဲပိုင်းတွင် ဒုတိယတပ်မတော် ကာကွယ်ရေးဦးစီးချုပ် ကာကွယ်ရေး ဦးစီးချုပ်(ကြည်း) သည် ကိုကိုးကျွန်းမြို့နယ် ခန်းမ၌ ကိုကိုးကျွန်းမြို့ရှိ ဌာနဆိုင်ရာ ဝန်ထမ်းများ၊ ရပ်မိရပ်ဖများနှင့် ဒေသခံ ပြည်သူများအား တွေ့ဆုံ၍ ကိုကိုးကျွန်းဒေသ သည် နိုင်ငံတော်အတွက် ရေကြောင်း စိုးမိုးမှု မဟာဗျူဟာကျသော နေရာဖြစ်သဖြင့် နိုင်ငံတော်လုံခြုံရေး အတွက် အရေးကြီးသည့် အခြေအနေများ၊ နိုင်ငံတော်အစိုးရ နှင့် တပ်မတော်မှ ကိုကိုးကျွန်းမြို့ ဖွံ့ဖြိုးတိုးတက်ရေး အတွက် လိုအပ်သည် များအား ဖြည့်ဆည်း ဆောင်ရွက်ပေး နေမှုများနှင့် ကိုကိုးကျွန်းမြို့ ဖွံ့ဖြိုးတိုးတက် လာမှု အခြေအနေများ၊ ကိုကိုးကျွန်းမြို့ တွင် တာဝန်ထမ်း ဆောင်လျက် ရှိသည့် နိုင်ငံ့ဝန်ထမ်း များနှင့် ဒေသခံပြည်သူများ သွားလာရေး အဆင်ပြေ စေရန်အတွက် တပ်မတော်မှ လေယာဉ်၊ ရေယာဉ်များဖြင့် ပို့ဆောင်ပေးနေမှု အခြေအနေများ၊ နယ်မြေခံ ရေတပ်စခန်း ဌာနချုပ်မှ ဥစား ကြက်များ မွေးမြူပြီး ဒေသခံပြည်သူ များသက်သာ ချောင်ချိရေးအတွက် သက်သာသော ဈေးနှုန်းဖြင့် ရောင်းချပေးနေမှု အခြေအနေများနှင့် ထာဝရငြိမ်းချမ်းရေး ရရှိရန်အတွက် တပ်မတော် မှ နိုင်ငံတော်အစိုးရ နှင့် ပူးပေါင်း ဆောင်ရွက်နေမှု အခြေအနေများအား ရှင်းလင်း ပြောကြားသည်။
ထို့နောက် မြို့နယ်အထွေထွေ အုပ်ချုပ်ရေးမှူးက နယ်မြေဒေသ အခြေအနေများအား ရှင်းလင်းတင်ပြပြီး ဌာနဆိုင်ရာ တာဝန်ရှိသူများ၏ တင်ပြချက်များအပေါ် ဒုတိယတပ်မတော် ကာကွယ်ရေးဦးစီးချုပ် ကာကွယ်ရေး ဦးစီးချုပ် (ကြည်း) က လိုအပ်သည်များ ပေါင်းစပ်ညှိနှိုင်း ဆောင်ရွက်ပေးသည်။
ယင်းနောက် ဒုတိယတပ်မတော် ကာကွယ်ရေးဦးစီးချုပ် ကာကွယ်ရေး ဦးစီးချုပ်(ကြည်း) က ဌာနဆိုင်ရာ ဝန်ထမ်းများအတွက် စားသောက်ဖွယ်ရာများ ပေးအပ်ရာ မြို့နယ် အထွေထွေ အုပ်ချုပ်ရေးမှူးက လက်ခံရယူသည်။
ယင်းနောက် ဌာနဆိုင်ရာ ဝန်ထမ်းများ၊ ရပ်မိရပ်ဖများနှင့် ဒေသခံပြည်သူများ အတွက် တပ်မတော်အရာရှိ ကြီးများက စားသောက်ဖွယ်ရာများ ပေးအပ်ကြရာ တာဝန်ရှိသူများက လက်ခံရယူ ကြသည်။
တွေ့ဆုံပွဲအပြီးတွင် ဒုတိယတပ်မတော် ကာကွယ်ရေးဦးစီးချုပ် ကာကွယ်ရေး ဦးစီးချုပ်(ကြည်း)က တွေ့ဆုံပွဲသို့ တက်ရောက် လာကြသည့် ဌာနဆိုင်ရာ ဝန်ထမ်းများ၊ ရပ်မိရပ်ဖများနှင့် ဒေသခံပြည်သူ များအား ရင်းရင်းနှီးနှီး လိုက်လံ နှုတ်ဆက်သည်။
ဒုတိယတပ်မတော် ကာကွယ်ရေးဦးစီးချုပ် ကာကွယ်ရေးဦးစီးချုပ်(ကြည်း) ဒုတိယဗိုလ်ချုပ်မှူးကြီး စိုးဝင်း
ကိုကိုးကျွန်းမြို့နယ် ပြည်သူ့ဆေးရုံအတွင်း လှည့်လည် ကြည့်ရှုစဉ်
ဒုတိယတပ်မတော် ကာကွယ်ရေးဦးစီးချုပ် ကာကွယ်ရေးဦးစီးချုပ်(ကြည်း) ဒုတိယဗိုလ်ချုပ်မှူးကြီး စိုးဝင်း
အုန်းထွက်ပစ္စည်းများဖြင့် ပြုလုပ်သည့် အိမ်အလှဆင်ပစ္စည်းများနှင့် အိမ်သုံးပစ္စည်းများ
ထုတ်လုပ်နေမှုကို ကြည့်ရှုစစ်ဆေးစဉ်
ဒုတိယတပ်မတော် ကာကွယ်ရေးဦးစီးချုပ် ကာကွယ်ရေးဦးစီးချုပ်(ကြည်း) ဒုတိယဗိုလ်ချုပ်မှူးကြီး စိုးဝင်း
အုန်းဆီသန့်စက်ရုံအတွင်း အုန်းဆီသန့်ထုတ်လုပ် နေမှုတို့ကို ကြည့်ရှုစစ်ဆေးစဉ်
၎င်းနောက် ဒုတိယတပ်မတော် ကာကွယ်ရေးဦးစီးချုပ် ကာကွယ်ရေး ဦးစီးချုပ်(ကြည်း)နှင့် အဖွဲ့ဝင်များသည် ကိုကိုးကျွန်းမြို့နယ် ပြည်သူ့ဆေးရုံသို့ ရောက်ရှိကြပြီး ဆေးရုံအတွင်း လှည့်လည် ကြည့်ရှုကာ လိုအပ်သည်များ ပေါင်းစပ် ညှိနှိုင်းဆောင်ရွက် ပေးပြီး ဆေးရုံတက်ရောက် ကုသလျက်ရှိသော လူနာများအား ရင်းရင်းနှီးနှီး လိုက်လံနှုတ်ဆက် အားပေးစကား ပြောကြား၍ လက်ဆောင် ပစ္စည်းများ ပေးအပ်သည်။
ယင်းနောက် ညနေပိုင်းတွင် ဒုတိယတပ်မတော် ကာကွယ်ရေးဦးစီးချုပ် ကာကွယ်ရေး ဦးစီးချုပ်(ကြည်း) သည် ကိုကိုးကျွန်း တပ်နယ်ခန်းမ၌ တပ်နယ်မှ အရာရှိ၊ စစ်သည်၊ မိသားစုများအား တွေ့ဆုံအမှာစကား ပြောကြားသည်။
ထိုသို့တွေ့ဆုံရာတွင် ဒုတိယတပ်မတော် ကာကွယ်ရေးဦးစီးချုပ် ကာကွယ်ရေး ဦးစီးချုပ်(ကြည်း) က ကိုကိုးကျွန်းမြို့သည် မိမိတို့နိုင်ငံ၏ အနောက်တောင်ဘက် အစွန်ဆုံးတံခါးဝ ဖြစ်ပြီး ရေကြောင်းစိုးမိုးမှု မဟာဗျူဟာ ကျသည့် နေရာဒေသတစ်ခု ဖြစ်သောကြောင့် အရေးကြီးသော တာဝန်များကို ထမ်းဆောင်နေရမှုကို ဂုဏ်ယူနေကြရမှာ ဖြစ်ကြောင်း၊ ယနေ့ခေတ်တွင် ကျွန်းများ၏ အရေးပါမှုသည် ပိုမို၍သိသာ ထင်ရှားပြီး အရေးပါ လာကြောင်း၊ ကျွန်းများ ပိုင်ဆိုင်မှုနှင့် အတူ ရေသယံဇာတ များနှင့် ရေကြောင်းစွမ်းအား များသည် နိုင်ငံတော်အတွက် အထောက်အကူ များစွာရရှိကြောင်း၊ မိမိတို့ပိုင်ဆိုင်ပြီးသားနေရာများနှင့် ရေသယံဇာတများ မဆုံးရှုံးစေရန် ကာကွယ်သွားရမည် ဖြစ်ကြောင်း၊ ထို့ကြောင့် စဉ်ဆက်မပြတ် လေ့ကျင့်နေရန် လိုအပ်ကြောင်း၊ ၄င်းအပြင် နိုင်ငံတော်၏ အကျိုးစီးပွားအတွက် တပ်မတော်မှ အမျိုးသားနိုင်ငံရေးဖြင့် ဆောင်ရွက်နေမှု အခြေအနေနှင့် ထာဝရ ငြိမ်းချမ်းရေးရရှိရန် အတွက် တပ်မတော်မှ နိုင်ငံတော်အစိုးရနှင့် ပူးပေါင်းဆောင်ရွက် နေမှု အခြေအနေ များအား ဦးစွာရှင်းလင်း ပြောကြားသည်။
ထို့နောက် အရာရှိ၊ စစ်သည်၊ မိသားစုများ စားဝတ်နေရေး အဆင်ပြေ စေရန်နှင့် သက်သာ ချောင်ချိမှု ရရှိစေရန်အတွက် စိုက်ပျိုးရေး၊ မွေးမြူရေး လုပ်ငန်းများကို မူဝါဒများချမှတ် အကောင် အထည်ဖော် ဆောင်ရွက်ပေးလျက် ရှိမှု အခြေအနေ၊ ၀တ်ရေးနှင့် ပတ်သက်၍ နိုင်ငံတကာ တပ်မတော်များ နည်းတူ ခေတ်ကာလ နှင့် ကိုက်ညီအောင် ဆောင်ရွက်ပေးလျက် ရှိမှု အခြေအနေ၊ နေရေးနှင့် ပတ်သက်ပြီး တပ်တွင်း လူနေနှင့် အုပ်ချုပ်မှု အဆောက်အဦ များအား မူဝါဒနှင့်အညီ လုံလောက်စွာ ဆောက်လုပ်ထား ရှိပေးထားမှု အခြေအနေ၊ စစ်မှု ထမ်းဆောင်ပြီး အငြိမ်းစား တပ်မတော်သားများ ဘဝဖြင့် နေထိုင်မှု အဆင်ပြေစေရန် အတွက်လည်း ဦးစားပေး အဆင့်အလိုက် စစ်မှုထမ်းဟောင်း အိမ်ရာ များအား တိုင်းစစ်ဌာနချုပ် များအလိုက် တည်ဆောက် နေရာချထား ပေးလျက်ရှိမှု အခြေအနေနှင့် တပ်မတော်သား မိသားစုဝင်များ၏ ပညာရည်မြှင့်တင်ရေး နှင့် ပတ်သက်၍ တပ်မတော်မှ စဉ်ဆက်မပြတ် ဖြည့်ဆည်း ဆောင်ရွက် ပေးလျက်ရှိပြီး တပ်မတော်သား မိသားစုဝင် ထူးချွန် ကျောင်းသား၊ ကျောင်းသူများအား အားပေး ချီးမြှောက်ခြင်းများ ဆောင်ရွက်မှု အပြင် ခေတ်မီတပ်မတော် တည်ဆောက်ရာ တွင် မရှိမဖြစ် လိုအပ်သည့် တပ်မတော်သားများ ပညာရည် မြှင့်တင်ပေးနေမှု အခြေအနေ များအား အသေးစိတ် ရှင်းလင်း မှာကြားသည်။
ဆက်လက်ပြီး မိမိတို့၏ လုပ်ငန်းတာဝန်ကို သိရှိပြီး အောင်မြင်အောင် လုပ်ဆောင်ရေး၊ ပြည်သူပါမှ စစ်နိုင်မည်ဆိုသည့် အတိုင်း တပ်နှင့်ပြည်သူ တစ်ဆက်တည်း တစ်သားတည်း ဖြစ်စေရေးအတွက် ပြည်သူ့ဆက်ဆံရေး ကောင်းမွန်အောင် အလေးထား ဆောင်ရွက်ရေး၊ ဒေသခံ ပြည်သူများအား လိုအပ်သည့် အကူအညီများ ပေးရေးတို့အား တိုက်တွန်း ပြောကြားသည်။
တွေ့ဆုံပွဲအပြီးတွင် တပ်နယ်မှ အရာရှိ၊ စစ်သည်၊ မိသားစုများ အတွက် ဒုတိယတပ်မတော် ကာကွယ်ရေးဦးစီးချုပ် ကာကွယ်ရေး ဦးစီးချုပ်(ကြည်း) က စားသောက်ဖွယ်ရာများ ကိုလည်းကောင်း၊ တပ်မတော် အရာရှိကြီးများ က စားသောက်ဖွယ်ရာ များနှင့် လက်ဆောင် များကို လည်းကောင်း အသီးသီး ပေးအပ်ပြီး တက်ရောက် လာကြသည့် အရာရှိ၊ စစ်သည်၊ မိသားစုများအား ရင်းရင်းနှီးနှီး လိုက်လံ နှုတ်ဆက်သည်။
ယင်းနောက် ဒုတိယတပ်မတော် ကာကွယ်ရေးဦးစီးချုပ် ကာကွယ်ရေး ဦးစီးချုပ်(ကြည်း) နှင့်အဖွဲ့ဝင် များသည် ရေတပ်စခန်း ဌာနချုပ်ရှိ တပ်မိသားစုဝင် များနှင့် ဒေသခံပြည်သူ များက အုန်းထွက်ပစ္စည်း များဖြင့် ပြုလုပ်သည့် အိမ်အလှဆင် ပစ္စည်းများနှင့် အိမ်သုံးပစ္စည်းများ ထုတ်လုပ်နေမှု၊ အုန်းဆီသန့် စက်ရုံအတွင်း အုန်းဆီသန့် ထုတ်လုပ်နေမှု တို့အား ကြည့်ရှု စစ်ဆေးရာ တာဝန်ရှိသူ များက လိုက်လံရှင်းလင်း ပြသကြသည်။
ထို့နောက် ဒုတိယတပ်မတော် ကာကွယ်ရေးဦးစီးချုပ် ကာကွယ်ရေး ဦးစီးချုပ်(ကြည်း)နှင့် အဖွဲ့ဝင်များသည် ရေတပ်စခန်း ဌာနချုပ်ရှိ စိုက်ပျိုး မွေးမြူရေး ခြံအတွင်း ဥစားကြက်၊ DYL ဝက်နှင့် နို့စားနွားများ မွေးမြူထားရှိမှု၊
Green House ဖြင့် သီးနှံပင်များ စိုက်ပျိုးထားရှိမှု တို့ကို ကြည့်ရှု စစ်ဆေးရာ တာဝန်ရှိသူများ က လိုက်လံရှင်းလင်း တင်ပြကြပြီး တင်ပြချက် များအပေါ် ဒုတိယတပ်မတော် ကာကွယ်ရေး ဦးစီးချုပ် ကာကွယ်ရေး ဦးစီးချုပ်(ကြည်း) က လိုအပ်သည်များ ဖြည့်ဆည်း ဆောင်ရွက်ပေး ခဲ့ကြောင်း သိရှိရသည်။
မြ၀တီနေ့စဉ်သတင်းစာ ၊ စာ(၁၇)
No comments:
Post a Comment