ရုရှား၏ အရေးပါလာသည့် အရှေ့မျှော်စီမံကိန်းများ

( ရှိန်းထက် )

တရုတ် အပါအဝင် အိန္ဒိယနှင့် အနောက် အင်အားကြီး အုပ်စုတို့၏ အရှေ့တွင် စီးပွားရေး လမ်းကြောင်းများ အင်တိုက်အားတိုက် ထိုးဖောက် နေချိန်တွင် နှစ်လမ်းသွား စနစ်ဖြင့် အာရှသို့ တစ်ဟုန်ထိုး ဝင်ရောက် လာသူမှာ ရုရှား ဖြစ်သည်။ ရုရှား သည် စစ်ရေးအရ လွှမ်းမိုးမှု ရရှိနိုင်ရေး အတွက် ကာကွယ်ရေး စစ်လက်နက် ပစ္စည်းများကို ရောင်းချသည်။ စီးပွားရေး ကုန်သွယ်ခွင့် ရရှိရေးအတွက် စီးပွားရေး ညီလာခံကို ရုရှားမြေ၌ ပထမဆုံး ကျင်းပ ပေးသည်။

၂ဝ၁၄ ခုနှစ်မှ စတင်ဝင်ရောက် လာသော ရုရှား၏ အရှေ့တောင် အာရှဒေသ ပုံရိပ်များသည် တဖြည်းဖြည်း နှင့် ပိုမိုပီပြင် လာခဲ့သည်။ ရုရှား၏ ပထမဆုံး ပစ်မှတ်မှာ စစ်ရေးဖြစ်ပြီး အချိန်တစ်နှစ်၊ နှစ်နှစ် အတောအတွင်း မှာပင် ကာကွယ်ရေး စစ်ပစ္စည်းေ ရာင်းအားကို ၅ ဘီလီယံအထိ ရောက်အောင် ဆောင်ရွက် နိုင်ခဲ့သည်။ အာဆီယံ၏ စစ်အသုံးစရိတ် သည် ၄ဝ ဘီလီယံ ဖြစ်သည်။ ယခင်က သန်းပေါင်းရာနှင့် ချီ၍ ရောင်းနိုင်ဖို့ အရေး မနည်းကြိုးစား ခဲ့ရသော ရုရှားသည် ယခုရောင်းအား ၁၆ ရာခိုင်နှုန်း အထိ မြင့်တက် သွားခဲ့သည်။ တရုတ် နှင့် အာဆီယံဒေသ ၏ စစ်ရေးအရ တောင်တရုတ် ပင်လယ်ပြင် တင်းမာမှုသည် ရုရှား အတွက် အခွင့်အရေးကောင်း ဖြစ်သွားခဲ့သည်။ 

ယခင်က တရုတ်နှင့် အကြီးမားဆုံး မဟာမိတ် ဖြစ်ခဲ့ဖူးသော ဗီယက်နမ်သည် ရုရှား၏ စစ်လက်နက် ပစ္စည်းများကို ပိုမိုဝယ်ယူ လာခဲ့သည်။ ထို့အတူ တရုတ်နှင့် တင်းမာမှုကို အသုံးချကာ ဖိလစ်ပိုင်နှင့် ချစ်ကြည်ရေး ခရီး ထိုးဖောက်နိုင်ခဲ့ပြီး အာဆီယံ၏ စီးပွားရေး အင်အားကြီးနိုင်ငံ တစ်နိုင်ငံဖြစ်သော အင်ဒိုနီးရှား နှင့်လည်း ပူးတွဲစစ်ရေး လေ့ကျင့်မှုပင် ကျင်းပခွင့် ရအောင် ဆောင်ရွက် နိုင်ခဲ့သည်။ ယခု အခြေအနေတွင် စီးပွားရေးအရ ရုရှားကို အရှေ့တောင် အာရှ၌ မစိုးရိမ်ရ သော်လည်း စစ်ရေးအရ စိုးရိမ်စရာ ဖြစ်လာနေပြီ ဖြစ်သည်။ ရုရှားသည် စီးပွားရေးအရ အာဆီယံသို့ တိုက်ရိုက် ရင်းနှီးမြှုပ်နှံမှု အမေရိကန် ဒေါ်လာသန်း ၆ဝဝ ကျော်သာ ရှိသော်လည်း စစ်ရေးအရ အာဆီယံဒေသမှာ ဘီလီယံနှင့်ချီ ရင်းနှီးမြှုပ်နှံမှု များလာရန် စီမံကိန်းများစွာ ရှိနေသေးသည်။ ထိုနည်းတူ စီးပွားရေး ကုန်သွယ်ခွင့် များနှင့် စိုက်ပျိုးရေး ကိုအလေး ပေးသော အရှေ့တောင် အာရှနိုင်ငံများ အတွက် လယ်ယာ စိုက်ပျိုးရေး ရင်းနှီးမြှုပ်နှံမှု များနှင့် စွမ်းအင် စီမံကိန်းများကို ရင်းနှီးမြှုပ်နှံရန် ရုရှားတို့ အကြိတ်အနယ် ဆွေးနွေးနေသည်။

အင်ဒိုနီးရှားကို ဗဟိုပြုကာ စီးပွားရေး ဖွံ့ဖြိုးတိုးတက်အောင် ရုရှားတို့ ဆောင်ရွက်မည် ဖြစ်ပြီး ဗီယက်နမ်ကို ဗဟိုပြု၍ စစ်ရေးအရ အာရှဒေသတွင် လွှမ်းမိုးမှု ရရှိအောင် ကြိုးပမ်းတော့မည် ဖြစ်သည်။ ယခု အင်ဒိုနီးရှား တွင် အမေရိကန် ဒေါ်လာ ၁၄ ဘီလီယံ တန်ကြေးရှိသည့် ရေနံချက်စက်ရုံ တည်ဆောက်ရန် ရုရှားတို့စီစဉ် နေပြီး ရေနံဈေးကွက်ကို အာရှဒေသသို့ ပြောင်းရွှေ့ ဖြန့်ချိမည် ဖြစ်သည်။ ထို့ပြင် စင်ကာပူ ကမ်းလွန်၌လည်း ရုရှားတို့၏ ရေနံတူးစင် များကို တည်ဆောက်ရန် ရှိနေသေးသည်။

ရုရှားသည် အမေရိကန်နှင့် ဥရောပသမဂ္ဂ တို့၏ စီးပွားရေးအရေးယူ ပိတ်ဆို့မှုများကို ခံနေရသောကြောင့် အနိမ့်ဆုံး ရေနံဈေးနှုန်း များနှင့် ဈေးအနှိမ်ခံရကာ အထိနာနေပြီး ဈေးကွက်သစ် ရှာဖွေနေသူ ဖြစ်သည်။ ယခု အရှေ့တောင် အာရှကို အခြေပြုကာ အာရှ၌ ရုရှား၏ဈေးကွက် ပြန်လည်ဦးမော့ လာဦးမည်ဖြစ်ပြီး အခြေခံ အဆောက်အအုံ ကဏ္ဍပိုင်း တွင်လည်း ရုရှားတို့ နေရာရလာ ပြန်သည်။

အာဆီယံ အသိုက်အဝန်း သည် ဖွံ့ဖြိုးဆဲ ဒေသတစ်ခု ဖြစ်သောကြောင့် အခြေခံ အဆောက်အအုံ ဖွံ့ဖြိုး တိုးတက်မှုသည် မပြည့်စုံနိုင် သေးပေ။ ထိုအထဲမှ ရုရှားက စွမ်းအင်ကဏ္ဍကို ရွေးချယ်ထားသည်။ တရုတ်နှင့် အိန္ဒိယတို့သည် စွမ်းအင်ကို ဝယ်သုံး ရသောကြောင့် ယင်းတို့ မဖြည့်ဆည်းပေး နိုင်သောကဏ္ဍကို အာရှ၌ မြှုပ်နှံရန် ရုရှားက ရွေးချယ်ထားသည်။ ထို့ပြင် အမေရိကန် ဒေါ်လာ ၁ ဘီလီယံကျော် တန်ကြေးရှိသော  နျူကလီးယား ဓာတ်ပေါင်းဖိုများ ကို ရုရှားတို့က အရှေ့တောင် အာရှနိုင်ငံများ၌ တည်ဆောက်ရန် နိုင်ငံ့ခေါင်းဆောင် များနှင့် ဆွေးနွေး နေသည်။ ဗီယက်နမ်၌ ပထမဆုံး ရုရှားတို့ နျူကလီးယား ဓာတ်ပေါင်းဖို ကို တည်ဆောက်နေပြီး မြန်မာနိုင်ငံ အပါအဝင် ကမ္ဘောဒီးယား၊ လာအို၊ ထိုင်း တို့နှင့်လည်း နျူကလီးယား စွမ်းအင်ဆိုင်ရာ ကိစ္စရပ်များကို ဆွေးနွေး နေသည်။

စစ်ရေးအရ ပထမဆုံးရုရှားတို့ လွှမ်းမိုးလိုသည့် အာဆီယံဒေသတွင် ယခင်က အတိတ်ဟောင်း သမိုင်းများ အခိုင်အမာ ရှိနေခဲ့ဖူးသည်။ ထို့ကြောင့် သမ္မတပူတင် က ပြန်လည်ရယူပြီး တစ်ကမ္ဘာလုံး၌ ရုရှားစစ်တပ်ကို ဖြန့်ကြက်ချင် လာသည်။ အမေရိကန်တို့ စစ်အင်အား အရေးတကြီး ချထားပေးနေရသော အာရှ-ပစိဖိတ် ဒေသသည် ၁၉၈ဝ ပြည့်နှစ်ကာလ များက ရုရှားတို့ အခိုင်အမာ စစ်အခြေစိုက် ခဲ့သောနေရာ များဖြစ်သည်။

ယခု အာရှ-ပစိဖိတ် ဒေသသည် အမေရိကန်တို့ စစ်အင်အား ထက်ဝက်ခန့် ချထားရန်အထိ ကြိုးစားလာသော နေရာဖြစ်သည်။ ထိုနေရာသည် တစ်ချိန်က အာရှ၌ စစ်အင်အား ရှေ့ပြေးဖြစ်နေသည့် အမေရိကန် နှင့် ဂျပန်တို့ ချထားသော စစ်အင်အားထက် ပင် ရုရှားစစ်အင်အား က အာရှ-ပစိဖိတ် ၌ ပိုမိုများပြား ခဲ့သည်။ ဗီယက်နမ်သည် ရုရှား၏ သွေးသောက် ဖြစ်ခဲ့သည်။ ယခုလည်း ဗီယက်နမ်လေဆိပ် ကို ရုရှားတို့ စစ်ရေးအရ အသုံးချခွင့် ရထားခဲ့ပြီဖြစ်သည်။ ဗီယက်နမ်တို့ တည်ဆောက် နေသော ရေငုပ်သင်္ဘော ကိုလည်း ရုရှားတို့က နည်းပညာများ ပေးနေသည်။ ရုရှားသည် ၂ဝ၁၅ ခုနှစ် နှစ်ကုန်ပိုင်းက တာဝေးပစ်ဒုံးပျံ ပစ်လွှတ်နိုင်သည့် နျူကလီးယား ရေငုပ်သင်္ဘော ပုံစံသစ်တစ်မျိုးကို ထုတ်ပြခဲ့သည်။ ဗီယက်နမ် ရေငုပ်သင်္ဘော၌ ယင်း နည်းပညာများကို တပ်ဆင်ပေး နိုင်သည်ဟု ပညာရှင် များက ဝေဖန်နေကြသည်။

ဗီယက်နမ်သည် အမေရိကန်နှင့် စစ်ရေးအရ ဆက်ဆံရေး ရှိသော်လည်း အကောင်းမွန်ဆုံး ဆက်ဆံရေး မဟုတ်ပေ။ ကျူးကျော်စစ်၏ အမေရိကန် သမိုင်းဆိုးများက ဗီယက်နမ် နှင့် အမေရိကန် တို့၏ ဆက်ဆံရေးတွင် အတားအဆီး တစ်ခုအဖြစ် ယနေ့ အချိန်ထိ ရှိနေသေးသည်။ ရုရှားက ထိုအရာကို အသုံးချပြီး ဗီယက်နမ်၌ သူ၏ စစ်တပ်ကို အခြေစိုက်ချင် နေသည်။

၁၉၈ဝ ပြည့်နှစ်က ဗီယက်နမ်ရှိ ရုရှား၏ စစ်အခြေစိုက် စခန်းသည် အာရှ-ပစိဖိတ် ရေပြင်၌ လေယာဉ်တင် သင်္ဘောနှစ်စင်း ဖြင့် ပုံမှန်ကင်းလှည့်ပြီး ရုရှားနိုင်ငံ ပြင်ပ စစ်အခြေစိုက် စခန်းထဲ၌ အကြီးမားဆုံး ဖြစ်သည်။ ယခု တရုတ်ကပါ ဗီယက်နမ် နှင့် ဆက်ဆံရေးပိုမို ဆိုးရွားလာခြင်း ကြောင့် ရုရှားက ကြားထဲက အခြေအနေ ကို အကောင်းဆုံး အသုံးချ နေသည်။ အမြန်ဆုံးနှင့် အကောင်းဆုံး ပုံစံများဖြင့် ချဉ်းကပ်လာသော ရုရှားသည် အမေရိကန် အတွက် အာရှ-ပစိဖိတ် ဒေသမှာ ပိုမိုစိုးရိမ်စရာ ဖြစ်လာနေပြီ ဖြစ်သည်။

အမေရိကန်က တရုတ်ကို စိုးရိမ်ပြီး အာရှ-ပစိဖိတ် ဒေသကို စစ်အင်အားတိုးမြှင့် ချထားရန် စီစဉ်နေသည့် အပြင် ရုရှားကပါ ဝင်လာပြန်သည်။ တရုတ်နှင့် ရုရှား ကလည်း မဟာမိတ် တို့ကြောင့် အမေရိကန်တို့ ဗီယက်နမ်၌ ရုရှား စစ်အခြေစိုက်စခန်းမရှိ ရအောင် ကြိုးစားရတော့မည် ဖြစ်သည်။ ထိုသို့မဟုတ်ပါက အာရှ ချိန်ခွင်လျှာ ထိန်းညှိရေးတွင် အမေရိကန် အတွက် ပြဿနာရှိလာ နိုင်သည်။ ယခု ရုရှားက Fer East ဟူသော ခေါင်းစဉ်ဖြင့် အာရှ-ပစိဖိတ် ဒေသက အမေရိကန် ဒေါ်လာ ထရီလီယံနှင့် ချီ၍ တန်ကြေးရှိသော အာဆီယံ ဈေးကွက်ထဲသို့ ဝင်ရောက်ရန် ကြိုးစားနေပြီး ယခုပင် နေရာ တစ်နေရာ ရရှိနေပြီ ဖြစ်သည်။

ထို့ကြောင့် ရုရှား၏ အရှေ့မျှော် Fer East မူဝါဒ အောင်မြင်လေ အမေရိကန် တို့အတွက် ပြဿနာတက်လေ ဖြစ်သည်။ သို့သော်လည်း ယခု ရုရှားသမ္မတ ပူတင် ဦးဆောင်သော ရုရှား အစိုးရသည် အာဆီယံနှင့် နွေးထွေးသော ဆက်ဆံမှုများကို ရရှိထားပြီး ထိုဆက်ဆံမှုသည် ပိုမိုခိုင်မြဲ လာရန် ရာခိုင်နှုန်းပိုများ နေပါကြောင်း ရေးသား လိုက်ရပါသည်။

မြ၀တီနေ့စဉ် ၊ စာ(၂၄)