၂၀၁၆ ခုနှစ် တစ်နှစ်တာကာလအတွင်း လူကုန်ကူးမှု ၁၃၀ ဖြစ်ပွားခဲ့

နေပြည်တော် ၊ ၁၁-၁-၂၀၁၇

မြန်မာနိုင်ငံသည် လူကုန်ကူးမှု တိုက်ဖျက်ရေးကို ဦးစားပေး အစီအစဉ် အဖြစ် ထားရှိ၍ စီမံကိန်းများဖြင့် အကောင် အထည်ဖော် ဆောင်ရွက်လျက် ရှိရာ လူကုန်ကူးမှု တားဆီး ကာကွယ်ရေး ဥပဒေ ပြဋ္ဌာန်းခြင်း၊ လူကုန်ကူးမှု တားဆီးကာကွယ်ရေး ဗဟိုအဖွဲ့ ဖွဲ့စည်းခြင်း ၊ အမျိုးသား ငါးနှစ်စီမံကိန်း ချမှတ် ဆောင်ရွက်ခြင်း၊ မဲခေါင် ခြောက်နိုင်ငံ လူကုန်ကူးမှု တိုက်ဖျက်ရေး လုပ်ငန်းစဉ်ကို အကောင် အထည်ဖော် ဆောင်ရွက်ခြင်း၊ နိုင်ငံတကာ နှင့် ပူးပေါင်း ဆောင်ရွက်မှု တိုးမြှင့်ခြင်း၊ ရွှေ့ပြောင်း သွားလာမှုဆိုင်ရာ မူဝါဒများချမှတ်ခြင်းနှင့် ပြည်ပရောက် တရားမဝင် ရွှေ့ပြောင်း အလုပ်သမားများ ကာကွယ် စောင့်ရှောက်ခြင်း၊ အဓမ္မ အလုပ်ခိုင်းစေမှု ပပျောက်စေရေး အတွက် ဥပဒေပြဋ္ဌာန်းခြင်း၊ အရွယ် မရောက်သေးသော ကလေးသူငယ် များအား စစ်မှုထမ်းခြင်းမှ တားဆီး ကာကွယ်ရေး အတွက် ကုလသမဂ္ဂနှင့် ပူးပေါင်း၍ လုပ်ငန်း စီမံချက် အကောင် အထည်ဖော်ခြင်း၊ အလုပ်သမား အဖွဲ့အစည်းများ ဖွဲ့စည်းထူထောင် ခွင့်ပြုခြင်း စသည့် ပြုပြင် ပြောင်းလဲရေးများ အကောင်အထည် ဖော်ဆောင်၍ လူကုန်ကူးမှု တားဆီးရေး လုပ်ငန်းများကို အမျိုးသားရေး အသွင်ဖြင့် ဆောင်ရွက်လျက် ရှိသည်။

ထိုကဲ့သို့ လူကုန်ကူးမှု တားဆီးရေး လုပ်ငန်းများကို အဘက်ဘက်က ပူးပေါင်း ဆောင်ရွက်လျက် ရှိသော်လည်း ဝိသမစီးပွား ရေး သမားများ၏ လူမဆန်စွာ လုပ်ကိုင်မှု များကြောင့် လူအချင်းချင်း ရောင်းစားသော လူကုန်ကူးမှုများ ဖြစ်ပွားလျက် ရှိသည်။ အချို့မှာလည်း စီးပွားရေး အဆင်မပြေမှု၊ ရိုးသားဖြူစင်မှု များကို အခွင့်ကောင်း ယူ၍ မက်လုံးပေး စည်းရုံး ဆွဲဆောင်ကာ လူပွဲစားများ လက်ထဲမှ ရောင်းစားခံရသည့် လူကုန်ကူးမှုများ ဖြစ်ပွားလျက် ရှိကြသည်။

ဤကဲ့သို့ အကြောင်း အမျိုးမျိုးကြောင့် လူပွဲစားများ၏ လုပ်ဆောင် မှုကြောင့် လူကုန်ကူးမှုများ ဖြစ်ပွားလျက်ရှိရာ ၂ဝ၁၆ ခုနှစ် ဇန်နဝါရီလ မှ ဒီဇင်ဘာလ အထိ လူကုန်ကူးမှု ၁၃ဝ ဖြစ်ပွားခဲ့သည်။

အဆိုပါ ဖြစ်စဉ်များတွင် ရန်ကုန်တိုင်း ဒေသကြီးတွင် ၂၄ မှု၊ မန္တလေးတိုင်း ဒေသကြီးတွင် ကိုးမှု၊ ပဲခူးတိုင်း ဒေသကြီးတွင် တစ်မှု၊ စစ်ကိုင်းတိုင်း ဒေသကြီးတွင် နှစ်မှု၊ တနင်္သာရီတိုင်း ဒေသကြီးတွင် တစ်မှု၊ မကွေးတိုင်း ဒေသကြီးတွင် သုံးမှု၊ ဧရာဝတီတိုင်း ဒေသကြီးတွင် ၁၁ မှု၊ ကရင်ပြည်နယ် တွင် ငါးမှု၊ မွန်ပြည်နယ် တွင် ခုနစ်မှု၊ ရခိုင်ပြည်နယ် တွင် ရှစ်မှု၊ ကချင် ပြည်နယ်တွင် ၁၂ မှု၊ ရှမ်းပြည်နယ် တွင် ၄၇ မှု ဖြစ်ပွားခဲ့သည်။

ပြစ်မှု ကျူးလွန်သော တရားခံ အမျိုးသား ၈၁ ဦး၊ အမျိုးသမီး ၁၄၉ ဦး စုစုပေါင်း ၂၃ဝ ဖမ်းဆီးရမိ ခဲ့သည်။ တရားခံပြေး အနေဖြင့် အမျိုးသား ၆၇ ဦး၊ အမျိုးသမီး ၁ဝ၈ ဦး စုစုပေါင်း ၁၇၅ ဦးရှိခဲ့ပြီး ဖမ်းဆီးရမိရေး အတွက် ဆက်လက် စုံစမ်း စစ်ဆေးလျက် ရှိသည်။

တစ်နှစ်လုံး လူကုန်ကူးခံ ရသူဦးရေ ၃ဝ၅ ဦးရှိခဲ့ရာ ၂၅၄ ဦးကို ပြန်လည် ကယ်တင်နိုင် ခဲ့ပြီး ၅၁ ဦးကို ပြန်လည် ကယ်တင်နိုင်ခြင်း မရှိခဲ့ပေ။ လူကုန်ကူးခံ ရသည့် အမျိုးအစား များမှာ လူကြီး ၂၂၆ ဦး၊ လူငယ် ၃၈ ဦး၊

ကလေး ၄၁ ဦးဖြစ်သည်။

လူကုန်ကူးခံ ရသည့် ဦးတည်ရာ နိုင်ငံများမှာ တရုတ်၊ ထိုင်း၊ မလေးရှား နှင့် ပြည်တွင်း၌လည်း ဖြစ်ပွားသည်။ ဦးတည်ရာနိုင်ငံ ဖြစ်သည့် တရုတ်နိုင်ငံသို့ လူကုန်ကူးမှု ၈၈ မှု၊ ထိုင်းနိုင်ငံသို့ ကိုးမှု၊ မလေးရှား နိုင်ငံသို့ ခြောက် မှု ဖြစ်ပွားခဲ့သည်။

အဆိုပါ လူကုန်ကူးခံ ရသူများအား အဓမ္မ လက်ထပ်စေခိုင်းမှု ၈၅ မှု၊ အဓမ္မ ခိုင်းစေမှု ၃၁ မှု၊ ပြည့်တန်ဆာ ပြုလုပ် ခိုင်းစေမှု ၁၂ မှု၊ ကြွေးမြီအတွက် တစ်မှု၊ ကလေး မွေးစားမှု တစ်မှုဖြစ်သည်။

သို့ပါ၍ ပြည်သူများ အနေဖြင့် လူအချင်းချင်း ရောင်းစားကြသော လူပွဲစားများကို သတိ၊ အသိ နှင့်ယှဉ်၍ ရှောင်ရှား ကြရန်နှင့် မိမိ၏ ပတ်ဝန်းကျင်တွင် အဆိုပါ လူပွဲစားများ တွေ့ရှိ၊ သိရှိပါက သက်ဆိုင်ရာသို့ အမြန်ဆုံး အကြောင်းကြား နိုင်ကြောင်း သိရသည်။

ရတနာပုံနေ့စဉ်သတင်းစာ ၊ စာ(၁၆)